– Hududimizdagi mahalliy aholi asosan dehqonchilik, hunarmandchilik va tikuvchilik bilan shug‘ullanishadi. Yil boshidan buyon hali voyaga yetmagan 

6 nafar maktab bitiruvchilari bilan suhbatlashib, ularni ishga joylashtirdik. Maqsad yoshlarning bo‘sh vaqtini mazmunli tashkil etgan holda ular o‘rtasida jinoyatchilik­ning oldini olishga qaratilgan, – deydi leytenant Sh. Komiljonov. 

Sh. Komiljonov sportga ham alohida mehr qo‘ygan bo‘lib, qo‘l jangi bilan 6 yildan buyon professional tarzda shug‘ulla­nib keladi. O‘tgan yili Andijon viloyatida o‘tkazilgan katta musobaqada faxrli birinchi o‘ringa sazovor bo‘lgan. Profilaktika inspektorining oilasi ham namunali oilalar sirasiga kiradi. Otasi Qodirjon aka tadbirkorlik bilan shug‘ullansa, onasi 

Malikaxon Abduvoitovaning kasbi shifokor. Oilada to‘rt o‘g‘ilning uchinchisi bo‘lgan Shohruxmirzoning katta akasi Boburmirzo Andijon viloyati IIB YHXXB safdor xodimi.

Doimiy izlanishda bo‘lgan leytenant hozirda doktorantura bosqichida O‘zbekiston Respublikasi Jamoat xavfsizligi universitetining mustaqil izlanuv­chisi hamdir. Bundan tashqari, «Zakovat» bellashuvlari va ko‘pgina ko‘rik-tanlovlarda muntazam ravishda ishtirok etib keladi. 

Abror POYONOV,

o‘z muxbirimiz.

Andijon viloyati.