U ustozi katta serjant Ilvira Borisovadan sohaning o‘ziga ma’lum bo‘lmagan qirralarini o‘rgandi. Tirishqoqligi, berilgan topshiriqlarni o‘z vaqtida, bekamu ko‘st bajarishi, me’yoriy hujjatlar va yangiliklarni puxta o‘zlashtirishi tufayli hamkasblari e’tiboriga tushdi. Hozirda Qarshi shahar IIOFMB EKB katta eksperti lavozimida xizmat qilayotgan mayor Bahodir Jo‘rayev bilan turmush qurgach, faoliyatini Qashqadaryo viloyati IIB Axborot markazida katta inspektor sifatida davom ettirdi. 

Lavhamiz qahramoni bugungi kunda Qarshi shahar IIOFMB 4-sonli IIB migratsiya guruhi inspektori vazifasida xizmat qilyapti. O‘zi uchun yangi sohani o‘zlashtirishda unga podpolkovnik Zamira Rustamova yaqindan yordam berdi. 

– Katta serjant Dildora Xudoynazarova o‘z ustida ishlab, muntazam kasb mahoratini oshirib boradi. Barchaga xushmuomala, – deydi Qarshi shahar IIOFMB boshlig‘ining o‘rinbosari, mayor Ural Mahmudov. – U xizmat intizomi va qonunchilik talablariga qat’iy rioya etib, kasbiy, jangovar hamda jismoniy tayyorgarlik mashg‘ulotlari, turli madaniy-ma’rifiy tadbirlarda faol ishtirok etib kelyapti. 

Mayor Bahodir Jo‘rayev turmush o‘rtog‘ini har jihatdan qo‘llab-quvvatlaydi. Katta serjant Dildora Xudoynazarova ikki nafar farzandining tarbiyasida ham sobitqadam. Poydevori mustahkam bu oilada voyaga yetayotgan bolalar orasidan ham osoyishtalik posbonlari yetishib chiqsa, ne ajab…

Sodiq RAHIMOV,

o‘z muxbirimiz.

Qashqadaryo viloyati.