Bogʻotlik abituriyent 7 nufuzli universitetda tahsil olish imkoniyatini qoʻlga kiritdi

Xorazm viloyati Bogʻot tumanidagi 92-son ixtisoslashtirilgan maktab internati bitiruvchisi Benazirbonu Oʻrinboyeva birvarakayiga 7 nufuzli universitetda tahsil olish imkoniyatini qoʻlga kiritdi. Test sinovlarini muvaffaqiyatli topshirgan abituriyentga M.Lomonosov nomli Moskva davlat universiteti, Lobachevskiy nomli Nijniy Novgorod davlat universiteti, Buyuk Pyotr Sankt-Peterburg politexnika universiteti, Qozon federal universiteti, Sirm Singapur universiteti, Turin politexnika universiteti va xalqaro Vestminster universiteti talabasi boʻlish taklif etildi. Oddiy oilada oʻsgan qishloq qizi oʻqishni M.Lomonosov nomli Moskva Davlat universitetining global jarayonlar fakulteti xalqaro munosabatlar yoʻnalishida davom ettirishga qaror qildi.

Odilbek Odamboyev,
“Xalq soʻzi”