calendar 29 Jan 18:20
eye 26
comments 0
comments Manba: xs

Saylov qonunchiligi: oʻzgartish va qoʻshimcha kiritishga zarurat bormi?

image

Joriy yilda davlatimiz va xalqimiz hayotida yana bir katta siyosiy voqea — Prezidentlik saylovi boʻlib oʻtadi. Demak, boʻlajak saylovni milliy qonunchiligimiz va umumeʼtirof etilgan xalqaro demokratik tamoyillar asosida, yuksak saviyada oʻtkazishga katta ahamiyat qaratish lozim boʻladi.

Shu sababli “2017-2021-yillarda Oʻzbekiston Respublikasini rivojlantirishning beshta ustuvor yoʻnalishlari boʻyicha Harakatlar strategiyasini amalga oshirish boʻyicha «Ilm, maʼrifat va raqamli iqtisodiyotni rivojlantirish yili” Davlat dasturiga muvofiq, saylov qonunchiligini takomillashtirishga qaratilgan qonun loyihasi ishlab chiqildi.

Oliy Majlis Qonunchilik palatasining navbatdagi majlisida koʻrib chiqilgan “Saylov qonunchiligi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi qonun loyihasi bir qator yangi normalarni oʻzida aks ettirgan.

Birinchidan, xalq deputatlari tuman (shahar) Kengashlariga saylov oʻtkazuvchi okrug saylov komissiyalari instituti tugatilib, ularning vakolatlari tuman (shahar) saylov komissiyalari zimmasiga yuklanmoqda.

Chunki tahlillarga koʻra, har bir okrug oʻrtacha 1-3 ta saylov uchastkalari doirasi bilan cheklangan boʻlib, amaliyotda bir necha yillardan beri samarasiz faoliyat yuritib kelmoqda. Bu esa Davlat byudjetiga qoʻshimcha xarajatlarni koʻpaytirmoqda. Maqbullashtirish natijasida esa 54 mingdan ortiq aʼzodan iborat 5 739 ta okrug saylov komissiyalari tugatilib, 33,2 mlrd soʻm mablagʻ iqtisod qilinadi.

Ikkinchidan, qamoqda saqlash va ozodlikdan mahrum etish joylarida, harbiy qismlarda tashkil etilgan saylov uchastkalarini kuzatuvchilar oʻz tashrifi haqida kamida 3 kun oldin xabardor qilish tartibi belgilanmoqda.

Uchinchidan, saylovoldi tashviqoti davrida davlat resurslaridan foydalanish taqiqlanmoqda. Masalan, davlat xizmatchilariga, agar ular ishonchli vakil boʻlmasa, shuningdek, harbiy xizmatchilarga, diniy tashkilotlar xizmatchilariga, sudyalarga saylovoldi tashviqotini olib borish taqiqlanmoqda.

Saylovlarning dekabr oyida oʻtkazilishi saylovlardan keyingi siyosiy tadbirlar parlament birinchi majlisini oʻtkazish, Hukumatni shakllantirish, davlat rahbarining Oliy Majlisga Murojaatnomasi kabi muhim siyosiy jarayonlar yangi yilning birinchi choragiga toʻgʻri kelmoqda. Bu Davlat dasturini qabul qilish va boshqa islohotlar kechiktirilishiga sabab boʻlayotgani va boshqa omillarni hisobga olgan holda, Oʻzbekistonda Prezident saylovining oktyabr oyda oʻtkazilishi maqsadga muvofiqdir.

Xulosa shuki, boʻlajak saylovlar mamlakatimiz milliy taraqqiyotining hozirgi bosqichida xalqimiz oʻzi tanlagan yuksalish yoʻlidan ildam borayotganini, islohotlarning orqaga qaytmas tus olganligini namoyon etadi. Caylov qonunchiligiga kiritilayotgan oʻzgartish va qoʻshimchalar esa Oʻzbekistonning jahon mamlakatlari demokratiya indeksidagi oʻrnini yana-da yaxshilashga xizmat qiladi.

Abdulla ROʻZMETOV,
Oliy Majlis Qonunchilik palatasi deputati


Doʻstlaringiz bilan ulashing

17 Jul 10:51
 
62
0
xs.uz

Prezident Shavkat Mirziyoyev raisligida birinchi yarim yillikda amalga oshirilgan ishlar va kelgusi vazifalarga bagʻishlangan videoselektor yigʻilishi boshlandi

Tahlillar koʻrsatishicha, 2024-yilning birinchi olti oyida yalpi ichki mahsulot 6,4 foizga koʻpaydi, sanoat ' 7,8 foizga, qurilish ' 10,1 foizga, xizmatlar ' 12,9 foizga, qishloq xoʻjaligi ' 3,8 foizga oʻsdi.Byudjet daromadlari ham 113 trillion soʻmga yetib, 14 foizga oʻsdi.Umuman, yil boshidan buyon respublikada yaratilgan qoʻshilgan qiymat 567,4 trillion soʻmga yetdi. Bu ' oʻtgan yilning mos davriga nisbatan 94 trillion soʻmga koʻp.Birinchi yarim yillikda jami kapital quyilmalar 229

01 Jun 20:23
 
18
0
qalampir.uz

Toshkentdagi parkda tiqilinch yuzaga keldi. Tekinga narsa tarqatish aksiyalari to‘xtatildi

Toshkent shahridagi “Ashxobod” ko‘ngilochar bog‘ida bugun, 1 iyun soat 12:00 larda tekinga o‘yinchoqlar tarqatilishi haqidagi axborot ortidan, poytaxt aholisi va mehmonlardan iborat juda ko‘p fuqarolarning bir vaqtning o‘zida bog‘ atrofida to‘planishi oqibatida unga kirish/chiqish va ayrim ichki yo‘nalishlarida tiqilinch vaziyat hamda boqqa olib keluvchi va yaqin avtomobil yo‘nalishlarida tirbandliklar yuzaga keldi. Bu haqda Ichki ishlar vazirligi xabar berdi.

23 Jul 11:35
 
35
0
xs.uz

Oʻzbekistonda 24-iyul kuni havo harorati 43 darajaga koʻtarilishi kutilmoqda

Toshkent shahrida havo bir oz bulutli, vaqti-vaqti bilan oʻzgaruvchan boʻladi, yogʻingarchilik kutilmaydi. Shamol sharqdan 3-8 metr/sekund tezlikda esadi.Qoraqalpogʻiston Respublikasi va Xorazm viloyatida havo bir oz bulutli, baʼzi joylarda oʻzgaruvchan boʻladi, yogʻingarchilik kutilmaydi. Shamol sharqdan 7-12 metr/sekund tezlikda esadi, baʼzi joylarda 13-18 metr/sekundgacha kuchayishi, ayrim joylarda chang-toʻzon bilan kuzatilishi mumkin.Buxoro va Navoiy viloyatlarida havo bir oz bulu

15 Jul 15:40
 
216
0
xs.uz

Gaz “zapravka”lar uchun qoʻshimcha talablar belgilandi

Hujjatga koʻra, 2024-yil 1-sentyabrdan neft, gaz (shu jumladan, siqilgan tabiiy va suyultirilgan uglevodorod gazi) va gaz kondensatini qazib olish va qayta ishlash uchun litsenziya olishda koʻrsatiladigan texnologik jarayonlar va texnologik uskunalarning holati texnik jihatdan tartibga solinadi.Yangi AGTKSHlar qurish uchun tabiiy gaz tarmoqlariga ulanish boʻyicha texnik shartlar va litsenziya faqat Vazirlar Mahkamasi bilan kelishilgan holda Energetika vazirligining taqdimnomasiga koʻra beril