O‘zbekistonda 16-sentabr kuni COVID-19 ga qarshi 191 208 doza vaksina qo‘llandi, deb xabar bermoqda Sog‘liqni saqlash vazirligi. Shundan 66 021 doza birinchi bosqichda, 83 091 doza ikkinchi bosqichda va 42 096 doza uchinchi bosqichda qo‘llangan.

Mamlakatda ayni kungacha jami 18 273 581 doza vaksinadan foydalanilgan bo‘lib, ulardan 1-bosqichda emlanganlar 10 400 129 nafarni, 2-bosqichda emlanganlar 5 828 313 nafarni, 3-bosqichda emlanganlar 2 045 139 nafarni tashkil qildi. Shu kungacha to‘liq emlangan fuqarolar esa  3 669 298 nafarni tashkil qilmoqda.

Shu kuni emlash ko‘rsatkichlari bo‘yicha yuqori o‘rinlarni:

• Andijon viloyati (24 871 doza),
• Toshkent viloyati (23 244 doza),
• Namangan viloyati (20 725 doza) band qildi.

Jami emlashlar bo‘yicha yuqori ko‘rsatkichlar:

• Farg‘ona viloyatida 2 048 154 doza,
• Andijon viloyatida 1 989 987 doza,
• Namangan viloyatida 1 988 075 dozani tashkil qilmoqda.

Eslatib o‘tamiz, ayni paytda O‘zbekistonga keltirilgan jami vaksina 24 million 269 ming dozani tashkil qilmoqda. Emlash jarayonida ZF-UZ-VAC2001, AstraZeneca, “Sputnik V”, Moderna va Pfizer/BioNTech vaksinalaridan foydalanilmoqda.