"Haj-2023": O'zbekistondan Madinaga ilk parvoz qachon amalga oshirilishi maʻlum qilindi

Transport vazirligi matbuot xizmati xabariga ko'ra, 2023 yil 4 iyun kuni "Haj-2023" tadbiri doirasida "Toshkent-Madina" yo'nalishi bo'yicha ilk parvoz amalga oshiriladi.

Qayd etilishicha, 4-19 iyun kunlari Madinaga O'zbekistonning 10 ta hududiy xalqaro aeroportlaridan, jumladan Toshkent, Namangan, Farg'ona, Qarshi, Termiz, Samarqand, Buxoro, Navoiy, Urganch, Nukus shaharlaridan "Haj-2023" tadbiri doirasida 15 000 nafar ziyoratchilar uchun yo'lovchi aviatashuvlari rejalashtirilgan.

Qatnovlar "Uzbekistan Airways" AJ tomonidan amalga oshiriladi. 2023 yil 4 iyuldan 22 iyulgacha qaytish aviaqatnovlari Jiddadan O'zbekiston shaharlariga rejalashtirilgan.