Sankt-Peterburg markazida 20 ga yaqin yo‘lovchisi bo‘lgan avtobus daryoga tushib ketdi. Bu haqda TASS xabar berdi.

Qayd etilishicha, haydovchi bir nechta mashinani urib yuborgan va avtobus ko‘prikdan pastga qulagan. Yaqin atrofdagi qurilish maydonchasida ishlayotgan ishchilar odamlarni avtobusdan tushirishga yordam bergan. Ta’kidlanishicha, ular tushlik qilayotgan edi va suvga tushib ketgan avtobusni ko‘rib, odamlarni qutqarish uchun o‘zini suvga tashlagan.

Favqulodda vaziyatlar vazirligi xabariga ko‘ra, voqea joyida 69 nafar mutaxassis va 18 dona texnika ishlamoqda. 

Mazkur holat yuzasidan avtobus haydovchisi qo‘lga olinib, mazkur holat yuzasidan (Yo‘l harakati qoidalarini buzish ikki va undan ortiq shaxsning o‘limiga sabab bo‘lsa) moddasi bo‘yicha jinoyat ishi qo‘zg‘atilgan.

Hozirda qurbonlar soni haqida aniq ma’lumot yo‘q. Ommaviy axborot vositalarida bir qancha qurbonlar va yaralanganlar haqida xabar berilgan.

Yangilangan ma’lumotlarga ko‘ra, olti kishi shifoxonaga yotqizilgan, 3 kishi vafot etgan.

Avtobus haydovchisi qo‘lga olinib, unga nisbatan jinoiy ish qo‘zg‘atilgan.