calendar 07 Mar 20:11
eye 50
comments 0
comments Manba: qalampir.uz

Ayrim hokimlar hatto o‘z hududida “pastga tushmagan” – Prezident

image

Prezident Shavkat Mirziyoyev 6 mart kuni Toshkent viloyatining tuman va shaharlaridagi imkoniyatlarni to‘liq ishga solish chora-tadbirlari yuzasidan yig‘ilish o‘tkazdi. Bu haqda Prezident matbuot xizmati xabar berdi.

Prezident huzurida Toshkent viloyati tuman va shaharlaridagi "o‘sish nuqtalari" tahlil qilindi: Ohangaronda O‘zbekiston–Vengriya sanoat zonasi tashkil etiladi, Angren erkin iqtisodiy zonasida maishiy texnika, metall prokat, meva-sabzavotni qayta ishlash bo‘yicha 400 million dollarlik loyihalar amalga oshiriladi. 

Qayd qilinishicha, Toshkent viloyatida 15 ta tuman va 7 ta shahar bor. Hudud qulay geografik makonda, voha va vodiy viloyatlarini poytaxtimiz bilan bog‘laydigan muhim transport yo‘lagida joylashgan. Lekin viloyatning iqtisodiy rivoji mavjud salohiyatga umuman mos emas. Na savdo, na yer-suv, na transport-tranzit imkoniyatlaridan to‘la foydalanilyapti. Ba’zi ko‘rsatkichlar bunday qulayliklar bo‘lmagan ayrim chekka hududlardagidan ham past. 

Tanqidiy ruhda o‘tgan yig‘ilishda ishga solinmayotgan imkoniyatlar, bu boradagi sustkashliklar ko‘rsatib o‘tildi. 

Poytaxt jadal rivojlanayotgani holda uning yonidagi viloyat hududlari bu sur’atdan ortda qolmoqda. Masalan, Toshkent, Zangiota, Qibray, Yuqori Chirchiq, O‘rta Chirchiq tumanlarida sanoat hajmi yondosh poytaxt tumanlariga nisbatan bir necha barobar kam. Qurilish sohasida ham shu ahvol. 

Bir qator kichik tadbirkorlar faoliyatini to‘xtatgan. 29 ta yirik korxonada hamda Bekobod va Yangiyo‘l shaharlarida ishlab chiqarish kamaygan. Viloyatda ekin yerlari ko‘p bo‘la turib, Andijon bilan deyarli bir xil hajmda mahsulot yetishtirilgan. 

Hududlarning bor salohiyati daromadga aylanmayapti. Sababi "o‘sish nuqtalari"ni topish va ishga solish bo‘yicha hokimlarda tashabbus yetishmayapti. Ayrim hokimlar hatto o‘z hududida "pastga tushmagan", tadbirkorni qo‘llab-quvvatlash, ish o‘rinlarini ko‘paytirishga harakat qilmagan. 

Yig‘ilishda viloyatdagi shahar va tumanlar mutasaddilari o‘z faoliyatida o‘zgarish qilmasa, lavozimiga loyiqligi ko‘rib chiqilishi to‘g‘risida ogohlantirildi. 

Ta’kidlanishicha, Parkent, Yangiyo‘l, Chinoz va Oqqo‘rg‘on tumanlarida turizm, tranzit va iqtisodiy qulayliklar ko‘p bo‘lsa-da, taraqqiyotdan orqada. Shu bois, prezident topshirig‘iga muvofiq, ulardagi haqiqiy holat, imkoniyatlar va tadbirkorlarning takliflari o‘rganildi. 

Yig‘ilishda shu boradagi tahlillar, mazkur tumanlarning "o‘sish nuqtalari" taqdimot qilindi. 

Jumladan, Parkent tumanining xushmanzara joylariga olib boruvchi yo‘llarni ta’mirlash, mikroavtobuslar qatnovini tashkil etish, yo‘l bo‘yida savdo va xizmat ko‘rsatish shoxobchalari qurish uchun tadbirkorlarga yer ajratish taklif etilmoqda. Parkentsoy, Qizilsoy va Chovlisoyning muhofaza hududini aniq belgilash va qirg‘oqlarini mustahkamlash orqali bo‘shaydigan yerlardan samarali foydalanish ham mumkin. 

Yangiyo‘l tumanida oziq-ovqat va gigiyena mahsulotlariga ixtisoslashgan kichik sanoat zonasi tashkil etish ko‘zda tutilmoqda. 

Chinoz tumanida savdo-ko‘ngilochar majmua va zamonaviy baliq bozori barpo etish, yo‘l bo‘yida savdo va xizmatlarni kengaytirish, xonadonlarda issiqxonalarni ko‘paytirish kabi imkoniyatlar hisob-kitob qilingan. 

Oqqo‘rg‘onda sanoat rivojlanmagani sababli ko‘plab xotin-qizlar Toshkent shahri va boshqa tumanlarga qatnab, to‘qimachilik korxonalarida ishlamoqda. Shunday korxonalarni tumandagi bo‘sh binolar o‘rnida tashkil qilish rejalashtirilgan. 

