20-yanvar ' Oʻzbekiston xalq shoiri Xurshid Davron tavallud topgan kun

ERIB KETAR XIRA TUMANLARhtml5-dom-document-internal-entity1-hellip-end

Erib ketar xira tumanlar,

kapalakdek uygʻonar yalpiz.

Osmon daryo boʻlib tuyular,

oʻtlar uzra chopqillaydi koʻz.

Qayragʻochning guli ' mitti jom '

jaranglaydi ' taralar atir.

Va tushlarga kirar bu oqshom

maysalarni quchoqlab adir.

Shamol yelar erkin, quturib,

quriy boshlar tomlar toʻsini.

Gullayotgan olchani koʻrib

derazalar ochar koʻksini.

Yoritgancha to yurak ichin

sabza oʻtlar shabnamga qonar.

Vatanini sogʻinmoq uchun

yer ostida jangchi uygʻonar.

1980-y.

BOLALIK

Tunlari osmonga tikilar, ammo

Yulduzsizdir, oysizdir samo.

Bahorda koʻrmaydi atirgullarni,

Eshitmas sayragan mast bulbullarni

Derazani yuvgan yomgʻirni koʻrmas,

Holbuki soppa-sogʻ, koʻzlari koʻrmas.

Oyogʻi ostida qor gʻijirlamas,

Uyin ayvonida qush gʻujirlamas.

Na shivir, na pichir, na un, na titroq

Uning yuragiga solar qaldiroq.

Koʻksini paypaslar faqat damba-dam

Qalbini bolalik tark etgan odam.

2007-y.

TABASSUMING YODIMDA HAMONhtml5-dom-document-internal-entity1-hellip-end

Tabassuming yodimda hamon,

Yodimdadir xandon koʻzlaring.

Kulgularing eslayman, bu on

Unutilgan yolgʻon soʻzlaring.

Atirgulning bargiday qizil,

Alvon edi tabassuming ham '

Ey koʻzlari xandon urgan qiz,

Nahot sendan qoldi faqat gʻam?!

Men bilaman, eng soʻnggi palla

Jonsiz qolib, sirgʻalsa qoʻlim,

Seninghtml5-dom-document-internal-entity1-hellip-end sening tabassuming-la,

Koʻzlarimga boqadi oʻlim.

BIZ BILAN

Jasorat tuygʻusi yonida,

Qoʻrquvning nafasi biz bilan.

Lojuvard osmonni toʻldirgan,

Qushlarning qafasi biz bilan.

Biz bilan bobolar armoni,

Hadikning hassasi biz bilan.

Yurtim deb jon bergan botirlar,

Bobolar qissasi biz bilan.

Alpomish Goʻroʻgʻli kelbati,

Vatan deb oʻlmoqlik navbati,

Yalavoch boʻlmoqlik navbati,

Xiyonat sharpasi biz bilan.

Oy chiqar mozorlar ustiga,

Kun chiqar bozorlar ustiga,

Boqarmiz hech nima sezmasdan,

Hayotning gʻussasi biz bilan.

* * *

Suydigimning sochlari qora '

Dardim kabi.

Suydigimning kiprigi uzun '

Dardim kabi.

Suydigimning lablari shirin '

Dardim kabi.

Suydigimning koʻzlari yashnar

Dardim kabi.