calendar 20 Mar 12:54
eye 27
comments 0
comments Manba: xs.uz

Oʻzbekistonda Imom Moturidiy tavalludining 1155-yilligi keng nishonlanadi

image
O'zbekiston Respublikasi Prezidentining qarori

Buyuk vatandoshimiz, islomiy ilmlar rivojiga ulkan hissa qo'shgan benazir alloma, kalom ilmining sultoni Imom Abu Mansur 'Moturidiyning (keyingi o'rinlarda ' Imom Moturidiy) ibratli hayot yo'li va boy ilmiy-ma'naviy merosini har tomonlama chuqur o'rganishni rag'batlantirish, moturidiylik ta'limotiga xos bag'rikenglik va'mo'tadillik tamoyillarini xalqimiz va jahon jamoatchiligi o'rtasida keng targ'ib etish, yoshlarni Vatanga muhabbat, milliy va umuminsoniy qadriyatlarga hurmat ruhida tarbiyalash maqsadida'qaror qilaman:

1.'Din ishlari bo'yicha qo'mita, O'zbekiston musulmonlari idorasi, Samarqand viloyati hokimligi, O'zbekiston xalqaro islom akademiyasi, Imom Moturidiy xalqaro ilmiy-tadqiqot markazining 2025-yilda Imom Moturidiy tavalludining 1155-yilligini keng nishonlash to'g'risidagi taklifi ma'qullansin.

2.'Imom Moturidiy tavalludining 1155-yilligiga bag'ishlangan tadbirlarga tayyorgarlik ko'rish va ularni o'tkazish bo'yicha'tashkiliy qo'mita'(keyingi o'rinlarda ' Tashkiliy qo'mita) tarkibi ilovaga muvofiq tasdiqlansin.

3.'Tashkiliy qo'mita (A.Aripov) ikki hafta muddatda Imom Moturidiy tavalludining 1155-yilligini allomaning islom olamidagi obro'-e'tibori va nufuziga munosib tarzda yuqori saviyada nishonlash bo'yicha quyidagilarni nazarda tutadigan chora-tadbirlar dasturini tasdiqlasin:

(a)'2025-yil aprel oyida Samarqand shahrida''Moturidiylik ' bag'rikenglik, mo'tadillik va ma'rifat ta'limoti''mavzusida xalqaro ilmiy-amaliy anjuman o'tkazish;

(b)'xorijlik tadqiqotchilar o'rtasida moturidiylik ta'limoti bo'yicha'ilmiy tanlov'o'tkazish, g'oliblar ishtirokida O'zbekistonda'madaniy-ma'rifiy uchrashuv'va seminar-treninglar tashkil etish;

(v)'Imom Moturidiyning''Ta'vilot al-Qur'on''va''Kitob at-tavhid''asarlari va moturidiylik ta'limotiga oid manbalarning o'zbek va'xorijiy tillardagi ilmiy-izohli akademik tarjimalarini nashr etish;

(g)'Imom Moturidiy tavalludining 1155-yilligiga bag'ishlangan esdalik suvenirlarini muomalaga chiqarish hamda pochta markalari, taqvimlar, buyuk mutafakkirning hayoti va ilmiy merosini yoritib beradigan boshqa ko'rgazmali axborot vositalari turkumini yaratish;

(d)'Imom Moturidiyning serqirra hayot yo'li va ilmiy merosining bugungi kundagi ahamiyatini ochib beradigan'badiiy-publitsistik film'yaratish;

(e)'Samarqand viloyatida Imom Moturidiy va moturidiylik ta'limoti yo'nalishida faoliyat olib borgan allomalarning hayoti, ilmiy va'ijodiy merosiga bag'ishlangan asarlarning'nodir qo'lyozma va'nashr nusxalari hamda kitoblari ko'rgazmasini tashkil etish;

(j)'Samarqand shahridagi Abu Mansur Moturidiy majmuasini qayta ta'mirlash va obodonlashtirish.

4.'Oliy ta'lim, fan va innovatsiyalar vazirligi:

(a)'Din ishlari bo'yicha qo'mita bilan birgalikda 2025-yil may va oktyabr oylarida Sharof Rashidov nomidagi Samarqand davlat universitetida Oliy ta'lim muassasalarini rivojlantirish jamg'armasi mablag'lari hisobidan 'Moturidiylik ta'limoti va hozirgi zamon' mavzusida respublika ilmiy-amaliy konferensiyasini hamda'ilmiy maqolalar tanlovini o'tkazsin;

(b)'moturidiylik ta'limotiga mansub allomalarning ilmiy merosi va noyob qo'lyozma asarlarni o'rganish bo'yicha Ilm-fanni moliyalashtirish va innovatsiyalarni qo'llab-quvvatlash jamg'armasi mablag'lari hisobidan amalga oshiriladigan ilmiy-tadqiqot ishlariga davlat buyurtmasini belgilangan tartibda shakllantirib borsin.

5.'O'zbekiston musulmonlari idorasiga imom-xatiblar hamda diniy ta'lim muassasalari talabalari o'rtasida''Moturidiylik ta'limoti bilimdoni''tanlovini o'tkazish va g'oliblarni munosib taqdirlash tavsiya etilsin.