Davlat rahbari tumanlar iqtisodiyotini sog‘lomlashtirish bo‘yicha choralarni ko‘rsatib o‘tdi. Mutasaddilarga viloyatning barcha hududlarini shunday tahlil qilib, qo‘shimcha "o‘sish nuqtalari"ni aniqlash, daromad manbalarini ko‘paytirish vazifasi qo‘yildi. 

Ohangaron tumanida O‘zbekiston – Vengriya sanoat zonasi tashkil etilib, 100 million dollarlik loyihalar joylashtiriladi. Angren erkin iqtisodiy zonasida maishiy texnika, metall prokat, meva-sabzavotni qayta ishlash bo‘yicha 400 million dollarlik, "Eltex industrial" texnoparkida 260 million dollarlik loyihalar amalga oshiriladi.

Yig‘ilishda to‘g‘ridan-to‘g‘ri xorijiy investitsiyalar jalb qilib, iqtisodiy-ijtimoiy loyihalarni jadallashtirish masalalari ko‘rib chiqildi. Poytaxtdagi sanoat korxonalarini bosqichma-bosqich shahardan tashqariga ko‘chirish rejalashtirilgani, bu Toshkent viloyati uchun katta imkoniyat ekani ta’kidlandi. 

O‘zini o‘zi band qilgan insonlarning kichik biznesga o‘tishi, faoliyatini to‘xtatgan tadbirkorlarning ishini yana tiklashiga ko‘maklashiladi. Tomorqalarda Chinoz tajribasi bo‘yicha ixcham issiqxonalar, kooperatsiya asosida mahsulotlarni saqlash va qayta ishlash majmualari tashkil etiladi. 

Shuningdek, joriy yilda mahalliy va xorijiy turistlar sonini 5 millionga, turizmda eksportni kamida 300 million dollarga yetkazish choralari bo‘yicha fikr almashildi. 

Xotin-qizlar va yoshlarni kasbga o‘qitish hamda bandligini ta’minlash masalalariga ham alohida e’tibor qaratildi.

Sarvar Xurramov


Doʻstlaringiz bilan ulashing

18 Jul 16:19
 
25
0
xs.uz

Davlat rahbarlari Oʻzbekiston-Qirgʻiziston hamkorligini yanada rivojlantirishning ustuvor yoʻnalishlarini belgilab oldilar

Mazkur sammitga tayyorgarlik doirasida Hukumatlararo komissiya yigʻilishi, biznes forumi, Rektorlar forumi, Avlodlar muloqoti va qator madaniy tadbirlar muvaffaqiyatli oʻtkazilgani taʼkidlandi.Savdo, sanoat kooperatsiyasi, energetika, transport, qishloq va suv xoʻjaligi, xavfsizlik, madaniyat va boshqa muhim yoʻnalishlardagi hamkorlik natijalari tanqidiy tahlil qilindi.Muzokaralar davomida tomonlar parlamentlar, hukumatlar, vazirliklar, idoralar va hududlar, ishbilarmonlar, ekspertlar va ja

25 Jun 16:24
 
10
0
qalampir.uz

Deputatlar chet el fuqarolarini nomaqbul deb topish asoslarini belgilovchi qonunni qabul qildi

Oliy Majlis Qonunchilik palatasi deputatlari chet el fuqarolari va fuqaroligi bo‘lmagan shaxslarning O‘zbekistonda bo‘lishini nomaqbul deb topish asoslari va tartibini belgilovchi qonun loyihasini uchinchi o‘qishda qabul qildi. Bu haqda quyi palata matbuot xizmati xabar berdi. Qonun loyihasi bir guruh deputatlar tomonidan qonunchilik tashabbusi asosida ishlab chiqilgan. U “O‘zbekiston Respublikasida chet el fuqarolarining va fuqaroligi bo‘lmagan shaxslarning huquqiy holati t

16 Jul 12:32
 
61
0
qalampir.uz

Daraxtga shikast yetkazgan ekskavator haydovchisi 28 mln so‘m jarimaga tortildi

Toshkent shahrining Mirobod tumanida daraxtga shikast yetkazgan ekskavator haydovchisiga 28 million so‘m jarima belgilandi. Bu haqda Mirobod tumani hokimligi matbuot xizmati xabar berdi. Ijtimoiy tarmoqlarda kuni kecha Mirobod tumanida sobiq “Buxoro” kafesi hududida daraxtlarga shikast yetkazilayotgani haqida murojaat e’lon qilingan. Ushbu holat yuzasidan Mirobod tumani ekologiya bo‘limi tomonidan joyiga chiqqan holda o‘rganish ishlari olib borilgan. Ma’lum qilinishic

19 Jul 22:59
 
17
0
qalampir.uz

O‘zbekiston Xalqaro biologiya olimpiadasidan chetlatildi

O‘zbekiston 2024 yilgi Xalqaro biologiya olimpiadasi (IBO)dan chetlatilib, olimpiadada ishtirok etgan barcha o‘quvchilarning natijalari bekor qilindi. Shuningdek, IBO'ga a’zo davlatlar ro‘yxatidan ham chiqarib yuborildi. Bu haqda Xalqaro biologiya olimpiadasi tashkiloti xabar berdi.  Bu qaror IBO boshqaruv kengashi tomonidan qabul qilingan va bunga O‘zbekiston delegatsiyasi tomonidan qoidalarga rioya qilinmaganligi sabab bo‘lgan. Bu esa respublikaning kelgusidagi ishtirok