Avvalroq, ijtimoiy tarmoqlarda "Toyloqda 8-sinf o‘quvchisi ona bo‘ldi", sarlavhasi ostidagi xabarlar tarqaldi. Bolalar ombudsmani bunga o‘z munosabatini bildirdi.
Bildirilishicha, ombudsman mazkur holatni o‘rganib, o‘z kuzatuviga olgan.
Samarqand viloyatidagi maktabning 8-sinf o‘quvchisi, 2009 yilda tug‘ilgan P.Z. 2023 yil avgust oyida 2006 yilda tug‘ilgan Sh.E. bilan yaqin munosabatda bo‘lgan. 2024 yilning 6 may kuni shifoxonada 15 yoshli qiz chaqalog‘ini dunyoga keltirgan. Mazkur holat yuzasidan (voyaga yetmagan qizning yoshidan kelib chiqib, ariza bilan murojaat qilinmagan bo‘lsa-da) tuman IIB tomonidan JKning 128-moddasi 1-qismi (O‘n olti yoshga to‘lmagan shaxs bilan jinsiy aloqa qilish) bilan jinoyat ishi qo‘zg‘atilgan”, deyiladi Bolalar ombudsmanining xabarida.
Eslatib o‘tamiz, Rossiyaning Novosibirsk viloyatida 11 yoshli maktab o‘quvchisi farzandli bo‘lgandi.
Rayhona Ulkanbayeva