6.'Qoraqalpog'iston Respublikasi Vazirlar Kengashi, viloyatlar va Toshkent shahri hokimliklari Din ishlari bo'yicha qo'mita, Respublika Ma'naviyat va ma'rifat markazi, Yoshlar ishlari agentligi, O'zbekiston Yozuvchilar uyushmasi bilan birgalikda 2025-yil davomida joylarda Imom'Moturidiyning ilmiy merosiga bag'ishlangan davra suhbatlarini tashkil etsin.

7.'Imom Moturidiy xalqaro ilmiy-tadqiqot markazi Madaniy meros agentligi bilan birgalikda:

(a)'xorijiy mamlakatlarda saqlanayotgan Imom Moturidiy va''moturidiylik ta'limotiga mansub allomalarning hayoti va ilmiy merosiga oid noyob qo'lyozma asarlar va boshqa madaniy boyliklarni aniqlash, ularning nusxalarini O'zbekistonga olib kelish va tadqiq qilishni tizimli ravishda tashkil etsin;

(b)'Imom Moturidiyning hayoti va ilmiy faoliyatiga bag'ishlangan yuqori sifatli mediamahsulotlar hamda audiovizual asarlar yaratish, ularni mahalliy va xorijiy ommaviy axborot vositalarida e'lon qilish, internet tarmog'i va'ijtimoiy tarmoqlarda keng targ'ib qilish choralarini ko'rsin.

8.'O'zbekiston Milliy axborot agentligi, O'zbekiston Milliy teleradiokompaniyasi, 'Dunyo' axborot agentligi va O'zbekiston milliy media assotsiatsiyasiga Imom Moturidiy tavalludining 1155-yilligini nishonlash bilan bog'liq tadbirlarni keng yoritib borish tavsiya etilsin.

9.'Mazkur qarorning ijrosini nazorat qilish O'zbekiston Respublikasi Bosh vaziri A.N.'Aripov hamda O'zbekiston Respublikasi Prezidentining maslahatchisi R.Q.'Davletov zimmasiga yuklansin.

O'zbekiston Respublikasi Prezidenti

Sh.'Mirziyoyev


Doʻstlaringiz bilan ulashing

26 Feb 17:04
 
41
0
xs.uz

Buxoro viloyati tartibli migratsiya boʻyicha ilk bor peshqadamga aylandi

Istam IBROHIMOV/'Xalq soʻzi'. Buxoro shahrida Vazirlar Mahkamasi huzuridagi Migratsiya agentligining viloyat filiali tashabbusi bilan Xalqaro mehnat yarmarkasi oʻtkazildi. Unda xususiy bandlik agentliklari, nodavlat taʼlim muassasalari, bir qator hamkor tashkilotlar vakillari ishtirok etdi.' Tadbirdan koʻzlangan asosiy maqsad viloyatimizda xususiy bandlik agentliklarining filiallarini ochish, mavjud boʻsh ish oʻrinlarini keng targʻib qilish, kam daromadli va ishsiz fuqarolarning bandligin

26 Feb 17:05
 
56
0
xs.uz

Jarima ballari 12 dan oshsa, haydovchi transport vositasini boshqarish huquqidan mahrum qilinadi

Oʻzbekiston Respublikasida yoʻl harakati xavfsizligini taʼminlash maqsadida yangi qonun qabul qilindi. 2025-yil 20-fevralda imzolangan 'Yoʻl harakati xavfsizligi tizimi takomillashtirilishi munosabati bilan Oʻzbekiston Respublikasining Jinoyat, Jinoyat-protsessual kodekslariga hamda Oʻzbekiston Respublikasining Maʼmuriy javobgarlik toʻgʻrisidagi kodeksiga qoʻshimcha va oʻzgartirishlar kiritish haqida'gi Qonuni (OʻRQ-1033-son) yoʻl harakati qoidalari buzilishi holatlarini tartibga so

19 Feb 00:20
 
62
0
xs.uz

“O‘zbek xalq amaliy bezak san’ati ustalari ensiklopediyasi” yaratiladi

O'zbekistondagi Islom sivilizatsiyasi markazi, O'zbekiston Badiiy akademiyasi, Toshkent arxitektura va qurilish universiteti, O'zbekiston fanlar akademiyasi hamkorligida tashkil etilmoqda.Ayni kunlarda ilmiy-ijodiy guruh shakllantirilgan bo'lib, ensiklopediyani'yaratish yuzasidan ish olib bormoqda.Ensiklopediyadan o'zbek milliy amaliy san'ati ustalari faoliyatini ommalashtirish, targ'ib etish va uni yanada keng ommaga yetkazish maqsadida tuzilmoqda.

24 Mar 13:25
 
48
0
xs.uz

Andijonda “Matiz” ikki bolani urib yubordi

Andijon viloyati Asaka tumanida 'Matiz' ikki nafar bolani urib yubordi. Viloyat Yoʻl harakati xavfsizligi boshqarmasi hodisa yuzasidan'maʼlumot berdi.Qayd etilishicha, voqea Asaka tumani Yuksalish MFY hududidan oʻtgan D-105E Asaka'Humo avtomobil yoʻlining 2-kilometrida sodir boʻlgan. Aniqlanishicha, 44 yoshli A.O. oʻzining 'Matiz' rusumli transport vositasini boshqarib ketayotgan vaqtida, yoʻlning belgilanmagan qismidan kesib oʻtayotgan ikki nafar bolani urib yuborgan.YTH oqibatida tan j