calendar 11 Apr 13:55
eye 43
comments 0
comments Manba: postda.uz

FAXRIYLAR TAJRIBASI

image

E’tiborlisi shundaki, 2023-yil davomida ko‘makchilar ishtirokida 125 ta jinoyat «issiq izida» fosh etildi, 13 nafar qidiruvdagi jinoyatchi aniqlanib, ushlandi. Yosh xodimlarni kasbga sadoqat, Vatanga muhabbat ruhida tarbiyalash borasida olib borilayotgan ishlarning samaradorligini oshirish maqsadida o‘tgan yili boshqarma rahbariyati yana bir tashabbusni ilgari surdi. O‘zi yashaydigan mahallada obro‘-e’tiborga ega bo‘lgan 560 nafar faxriy yangi ish boshlagan yosh mutaxassislarga sohalari bo‘yicha ustoz-murabbiy sifatida biriktirildi.

Bundan tashqari, profilaktik hisobga olingan 502 nafar voyaga yetmaganga o‘zlari yashaydigan mahallada yashovchi ichki ishlar organlari faxriylaridan tarbiyachilar tayinlandi. Hozirda faxriylar profilaktika inspektori va mahalla faollari bilan hamkorlikda tarbiyasi og‘ir har bir bola bilan individual ish olib borib, ularni jinoyat ko‘chasidan qaytarishga o‘git va maslahatlari bilan amaliy yordam berishmoqda. Bu tashabbus ham ijobiy natija berib, voyaga yetmaganlar orasidagi salbiy holatlar kamayishiga erishildi.

Shu o‘rinda yana bir ijobiy tajriba xususida to‘xtalsak. Viloyat hududida 1150 ta mahalla mavjud bo‘lib, 2022-yil yakuniga ko‘ra, ulardan 409 tasi «qizil» hududga kiritilgan edi. Ushbu mahallalarda kriminogen vaziyatni yaxshilash maqsadida faxriylardan mahalla raislariga maslahatchi, profilaktika inspektorlariga ustoz-murabbiylar biriktirildi. Bu sa’y-harakat ham amaliyotda o‘zini oqladi va 2023-yil yakuni bo‘yicha «qizil» hududdagi mahallalarning 164 tasi «yashil» hududga o‘tdi.

Leytenant Jasurbek Muqimjonov IIV Akademiyasini tamomlab, sohada xizmat boshlaganiga endigina 3 yil bo‘ldi. Ayni paytda Farg‘ona shahridagi Abdulla Qodiriy nomli mahallaga xizmat ko‘rsatuvchi huquq-tartibot maskani profilaktika inspektori. Yosh xodim xizmatni to‘g‘ri tashkil etish va jinoyatchilikni jilovlashda faxriylar maslahatiga quloq tutib kam bo‘lgani yo‘q.

– Shu hududda istiqomat qiluvchi ichki ishlar organlari faxriylari, iste’fodagi katta leytenant Boyo‘g‘lon Gusainov hamda iste’fodagi kapitan Abdupatto Mamatovlar huquq-tartibot maskanimizga tez-tez kelib, murabbiy sifatida o‘z tajribalarini o‘rgatib bormoqda, – deydi u. – Bundan tashqari, shahar IIOFMB boshlig‘ining maslahatchisi, iste’fodagi podpolkovnik Tavakkaljon Rahmatullayev hamda Faxriylar kengashi a’zolari birgalikda jinoyatchilikni jilovlashda biz — yoshlarga ko‘mak berishyapti. Faxriylarning yo‘l-yo‘rig‘i va amaliy yordami bilan men xizmat olib borayotgan mahalla 2023-yil yakuniga ko‘ra, «qizil» toifadan «sariq» hududga o‘tdi. Joriy yilda esa jinoyatchilikni butunlay jilovlab, mahallani «yashil» hududga aylantirish niyatida ish olib boryapmiz.

Shaharning «Zarbdor» mahallasi esa 2023-yil yakuni bo‘yicha «sariq»dan «yashil» toifaga o‘tdi, ya’ni jinoyatchilik umuman qayd etilmadi. Buning eng asosiy sababi mahallaga ichki ishlar organlarida 30 yil xizmat qilgan iste’fodagi podpolkovnik Muqimjon Ahmedovning rais etib saylanganidir.

Profilaktika inspektorimiz – leytenant Ozodbek Turdixo‘jayev oliy o‘quv yurtini tamomlab, sohada xizmatni boshlaganiga endigina bir yil bo‘ldi, – deydi tajribali rais. – Uning yosh xodim ekanligini hisobga olib, ustoz sifatida bilmaganlarini o‘rgatyapman. Jinoyatchilikning oldini olishda eng maqbul yo‘l bu profilaktika hisoblanadi. Shu bois har kuni inspektor bilan birga ko‘chalarni aylanib, «xonadonbay» va «fuqarobay» o‘rganishlar olib boramiz. Ana shu usulda ishlab, mahallamizni jinoyatchilikdan xoli hududga aylantirdik.

