'The New York Times' 2025-yilda dunyoning tashrif buyurishga arziydigan eng diqqatga sazovor joylari roʻyxatiga Oʻzbekistonning qadimiy shaharlaridan birini, Buxoroni ham kiritdi. Maqolada taʼkidlanishicha, Buxoro nafaqat qadimiy Ipak yoʻlidagi markaziy nuqta, balki oʻzining boy tarixi va madaniy merosi bilan zamonaviy dunyo diqqatini jalb qilayotgan shahar hisoblanadi.

Buxoro tarixiy maskan sifatida asrlar davomida madaniyatlar chorrahasi boʻlib kelgan. U yerdagi koʻplab madrasa va masjidlar, karvonsaroylar hamda bozorlar shaharning boy tarixini namoyon etuvchi obidalar sifatida eʼtirof etilgan. 2025-yilda esa shahar yangi qirrasini ochib bermoqda ' ilk marta oʻtkaziladigan 'Buxoro biyennalesi' sanʼat va madaniyat ixlosmandlari uchun katta kutilmaga aylanadi.

2025-yilning kuzida, aniqrogʻi 5-sentyabrdan 20-noyabrgacha, Buxoro oʻzining birinchi zamonaviy sanʼat biyennalesiga mezbonlik qiladi. Bu xalqaro miqyosdagi tadbir jahonning mashhur sanʼatkorlari va rassomlarini toʻplaydi. Tadbir doirasida britaniyalik mashhur haykaltarosh Entoni Gormli va boshqa taniqli ustalarning asarlari namoyish etiladi. Biyennale nafaqat sanʼat va madaniyat muxlislari uchun, balki tarixiy muhitda zamonaviy sanʼatni his qilishni istagan barcha uchun oʻziga xos tajriba boʻladi.

Shahardagi tarixiy obidalarga qoʻshimcha ravishda biyennale tadbirlari ham mahalliy aholi hamda turistlar uchun yangi imkoniyatlar eshigini ochadi. Buxoro bugungi kunda nafaqat tarixiy, balki madaniy va zamonaviy tadbirlar bilan ham dunyo eʼtiborini qozonmoqda.

'The New York Times' roʻyxatida Buxorodan tashqari yana qator diqqatga sazovor joylar qayd etilgan. Ular orasida quyidagilar alohida eʼtirof etildi:

1. Jeyn Ostinning Angliyasi (Buyuk Britaniya)

2. Galapagos orollari (Ekvador)

3. Nyu-York shahri muzeylari (AQSH)

4. Assam (Hindiston)

5. Oq Lotos Taylandi (Tayland)

6. Grenlandiya (Grenlandiya)

7. Eksan-Provans (Fransiya)

8. San-Valli, Aydaxo (AQSH)

9. Lumbini (Nepal)

10. Sidney (Avstraliya)

11. Koimbra (Portugaliya)

12. Angola (Angola)

13. Gamburg (Germaniya)

14. Nikaragua (Nikaragua)

15. Dolomitlar (Italiya)

16. Eshvill, Shimoliy Karolina (AQSH)

17. Magdalena daryosi (Kolumbiya)

18. Los-Kabos (Meksika)

19. Alishan (Tayvan)

20. Flou Kantri (Shotlandiya)

21. Kristiansann (Norvegiya)

22. Buxoro (Oʻzbekiston)

23. Leksington va Konkord, Massachusets (AQSH)

24. Kanfrank (Ispaniya)

25. Benin shahri (Nigeriya)

26. Amsterdam (Niderlandiya)

27. Nyu-Orlean (AQSH)

28. Radja Ampat (Indoneziya)

29. Delfi (Gretsiya)

30. Toyama (Yaponiya)

31. Fransuz Bask oʻlkasi (Fransiya)

32. Kilifi (Keniya)

33. Britaniya Virgin orollari (Britaniya)

34. Lofoten orollari (Norvegiya)

35. Ist-London (Janubiy Afrika)

36. Stokgolm arxipelagi (Shvetsiya)

37. Kutaisi (Gruziya)

38. Osaka (Yaponiya)

39. Detroyt (AQSH)

40. Trent-Severn suv yoʻli, Ontario (Kanada)

41. Monserrat (Ispaniya)

42. Gʻarbiy Avstraliya (Avstraliya)

43. Vashington, Di-Si (AQSH)

44. Nangma vodiysi (Pokiston)

45. Sitsiliya boʻylab velosiped yoʻli (Italiya)

46. Ollantaytambo (Peru)

47. Abu-Dabi (BAA)

48. Xuansxan (Xitoy)

49. Milan (Italiya)

50. Bolgariya (Bolgariya)

51. Rotterdam (Niderlandiya)

52. Monserrat orollari (Karib orollari)

Ushbu roʻyxatda Buxoro 22-oʻrinda turibdi. Shaharning bu kabi nufuzli roʻyxatga kiritilishi uning boy tarixiy va madaniy merosi xalqaro sayyohlar tomonidan qadrlanishiga ishoradir.

'The New York Times'ning 2025-yil uchun sayohat tavsiyalari roʻyxatidagi Buxoro nafaqat oʻzining boy tarixi bilan, balki zamonaviy sanʼat bilan ham sayyohlarni oʻziga jalb qilmoqda. Bu kabi tadbirlar shaharning xalqaro maydondagi nufuzini yanada oshirib, uni zamonaviy va tarixiy jihatdan muhim manzilga aylantirmoqda.