Bugun, 23 yanvar kuni Xitoyning Pekin shahrida O‘zbekiston madaniyati kunlari doirasidagi O‘zbekiston tasviriy va amaliy san’at ko‘rgazmasi ochildi.
Tadbir ochilishidan avval, Xitoy nomoddiy madaniy meros muzeyida O‘zbekiston Madaniyat vaziri Ozodbek Nazarbekov va XXR Madaniyat va turizm vaziri o‘rinbosari, Gurgun saroyi direktori Vang Syudong o‘rtasida uchrashuv o‘tkazildi.
Vang Syudong ushbu tadbir san’at ixlosmandlari tomonidan katta qiziqish bilan kutilgani hamda O‘zbekiston Respublikasi Prezidentining XXRga davlat tashrifi doirasida Xitoy xalqi uchun munosib tuhfa ekanini bildirgan.
Ko‘rgazmaning rasmiy ochilish marosimi o‘tkazilib, unda Xitoy badiiy akademiyasi prezidenti, Partiya qo‘mitasi kotibi o‘rinbosari, Xitoy nomoddiy madaniy meros muzeyi direktori hamda Chjou Sinfu hamda O‘zbekiston badiiy akademiyasi raisi Akmal Nur ishtirok etdi.
Ko‘rgazmada 50 ta O‘zbekiston zamonaviy tasviriy san’at asarlari va 5 ta yo‘nalishdagi (100 ga yaqin eksponat) hunarmandchilik asarlari namoyish etildi.
Ushbu ko‘rgazmaga O‘zbekiston va Xitoy birinchi xonimlari ham tashrif buyurishi kutilmoqda.