Shaharning «Beglar» mahallasida yashovchi iste’fodagi podpolkovnik Ulug‘bek Baratov ham o‘zi yashaydigan mahalla profilaktika inspektori, leytenant Doston Rustamov bilan «ustoz-shogird» an’anasi asosida namunali ishlarni olib borayotir. Iste’fodagi podpolkovniklar Azamjon Murotov, Ibrohim Xoliqov, Abduqayum Kenjayev, iste’fodagi mayor O‘rmonjon Qodirov, iste’fodagi katta serjant Shermat Bo‘stonov kabi fidoyi faxriylar ham murabbiy sifatida yosh xodimlarni kasbga sadoqat ruhida tarbiyalashga kamarbasta bo‘lishmoqda. 

Yana bir e’tiborli misol: farg‘onalik ichki ishlar organlari faxriylaridan 3 nafari shahar-tuman hokimi o‘rinbosari lavozimida ish olib borayotgan bo‘lsa, 119 nafar faxriy mahalla fuqarolar yig‘ini raisi lavozimiga saylangan. 

Muxtasar aytganda, faxriylarning yosh xodimlarga murabbiy sifatida biriktirilishi ularning malaka va tajribasini mustahkamlashda, kasb mahoratini oshirishda alohida ahamiyat kasb etmoqda. Eng muhimi, ustozlar tajribasi va shogirdlar shijoati uyg‘unlashgani jinoyatchilikni jilovlashda juda qo‘l kelyapti.


Abduvosit SIDIQOV,

o‘z muxbirimiz.

Farg‘ona viloyati.



Doʻstlaringiz bilan ulashing

23 Apr 03:36
 
21
0
xs.uz

Bulungʻurda ishga tushirilgan 124 ta loyiha hisobidan mingga yaqin odamning bandligi taʼminlandi

Abdulaziz YOʻLDOSHEV/'Xalq soʻzi'.'Bulungʻur tumanida xorijiy investitsiyalarni keng jalb etish hisobiga sanoat korxonalari faoliyati kengayib, yangi-yangi ish oʻrinlari yaratilmoqda.Xususan, tumanning Yangiqoʻrgʻon mahallasida ishga tushirilgan 'AGRO FAROVON ZAMIN' MCHJ qishloq xoʻjaligi mahsulotlarini qayta ishlashga ixtisoslashgan boʻlib, bu yerda yiliga 6 ming tonna mahsulot qayta ishlanmoqda.Korxonada 30 nafar doimiy va 100 nafardan ziyod mavsumiy ishchi faoliyat koʻrsatadi. Bulgʻ

11 Apr 14:01
 
47
0
xs.uz

FAO Fargʻona vodiysida «aqlli qishloq xoʻjaligi»ni targʻib qilmoqda

Birlashgan Millatlar Tashkilotining Oziq-ovqat va qishloq xoʻjaligi tashkiloti (FAO) tomonidan Andijon va Namanganda tashkil etilgan 'aqlli qishloq xoʻjaligi'ni joriy etish boʻyicha seminar-treninglarda Marhamat, Kosonsoy va Yangiqoʻrgʻon tumanlari qishloq aholisidan 60 nafarga yaqin kishi ishtirok etdi.Olimlar va tajribali agronomlar ishtirokchilarga oʻz tomorqa xoʻjaliklarida sabzavot, kartoshka va boshqa ekinlar hosildorligini oshirish texnologiyalari, yerdan unumli foydalanish va yuqo

11 Apr 13:55
 
38
0
postda.uz

ALOHIDA E’TIBOR QARATILDI

Chirchiq shahrida ertangi kunimiz egalarini vatanparvarlik ruhida tarbiyalash, ularni har tomonlama qo‘llab-quvvatlash va muammolarini manzilli hal etishga qaratilgan tadbir bo’lib o’tdi. Unda Toshkent viloyati IIBB, shahar va tuman IIB mas’ul rahbarlari hamda ichki ishlar organlariga biriktirilgan yoshlar ishtirok etishdi.Tadbir davomida ular Chirchiq oliy tank qo‘mondonlik muhandislik bilim yurtida  bo‘lib, ushbu ta’lim muassasasining o‘quv-ta

11 Apr 14:01
 
48
0
xs.uz

2024-yilning ikki oyida Oʻzbekistonga qancha yengil avtomobil import qilingan maʼlum boʻldi

2024-yilning yanvar-fevral oylarida Oʻzbekistonga xorijdan qiymati 383,1 mln AQSH dollariga teng boʻlgan 17 553 dona yengil avtomobil import qilgan. Bu haqda Statistika agentligi maʼlum qildi.Bu davrda Xitoydan 12 808 ta, Janubiy Koreyadan 4 176 ta, AQSH 455 ta, Yaponiya 29 ta, Germaniya 27 ta mashina olib kelingan.Yengil avtomobillarning importi oʻtgan yilning mos davriga nisbatan 12 527 taga oshgan.