calendar 10 May 13:32
eye 21
comments 0
comments Manba: qalampir.uz

Buxoroda bedarak yo‘qolgan erkak sinfdoshi tomonidan o‘ldirilgani ma’lum bo‘ldi

image

Buxoro viloyatining Kogon tumanida bedarak yo‘qolgan erkak sinfdoshi tomonidan o‘ldirilgani aniqlandi. Bu haqda viloyat Ichki ishlar boshqarmasi xabar berdi. 

Joriy yilning 15 yanvar kuni Buxoro viloyati Kogon tumanining Bahovaddin Naqshband mahallasida yashovchi fuqaro tuman prokuraturasiga ariza bilan murojaat qilib, akasi X.A. 7 yanvar kuni taxminan soat 19:30 larda yashash uyidan noma’lum tomonga chiqib ketib qaytib kelmaganligini bildirgan.

Mazkur holatga aniqlik kiritish maqsadida tezkor tergov guruhi tuzilib, kechiktirib bo‘lmas tezkor surishtiruv harakatlari olib borildi. O‘tkazilgan tergovga qadar tekshiruv harakatlari davomida huquq-tartibot organlarida bu voqelikda qotillik alomatlari mavjud degan taxmin paydo bo‘ladi. Shu sababli Kogon tumani prokuraturasi tomonidan 20 yanvar kuni holat yuzasidan O‘zbekiston Respublikasi Jinoyat Kodeksining 97-moddasi (Qasddan odam o‘ldirish) 1-qismi bilan jinoyat ishi qo‘zg‘atilib, dastlabki tergov harakatlari ham boshlab yuborildi.

7 yanvardan 24 yanvar kuniga qadar bo‘lgan vaqt mobaynida bedarak yo‘qolgan fuqaroni topish maqsadida viloyat hamda tuman prokuraturasi, ichki ishlar boshqarmasi va hududiy ichki ishlar organlari, Favqulotda vaziyatlar boshqarmasi va boshqa taalluqli idoralarning xodimlaridan iborat tezkor-tergov guruhlari tomonidan bir qator tezkor surishtiruv, qidiruv hamda tergov harakatlari olib borildi.

Qotillik deya taxmin qilinayotgan holatga aloqador ashyoviy dalillarni topish maqsadida jinoyat sodir qilingan joyga yaqin hududlardan o‘tgan zovur (zaxkash), ariq va kanal suvlari to‘silib, suvi to‘xtatilib tozalandi, qarovsiz bino va inshootlar, qurilishi tugallanmagan ob’ektlar va ularning yon atroflari ko‘zdan kechirildi.

Barcha qarindosh-urug‘, qo‘ni-qo‘shni, tanish-bilishlar, muqaddam ushbu turdagi yoki shunga o‘xshash jinoyatlarni sodir qilgan yoki sodir etishga moyil deya ichki ishlar organlari, shuningdek, tibbiyot muassasalarining maxsus hisobida turuvchi shaxslar o‘rtasida tezkor profilaktik, surishtiruv hamda tergov harakatlari olib borildi.

Qidiruv surishtiruv ishlarining 17-kunida Buxoro viloyati Ichki ishlar boshqarmasi Tezkor qidiruv xizmati va Kogon tumani Ichki ishlar bo‘limi xodimlari tomonidan olib borilgan tezkor-qidiruv tadbirlari natijasida, ushbu holatda haqiqatdan ham qotillik jinoyati sodir etilganligi o‘z tasdig‘ini topdi. Jinoyatni sodir qilgan gumondor shaxs ham aniqlandi.

Ushbu qotillikni sodir qilgan shaxs bir necha marotaba sudlangan, jabrlanuvchining yon qo‘shnisi, bir maktabda o‘qigan sinfdosh do‘sti bo‘lib, spirtli ichimlik ta’sirida o‘zaro kelib chiqqan kelishmovchilik oqibatida o‘z do‘stini urib, do‘pposlashi oqibatida umriga zomin bo‘lgan.

