Bugun, 20 iyun kuni Toshkent shahrining Mirzo Ulug‘bek tumanidagi ayrim mahallalar sakkiz soat davomida elektr bilan ta’minlanmaydi. Bu haqda “Toshkent shahar elektr tarmoqlari” MCHJ xabar berdi.

Ma’lum qilinishicha, tumanning “Alisherobod”, “Ijodkor”, “Geofizika”, “Geologlar”, “Sarbon”, “Temuriylar”, “Chingeldi” hamda “Iqtidor” MFYlarining ayrim hududlarida soat 09:00 dan 17:00 gacha elektr toki bo‘lmaydi.

Tashkilot iste’molchilarga sifatli va barqaror elektr energiyasi yetkazib berilishini ta’minlash va elektr tarmoqlaridagi avariyaviy holatlarni oldini olish hamda mavjud elektr qurilmalarida ta’mirlash ishlarini olib borish choralari ko‘rilayotganini bildirgan.

“Toshkent shahar elektr tarmoqlari ” MCHJ mazkur ta’mirlash ishlari tufayli elektr ta’minotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi iste’molchilardan uzr so‘raydi. O‘z navbatida, yuqoridagi hududlarda ta’mirlash ishlari belgilangan vaqtdan avvalroq yakunlanishi mumkinligini bildirib o‘tamiz”, deyilgan xabarda.

Asadbek Komilov