Foto: Xalq so‘zi
Andijon viloyatida “Obod qishloq” va “Obod mahalla” davlat dasturlari doirasida roʻyobga chiqarilayotgan oʻzgarishlar chekka hududlarda yashovchi aholi hayotida chin maʼnoda yangi sahifa ochmoqda.
— 5 mingdan ziyod aholi istiqomat qilayotgan mahallamiz Andijon viloyatining eng chekka hududlaridan biri boʻlib, Qirgʻiziston Respublikasi bilan chegaradosh, — deydi Paxtaobod tumani “Tinchlik” mahalla fuqarolar yigʻini raisi Shohida Soliyeva. — Tan olish kerak, avval sharoitlarimiz yaxshi emas edi. Koʻchalarimiz oxirgi marta qachon taʼmirlanganini eslay olmaymiz. Elektr energiyasi, tabiiy gaz, toza ichimlik suvi taʼminotidagi uzilishlar hayot tarzimizni izdan chiqarib yuborgandi. Aholi imkon axtarib, muqobil turlardan foydalanishga majbur boʻlardi. Endi esa bu muammolar ortda qolmoqda. Mahallamizda 270 ta simyogʻochni almashtirish, mavjud ichki yoʻllarni asfaltlash, 2 ta suv qudugʻini taʼmirlash va yangi quduqni ishga tushirish, 17 km masofaga suv quvurini tortish ishlari boshlab yuborildi.
Bu yerda “Obod qishloq” dasturiga muvofiq zamonaviy ijtimoiy obyektlarni qurish va taʼmirlash ishlari ham amalga oshirilmoqda. 27-umumtaʼlim maktabi, qishloq vrachlik punkti, mahalla idorasida bunyodkorlik ishlari avjida.
— Maktabimiz 900 oʻrinli boʻlib, taʼmirtalab boʻlib qolgandi, — deydi 27-umumtaʼlim maktabi direktori Abduvahob Qodirov. — Qolaversa, oʻquvchilar sonining ortishi tufayli yangi oʻquv binosiga ehtiyojimiz bor edi. “Obod qishloq” dasturiga koʻra maktabimizda qayta taʼmirlash va 90 oʻrinli qoʻshimcha binoni qurishga kirishildi. Buning uchun 5 mlrd. soʻmlik loyiha ishlab chiqilgan boʻlib, hozirda binoda pardozlash ishlari ketyapti. Tez kunlarda oʻquvchilarimiz har tomonlama qulay sharoitga ega boʻlgan sinfxonalarda oʻqish, sportning oʻnlab turi bilan shugʻullanishlari mumkin. Oshxona, kutubxona va fan toʻgaraklari uchun maxsus xonalarda barcha sharoitlar yaratilyapti.
Paxtaobod tuman hokimi oʻrinbosari Zafarbek Fozilovning aytishicha, joriy yilda “Obod qishloq” va “Obod mahalla” dasturlari doirasida 9 ta yoʻnalish boʻyicha 26,11 mlrd. soʻm mablagʻ hisobiga tumanning 2 ta mahallasida muhandislik-kommunikatsiya infratuzilmasini rivojlantirish, qurilish-taʼmirlash va obodonlashtirish ishlari bajarilyapti. Bu mahallalarning kun sayin chiroy ochib, obod manzillarga aylanayotgani ularda yashovchi insonlarning turmush tarzi yaxshilanib borayotganida oʻz inʼikosini topayotir.
Saminjon HUSANOV, “Xalq soʻzi”.
Turkiyada Alisher Navoiy haykali oʻrnatildi
Turkiyaning Anqara shahrida Alisher Navoiy haykali oʻrnatildi. Bu haqda Oʻzbekistonning Turkiyadagi elchixonasi xabar berdi.Qayd etilishicha, haykalning ochilish marosimi 'Bir boʻlsak ' yagona xalqmiz, birlashsak ' Vatanmiz!' shiori ostida boʻlib oʻtayotgan Oʻzbekiston Mustaqilligining 33-yilligi tadbirlari doirasida tashkil etilgan.Tadbirda nutq soʻzlagan elchi Alisher Aʼzamxoʻjayev Alisher Navoiy haykalining oʻrnatilishida hissa qoʻshganlar, jumladan, Kechioʻren tumani hokimligi ha
Qoʻlda terilgan paxta narxi 2500 soʻm etib belgilandi
Qayd etilishicha, bugungi kungacha tijorat banklari tomonidan (qoʻl terimi uchun) 1500 soʻmdan kredit mablagʻlari ajratilib, terimchilarga ushbu miqdordagi summa har bir kilogramm uchun berib kelingan. Bu oʻz navbatida bir muncha qiyinchilik tugʻdirib, terimchilarni mavsumiy ishga jalb qilish holatlarida noqulay vaziyatni keltirib chiqarayotgan edi.'Mazkur holatlarni har tomonlama hisoblab va undan keyin terimchilarni moddiy ragʻbatlantirishni yanada kuchaytirish maqsadida bugundan boshlab
Kommunal xizmat koʻrsatish sohasida muhim oʻzgarish boʻldi
Kommunal xizmat koʻrsatish sohasida huquqni qoʻllash amaliyotining bir xilligi taʼminlanadi. Bu haqda 'Huquqiy axborot' kanali maʼlum qildi.Qayd etilishicha, Prezidentimiz tomonidan imzolangan Qonun bilan ayrim qonun hujjatlariga oʻzgartirish va qoʻshimchalar kiritilgan.Maʼlum qilinishicha, qonunlardagi oqova suvlarni chiqarib yuborish boʻyicha xizmatlar koʻrsatish bilan bogʻliq tushunchalar 'Ichimlik suvi taʼminoti va oqova suvlarni chiqarib yuborish toʻgʻrisida'gi Qonun normalarig
Prezident yangi qaror imzoladi
'Oʻzbekiston Respublikasi milliy malaka tizimini yanada takomillashtirish chora-tadbirlari toʻgʻrisida'gi Prezident Qarori qabul qilindi. Qarorga koʻra, quyidagilar Milliy malaka tizimini isloh qilishning asosiy yoʻnalishlari etib belgilandi, jumladan: Milliy malaka tizimining normativ-huquqiy, institutsional va uslubiy asoslarini takomillashtirish; norasmiy va informal orttirilgan koʻnikma va malakalarni tan olish ('Recognition of Prior Learning') tizimini joriy qilish; koʻni