06 Jul 17:02

Manba: qalampir.uz

Armanistonda amerikalik harbiylar mashg‘ulot o‘tkazadi

15-24 iyul kunlari Armanistonda amerikalik harbiylar ishtirokidagi “Eagle Partner 2024” mashg‘ulotlari bo‘lib o‘tadi. Bu haqda respublika Mudofaa vazirligi matbuot xizmati xabar berdi.

“Xalqaro tinchlikparvar missiyalarda ishtirok etishga tayyorgarlik ko‘rish doirasida 15-24 iyul kunlari Armanistonda “Eagle Partner 2024” qo‘shma arman-amerika mashqlari o‘tkaziladi”, deyiladi xabarda.

Mashg‘ulotlarda Armaniston Qurolli kuchlari tinchlikparvar brigadasi, AQSHning Yevropa va Afrikadagi armiyasi hamda Kanzas milliy gvardiyasi harbiy xizmatchilari ishtirok etadi.

“Mashqlar tinchlikparvarlik vazifalarini bajarishda nizolashayotgan tomonlar o‘rtasidagi munosabatlarni barqarorlashtirish bo‘yicha operatsiyalarni o‘z ichiga oladi”, deyiladi xabarda.

Mashg‘ulotlardan ko‘zlangan maqsad tinchlikparvarlik operatsiyalari doirasida xalqaro tinchlikparvarlik missiyalarida ishtirok etuvchi bo‘linmalar o‘rtasida o‘zaro tushunish darajasini oshirish, boshqaruv va taktik aloqa sohasida ilg‘or tajriba almashish, shuningdek, Armaniston tinchlikparvar qo‘shinlarining jangovar tayyorgarligini oshirishdan iborat.

Ma’lumot uchun, “Eagle Partner” birinchi mashg‘uloti 2023 yilda Armanistonda bo‘lib o‘tgan va unda 85 nafar amerikalik va 175 nafar arman harbiy xizmatchisi ishtirok etgan.

Doʻstlaringiz bilan ulashing

Jahon yangiliklari

20 Jul 09:06

qalampir.uz

Italiya Bosh vazirini “pakana” degan jurnalist jarimaga tortildi

Ijtimoiy tarmoqlarda Italiya Bosh vaziri Jorjiya Melonining bo‘yini masxara qilgan jurnalist 5 ming yevro jarimaga tortildi. Bu haqda “The Guardian” xabar berdi. Italiya sudi ijtimoiy tarmoqlarda Bosh vazir Jorjiya Melonining bo‘yini masxara qiluvchi post joylagan jurnalist Julia Kortesega 5 ming yevro tovon puli to‘lashi haqida sud qarorini o‘qib eshittirdi. Sud qaroriga ko‘ra, Kortesening X ijtimoiy tarmog‘ida yozgan ikkita tviti tuhmatli va tanani sharmanda qilishga

Jahon yangiliklari

18 Jul 17:46

qalampir.uz

AQSH va Britaniya Xodayda xalqaro aeroportiga zarba berdi – OAV

AQSH va Buyuk Britaniya kuchlari Xodayda xalqaro aeroportiga zarba berdi. Bu haqda Yaman husiylariga qarashli “Al Masirah” telekanali xabar berdi. Manbaga ko‘ra, Xodayda aeroporti uch marta zarbaga uchragan. AQSH va Buyuk Britaniya bu borada hech qanday izoh bermadi. Xodayda Yamanning eng muhim hududlaridan biri hisoblanadi, chunki u uzoq qirg‘oq chizig‘iga, shuningdek, xalqaro aeroportga va uchta muhim portga ega. Ma’lumot uchun, 2023 yil 31 oktyabrdan boshlab husiy

Jahon yangiliklari

22 Jul 08:45

qalampir.uz

Zelenskiy Rossiya bilan muzokara o‘tkazishga tayyor - CNN

Ukraina Prezidenti Vladimir Zelenskiy o‘z xalqiga murojaat qilar ekan, ikki yildan ko‘proq vaqt oldin rasmiy Moskvaning keng miqyosli hujumlaridan beri birinchi marta Rossiya bilan muzokaralar olib borishga tayyor ekaniga shama qildi. Bu haqda SNN yozmoqda. Zelenskiy Moskvaga joriy yilning noyabr oyida o‘tkazishga umid qilayotgan navbatdagi tinchlik sammitiga delegatsiya yuborishni taklif qildi. O‘tgan oy Shveysariyada bo‘lib o‘tgan avvalgi tinchlik konferensiyasiga Rossiya taklif

Jahon yangiliklari

11 Aug 03:44

xs.uz

Vositachilar Isroil va HAMASni oʻt ochishni toʻxtatishga chaqirmoqda

Qatar, Misr hamda Qoʻshma Shtatlar Isroil va HAMASni Gʻazo sektorida oʻt ochishni toʻxtatish boʻyicha muzokaralarni qayta boshlashga chaqirdi. Chunki Isroilning davom etayotgan bombardimonlari 40 mingga yaqin falastinlikning hayotiga zomin boʻldi.Payshanba kuni eʼlon qilingan qoʻshma bayonotda uch davlat Isroil va HAMASni Doha yoki Qohirada shoshilinch muhokamani qayta boshlashga va kechiktirmasdan bitimni amalga oshirishga chaqirdi.'Otashkesim kelishuvini tuzish, garovga olinganlar va m