Chorshanba kuni ertalab soat 4 da Isroil va 'Hizbulloh' oʻt ochishni toʻxtatishga rozi boʻlgach, odamlar biroz hotirjam boʻlishdi. Biroq kelajakka nisbatan xavotir saqlanib qolgan.

'Toʻgʻrisini aytsam, men hali ham biror narsa sodir boʻlishidan xavotirdaman. Men oʻt ochishni toʻxtatishga shubha qilaman', degan livanlik Adnan Zaid 'Al-Jazeera'ga.

U hozir amalda boʻlgan oʻt ochishni toʻxtatish kelishuviga shubha bilan qaraydigan yagona odam emas. Ularning oldida uyga qaytish xavfsizmi yoki xavfli, degan katta savol turibdi.

Koʻpchilik oʻz hayotlarini qayta tiklashga intiladi, lekin baʼzilari uylari va tirikchilik vositalari vayron boʻlgan, barcha xavfsizlik hissi yoʻqolgan urushdan vayron boʻlgan mahallalarga qaytishni istamaydi.

'Biz hozir orqaga qaytolmaymiz. Turar joyimizni tuzatish uchun bizga vaqt kerak. Uyimiz yashashga yaroqlimi yoʻqmi buni bilish uchun besh-olti kun ketadi', deydi Zaid.

Isroil kampaniyasi Bayrutning janubiy chekkasidagi Dahiya mahallasidagi ijtimoiy va tijorat binolarining barchasini vayron qilgan.