Bugun O'zbekiston Milliy kino san'ati saroyida O'zbekiston Respublikasi Madaniyat vazirligi huzuridagi Kinematografiya agentligi 'Hujjatli va xronikal filmlar kinostudiyasi' DUK tomonidan Toshkent tibbiyot akademiyasi bilan hamkorlikda 'Xalq yuragi' turkum doirasida suratga olingan 'Baxtim shul ' o'zbekning Zulfiyasiman' hujjatli filmining namoyishi bo'lib o'tdi.

Namoyishda Kinematografiya agentligi vakillari, talaba-yoshlar, kinoijodkorlar hamda kino ixlosmandlari ishtirok etishdi. Mazkur filmning rejissyori Navro'za Biynazova filmning yaratilish maqsadi va ahamiyati haqida fikr bildirdi.

Tadbir davomida maktab o'quvchilari Zulfiyaxonimning she'rlarini ifodali o'qib, shoiraning sermazmun ijodiy merosiga bo'lgan hurmat va muhabbatlarini namoyish etishdi.

Shuningdek, Kino saroyga tashrif buyurgan tomoshabinlar yangi ekspozitsiyalar bilan boyitilgan O'zbekiston Kino san'ati muzeyi faoliyati bilan yaqindan tanishib, milliy kino merosimizning boy va rang-barang tarixidan bahramand bo'lmoqdalar.