calendar 11 Apr 13:58
eye 26
comments 0
comments Manba: qalampir.uz

Ramazonda Qur’onni boshidan oxirigacha o‘qib chiqdim – Uill Smit

image

O‘zbek tomoshabinlariga “Hankok”, “I am lagend”, “Men in black” filmlari orqali yaxshi tanish Gollivud yulduzi Uill Smit Ramazon oyida Qur’oni Karimni to‘liq o‘qib chiqqanini ma’lum qildi. Bu haqda u "Big Time Podcast" dasturida so‘z ochdi.

Jurnalist Amr Adib bilan suhbatda Uill Smit hayotining so‘nggi ikki yili qiyin kechgani, bu esa uni ichki dunyosi haqida fikr yuritishga undaganini ta’kidlagan. Aktyor bu davrda barcha muqaddas kitoblarni, jumladan Qur’onni ham o‘qib chiqqan.

“O‘tgan yili Ramazon oyida Qur’onni boshidan oxirigacha o‘qib chiqdim. Menga Qur’ondagi soddalik va ravshanlik yoqdi. Har bir kalom juda aniq va tushunarli qilib, bayon qilingan. U juda go‘zal ohangga va billur kabi soflikka ega”, degan aktyor.

Shuningdek, yulduz Qur’onning ma’nosi unga qanday ta’sir qilgani haqida gapirgan. Taniqli aktyor Qur’onni to‘liq o‘qishdan o‘zingizga nima oldingiz, degan savolga, kitobda Muso alayhissalomning necha marta zikr etilganidan hayratda qolgani, buning qiziqarli ekani, payg‘ambarning qissasi va boshidan kechirgan voqealari uni junbushga keltirganini aytgan.

“Oddiyligi meni hayratga soldi... Qur’on oddiy va undagi hamma narsa oynadek ravshan... va uni o‘qib chiqqandan keyin qandaydir tushunmovchilik bo‘lishi mumkin emas”, degan u. 

Ma’lumot uchun, Uillard Kerroll Smit II 1968 yilning 25 sentyabrda Filadelfiyada tug‘ilgan. "Qirol Richard" filmidagi Richard Uilyams roli uchun "Eng yaxshi aktyor" nominatsiyasida "Oskar" mukofotini olgan. Bundan tashqari u “Ekran aktyorlari gildiyasi” va "Oltin globus" mukofotlari, shuningdek, ikkita "Grammy" mukofoti sovrindori hisoblanadi. 2008 yilda Uill Smit “Forbes” talqini bo‘yicha Gollivudning eng ko‘p maosh oluvchi aktyorlari ro‘yxatida birinchi o‘rinni egallagandi.

Eslatib o‘tamiz, avvalroq Uill Smit Oskar mukofotini topshirish marosimida davra boshlovchisi va qiziqchi Kris Rokga shapaloq tushirgandi.

Rayxona Ulkanbayeva


Doʻstlaringiz bilan ulashing

11 Apr 13:58
 
46
0
qalampir.uz

“Agent 007” jarimaga tortildi

O‘zining “Jentilmencha o‘g‘rilik”, “Arvoh jinoyatchilar”, “Ajnabiy” va “Jeyms Bond” kabi filmlari bilan tanilgan Pirs Brosnan AQSHdagi milliy bog‘ga ruxsatsiz kirgani uchun jarimaga tortildi. Bu haqda “Thye Guardian” nashri xabar berdi. Qayd etilishicha, britaniyalik maxfiy agent Jeyms Bond rolini o‘ynagan beshinchi aktyor Pirs Brosnan o‘tgan yilning noyabr oyida AQSHning “Yellowstoun” milliy bog‘idagi taqiq

11 Apr 14:02
 
39
0
xs.uz

Germaniyada “Oʻzbekiston – Ipak yoʻlining durdonasi” nomli kitob albom nashr etildi

Maqola muallifi Mixael Rossnerning qayd etishicha, fotograf Osiyo va Janubiy Amerika qitʼalarining koʻplab mamlakatlariga safar qilgan. Turli madaniyat va landshaftlarga boʻlgan yuqori qiziqish uni 2019-yilda Oʻzbekiston tomon chorladi. Sayohati davomida ushbu sehrli diyor taassurotlaridan ilhomlangan haydelberglik tadbirkor oʻzi olgan suratlarni kitob holida chop etishga qaror qiladi.Maʼlum qilinishicha, Tamara Rexenbergning 'Oʻzbekiston ' Ipak yoʻli durdonasi' kitob albomi 'abc-Verlag

11 Apr 13:55
 
30
0
postda.uz

ULUG‘ ZOTNI XOTIRLAB

Bugun IIV markaziy apparati xodimlari va ularning farzandlari hamda ta’lim muassasalarining kursant va o‘quvchilari ishtirokida poytaxtimizda joylashgan “Temuriylar tarixi” davlat muzeyiga sayohat uyushtirildi. Buyuk bobokalonimiz tavalludining 688 yilligiga bag‘ishlangan ushbu tadbir munosabati bilan bu yerga yig‘ilganlar o‘sha davrning shonli tarixini aks ettiruvchi osori atiqalar, ulug‘ zotning dunyo siyosiy maydonida tutgan o‘rni, shuningdek, sohibqiron yaratgan ulkan salta

11 Apr 13:58
 
38
0
qalampir.uz

Ozarbayjonda Alisher Navoiy nomidagi madaniyat markazi ochiladi 

Ozarbayjonning Ganja shahrida Alisher Navoiy nomidagi o‘zbek tili va madaniyati markazi ochiladi. Bu haqda kecha, 12 mart kuni O‘zbekiston Fanlar akademiyasi matbuot xizmati xabar berdi. Qayd etilishicha, O‘zbekiston delegatsiyasi ganjalik olimlar va ziyolilar bilan uchrashgan. Toshkent davlat o‘zbek tili va adabiyoti universiteti rektori Shuhrat Sirojiddinov Ozarbayjon Milliy ilmlar akademiyasi prezidenti, akademik Isa Habibeyli taklifiga binoan Nizomiy Ganjaviy nomidagi adabiyot ins