Kecha, 26-aprel kuni Xivaning qadimiy Ichan qalʼasida IV Xalqaro baxshichilik sanʼati festivalining tantanali ochilish marosimi boʻlib oʻtgan edi. Bu sana anʼanaviy sanʼat va madaniyatni sevuvchilar uchun unutilmas kun boʻlgani shubhasiz. Festivalning ochilish kunida baxshilar oʻzining betakror dostonlari, kuy-qoʻshiqlari va xalq ogʻzaki ijodi namunalari bilan turkiy xalqlarning qadimiy ohangiga yangi ruh bagʻishladilar.

Bugun, 27-aprel sanasida ushbu festivalning ikkinchi kuni ham koʻtarinki kayfiyatda boshlandi. Koʻxna Xorazmning Ichan qalʼasida kun davomida bir-biridan qiziqarli tadbirlar tashkil etildi. Folklor ansambllarining chiqishlari mehmonlarga ulkan zavq va ilhom bagʻishladi.

Festivalga tashrif buyurgan xorijiy mehmonlar va ishtirokchilar qalʼaning betakror manzarasida, xalq sanʼati va madaniyatini oʻz koʻzlari bilan koʻrishdi. Tadbirlar davomida nafaqat Xorazmning eng goʻzal tarixi, balki butun turkiy dunyoning koʻpgina xalqlari tomonidan oʻziga xos tarzda yaratilgan musiqalar va sheʼrlar ham oʻqildi, tinglandi.

Taʼkidlash joizki,

Festivalning har bir lahzasi, har bir voqeasi nafaqat yurtimiz, balki xorijiy mehmonlar va ommaviy axborot vositalari xodimlari tomonidan yaqindan kuzatilib, yoritib borilmoqda.

'

'

'



Otabek SAIDAHMADOV 'Xalq soʻzi'