Ayni paytda 'Roma' hujumchisi hisoblangan Eldor Shomurodov MLS jamoasiga, 'Atlanta Yunayted' klubiga oʻtish borasida yangiliklar paydo boʻldi. Bu haqda mashhur futbol insaydri Fabritsio Romano oʻz 'X' postida maʼlum qilgan.

Oʻzbekistonlik hujumchi 'Roma'ning transferlar roʻyxatidan joy olgan. Maʼlum boʻlishicha, 'boʻrilar' murabbiyi Daniyel De Rossi Eldorni yangi jamoadagi oʻrnini belgilab bermagan. Katta ehtimol bilan u poytaxt klubining uzoq muddatli rejalaridan chetda qolgan.

Fabritsio Romano xabariga koʻra, 'Atlanta Yunayted' Shomurodovni sotib olish niyatida 'Roma'ga murojaat qilgan. Hujumchining 'boʻrilar' bilan yana ikki yillik shartnomasi bor.

Kelishuv tez orada amalga oshishi mumkin. Eldorning oʻzi ham yangi chempionatda toʻp surishga qarshi emas. Terma jamoamiz sardorining oʻyin amaliyotiga ega boʻladigan klubga oʻtishi esa, albatta, muhim voqeadir.

Qayd etish kerakki, MLS da hozirda Argentina sardori Lionel Messi toʻp suradi. Messining 'Inter Mayami' klubi chempionatda 1-oʻrinda ketayotgan boʻlsa, 'Atlanta Yunayted' 9-oʻrinda bormoqda.

Shomurodovga MLS klubidan tashqari Turkiya, Rossiya va Italiyaning oʻzida ham katta qiziqishlar mavjud. Shunday ekan, terma jamoamiz sardori munosib qarorni qabul qiladi, deb umid qilamiz.

Avvalroq, 'Barselona' oʻrtoqlik kubogida 'Monako'ga 0:3 hisobida yutqazgandi.