Ayblanuvchining aybi uning ko‘rsatmalarini voqea joyida tekshirish tergov harakati hamda guvohlarning ko‘rsatmalariga asosan to‘liq isbotlanib, jinoyat ishi yuzasidan to‘plangan hujjatlar jazoning muqarrarligini ta’minlash uchun Jinoyat ishlari bo‘yicha Kogon tuman sudiga yuborilgan.

Eslatib o‘tamiz, oldinroq Surxondaryo viloyatining  Denov tumanida bedarak yo‘qolgan 38 yoshli erkakning jasadi molxonadan topilgandi.


Doʻstlaringiz bilan ulashing

14 May 14:34
 
33
0
qalampir.uz

Namanganda 7 yashar qizga buzuq harakatlar qilgan 70ga yaqinlashgan chol qamoqqa olindi

Avvalroq, Namangan viloyatida 68 yoshli erkak 7 yashar qizni o‘z avtomashinasiga chiqarib, unga uyatsiz va buzuq harakatlar qilgani aytilgan va mazkur holat yuzasidan Jinoyat kodeksining 129-moddasi 1-qismi (o‘n olti yoshga to‘lmagan shaxsga nisbatan uyatsiz-buzuq harakatlar qilish) bilan jinoyat ishi qo‘zg‘atilgani xabar qilingandi. Endilikda mazkur jinoyat qayta malakalandi. Bu haqda Bolalar ombudsmani xabar berdi. “Dastlabki tergov davomida o‘tkazilgan tergov harakatlar

10 May 13:32
 
31
0
qalampir.uz

1,4 kg oltinni O‘zbekistondan noqonuniy olib chiqib ketmoqchi bo‘lgan shaxslar ushlandi

O‘zbekistondan 1,4 kg oltinni noqonuniy olib chiqib ketayotgan shaxslar qo‘lga olindi. Bu haqda Davlat xavfsizlik xizmati xabar berdi.  Andijon shahri va Andijon tumanida yashovchi, 1985, 1997 va 2000 yillarda tug‘ilgan 4 nafar shaxs “Do‘stlik” chegara-bojxona posti orqali O‘zbekistondan Qirg‘izistonga zanjir, tish qolipi hamda lom shaklidagi tilla buyumlarni kiyimlari ichiga yashirgan holda olib chiqib ketishga uringan vaqtida ushlangan. Ekspertiza xulosasig

10 May 13:32
 
36
0
qalampir.uz

O‘zbekiston musulmonlari idorasi raisiga o‘rinbosar tayinlandi

Samarqand viloyati bosh imom-xatibi Zayniddin Eshonqulov O‘zbekiston musulmonlari idorasi raisi o‘rinbosari lavozimiga tayinlandi. Bu haqda O‘zbekiston musulmonlari idorasi xabar berdi. Bugun, 8 may kuni O‘zbekiston musulmonlari idorasi raisi, muftiy Shayx Nuriddin Xoliqnazarov raisligida videoselektor yig‘ilishi bo‘lib o‘tgan. Unda masjidlar holatini yaxshilash, mo‘min-musulmonlar ehtiyojlarini ta’minlash va imom-domlalar faoliyatini rivojlantirishga doir masalalar ko‘rib

11 Apr 13:59
 
58
0
qalampir.uz

Suriyadagi jangarilarga qo‘shilgan yana bir o‘zbekistonlik qidiruvga berildi

2012 yilda Rossiya Federatsiyasi orqali Turkiyaga, u yerdan Suriyadagi jangarilar safiga borib qo‘shilgan Jaloliddin Rustamovich Mansurov qidiruvga berildi. Bu haqda bugun, 8 aprel kuni Toshkent shahar Ichki ishlar bosh boshqarmasi ma’lum qildi. Qayd etilishicha, 1989 yilda Toshkent shahrida tug‘ilgan Mansurov 2005 yilda Uchtepa tumanidagi agrar kollejiga o‘qishga qabul qilinadi, biroq, 2007 yilda 2-kursni bitirmay turib o‘qishni tashlab ketadi va bo‘yoqchilik ishlarida otasiga yo