21 Apr 08:34

Manba: xs.uz

Qurilish sohasini tartibga solish va shaharsozlik qoidalarini takomillashtirish masalalari muhokama qilindi

Bugun Oliy Majlis Senatining Byudjet va iqtisodiy masalalar qo'mitasi majlisi bo'lib o'tdi. Unda qurilish industriyasi va qurilish materiallari tarmog'ini rivojlantirish, shaharsozlik normalari va qoidalarini muntazam yangilab borish masalalari atroflicha muhokama qilindi.

Qo'mitaning ishchi guruhi tomonidan sohadagi amaldagi qonunchilik hujjatlari tahlil qilinib, xorijiy davlatlarning ilg'or tajribasi o'rganildi. O'rganishlar natijasida qurilish sohasini tartibga solishdagi huquqiy bo'shliqlar va sifatni oshirishga oid takliflar ishlab chiqildi.

Ma'lum bo'lishicha, hozirgacha 130 dan ziyod normativ-huquqiy hujjatlar qabul qilingan bo'lib, ularning atigi 10 tasi qonunlar, qolgan qismi esa qonunosti hujjatlaridan iborat. Bu esa tadbirkorlar faoliyatida ayrim muammolarni keltirib chiqarmoqda.

Shuningdek, Shaharsozlik kodeksida fuqarolarning shaharsozlik qarorlariga ta'sir ko'rsatish, noqonuniy qurilishlarga qarshi shikoyat qilish mexanizmlari yetarlicha aks etmagani qayd etildi. Bu esa jamoatchilik nazoratini cheklayotgan muhim omil sifatida ko'rsatib o'tildi.

Majlisda senatorlar qurilishda sifat standartlariga rioya etilmayotgani, sifatsiz materiallardan foydalanish, qoidalarning buzilishi va texnik talablarni inkor etish holatlari ortib borayotganini ta'kidlashdi.

Shu bilan birga, loyihachilar va qurilish ishtirokchilari tomonidan nazorat inspeksiyalari ko'rsatmalariga amal qilinmayotgani, qonunchilikda bunday holatlar uchun javobgarlik mexanizmlarining mavjud emasligiga e'tibor qaratildi. Masalan, 2023-yilda inspeksiya ko'rsatmalarini bajarmaganlik uchun umumiy 4 698 ta ma'muriy bayonnoma rasmiylashtirilgan.

Majlis yakunida senatorlar tomonidan qurilish jarayonidagi mas'uliyatsizlik va standartlarga rioya etmaslik holatlari uchun jazo choralarini kuchaytirish, nazorat organlari huquq va majburiyatlarini aniq belgilash zarurligi qayd etildi.

Yuqoridagi masalalardan kelib chiqib, Qo'mita qurilish sohasini takomillashtirish bo'yicha aniq takliflar va chora-tadbirlarni ishlab chiqdi.

Foto: Akmal Muhammadov / 'Xalq so'zi'

Doʻstlaringiz bilan ulashing

Jamiyat

04 Apr 16:18

xs.uz

Rossiyalik oʻquvchilar Oʻzbekiston oromgohlariga keladi

Viloyat oʻquvchilari uchun oromgohlariga sayohatlar tashkil etilishi haqida gubernator Oleg Kojemyako Navroʻz munosabati bilan tashkil etilgan bayramda maʼlum qilgan.'Biz oʻquvchilarimizni tabiiy mevalar bilan toʻyinishlari va yaxshi quyoshli kunlarni oʻtkazishlari uchun Oʻzbekistondagi lagerlarga joʻnatamiz. Hamkorligimiz uzoq va mustahkam boʻlishi uchun barcha ishni qilamiz', degan u.Tadbirda madaniyat doʻstlikning eng yaxshi elchisi ekanligini taʼkidlanib, bunday hamkorlikdagi ishl

Jamiyat

06 Mar 16:11

xs.uz

Oqava suvning ikkinchi hayoti

Ahmadali SHERNAZAROV/'Xalq soʻzi'. Oʻtgan yil oxirida foydalanishga topshirilgan Yangiyer shahar oqova suv tozalash inshooti tufayli hududda hosil boʻladigan oqava suvlardan nooziq ovqat ekinlarini sugʻorishda foydalanish imkoniyati paydo boʻldi. Yaʼni endilikda mazkur inshootda oqova suvlar uch bosqichda tozalanib, ana shunday ehtiyoj uchun yaroqli holatga keltirilmoqda.Tozalash jarayonlari toʻliq avtomatlashtirilgan. Birinchi bosqichda oqava turli chiqindilardan tozalanadi. Ikkinchi bos

Jamiyat

20 Mar 12:53

xs.uz

Bayramga munosib tuhfa

Abdulaziz YOʻLDOSHEV/'Xalq soʻzi'. Navroʻz umumxalq bayrami arafasida 'Hududiy elektr tarmoqlari' aksiyadorlik jamiyati Samarqand hududiy filiali tasarrufidagi elektr taʼminoti korxonalariga 10 dona 'Damas' va 3 dona 'Isuzu' rusumli maxsus avtomashinalar topshirildi.Zamonaviy texnika vositalari ish samaradorligini oshirish imkoniyatini yaratishi bilan birga elektr tarmoqlaridagi uzilishlarni tezkor bartaraf etish, hududdagi korxona, tashkilot, muassasalar hamda aholiga elektr energiyasini si

Jamiyat

16 Apr 15:12

xs.uz

Sirdaryo sohilida ekoturizm manzillari koʻpaymoqda

Ahmadali SHERNAZAROV/'Xalq soʻzi'. Sirdaryo daryosi boʻylarida sayyohlik, dam olish maskanlari tobora koʻpaymoqda. Tez orada Sirdaryo tumanining Sholikor mahallasida 6.3 gektar maydonda tashkil etilgan ekoturizm majmuasi ham oʻz faoliyatini boshlaydi. 'RAVON-ARENA' masʼuliyati cheklangan jamiyati tomonidan amalga oshirilayotgan mazkur loyihaga koʻra 6 ta turarjoy binolari qurib bitkazildi va ular mebellar bilan jihozlandi. Basseyn, bolalar yopiq mini oʻyingohi ham qurildi. Taʼkidlash loz