Musobaqaning keyingi bosqichiga poytaxtimizdagi «Jar» stadioni mezbonlik qildi. Nihoyatda qizg‘in kurashlar ostida o‘tgan hal qiluvchi ushbu bosqichda IIV Transport va turizm obyektlarida xavfsizlik­ni ta’minlash departamenti jamoasi zafar quchdi. Jamoa chorak finalda Qoraqalpog‘iston Respublikasi IIV jamoasini 2:1, yarim finalda Namangan viloyati IIB jamoasini 3:0 hisobida mag‘lub etdi. Nihoyat, so‘nggi o‘yinda vazirlik huzuridagi Jazoni ijro etish departamenti vakillari kichik hisobda taslim qilindi. IIV Transport va turizm obyektlarida xavfsizlikni ta’minlash departamenti futbolchilariga Ichki ishlar vaziri kubogi va musobaqaning oltin medallari tantanali ravishda topshirildi.

– Musobada g‘olib chi­qish oson bo‘lmadi, – deydi jamoa sardori, katta serjant Fazliddin Madaliyev. – Chunki har bir jamoa turnirga puxta tayyorgarlik ko‘rgani yaqqol sezildi. Muhimi, musobaqa bizda jamoaviy ruhni kuchaytirdi, yanada jipslashtirdi. 

Kuni kecha IIV Transport va turizm obyektlarida xavfsizlikni ta’minlash departamentida bo‘lib o‘tgan taqdirlash marosimida Ichki ishlar vaziri o‘rinbosari, general-ma­yor B.Mirzarahimov turnirda munosib ishtirok etib, kubok sohibiga aylangan jamoa a’zolariga pul mukofotlari va esdalik sovg‘alarini topshirdi. Shuningdek, yengil atletika bo‘yicha mamlakat kubogi musobaqasida sovrinli o‘rinni qo‘lga kiritgan safdor Jahongir Rahmatullayev, Ichki ishlar vazirligi va uning hududiy bo‘linmalari terma jamoalari o‘rtasida o‘tkazilgan universal jang bo‘yicha respublika chempionatida g‘olib chiqqan safdor Azizbek Begimov ham munosib taqdirlandi.

Qosimjon SATTOROV,

podpolkovnik.