calendar 12 Feb 17:12
eye 41
comments 0
comments Manba: xs.uz

BMT Ayollar holati boʻyicha komissiyaning navbatdagi sessiyasi doirasidagi Markaziy Osiyo va Ozarbayjon uchun maslahatlashuvlari Toshkentda oʻtkazildi

image
2024-yil 11-22-mart kunlari AQSHning Nyu-York shahrida BMT Ayollar holati boʻyicha komissiyaning (CSW) 68-sessiyasi boʻlib oʻtadi va ushbu tadbirning asosiy eʼtibori gender tengligikka erishishni tezlashtirish va kambagʻallikni bartaraf etish orqali xotin-qizlarning huquq va imkoniyatlarini kengaytirishga qaratiladi.

Soʻnggi 5-yil davomida Oʻzbekiston Respublikasi gender tenglikka erishish va xotin-qizlarning huquqlari va imkoniyatlarini kengaytirish borasida koʻplab ijobiy natijalarga erishganligini inobatga olgan holda BMTning Ayollar tashkiloti Markaziy Osiyo va Ozarbayjon uchun maslahatlashuvlarni aynan Oʻzbekistonda oʻtkazish boʻyicha taklifni ilgari surdi.



Mazkur maslahatlashuvlar joriy yilning 12-fevral kuni Toshkent shahrida Oliy Majlis Senati BMT Ayollar tashkiloti bilan hamkorlikda 'Gender tenglikka erishishni tezlashtirish va kambagʻallikni bartaraf etish, institutlar va genderga oid moliyalashtirishni mustahkamlash orqali barcha xotin-qizlarning huquq va imkoniyatlarini kengaytirish' mavzusida oʻtkazildi.

Tadbirda Oʻzbekiston, Tojikiston, Qozogʻiston, Qirgʻiziston, Turkmaniston va Ozarbayjon davlatlarining Parlament aʼzolari, fuqarolik jamiyati, yoshlar tashkilotlari va ilmiy doiralar vakillari, gender ekspertlar, BMTning oʻndan ortiq dasturlari, jamgʻarmalari va agentliklari, hamda gender tengligi va ayollarning iqtisodiy imkoniyatlarini kengaytirish tarafdori boʻlgan xususiy sektor vakillari ishtirok etdi.



Oliy Majlis Senati Raisi Tanzila Narbayeva tadbir ishtirokchilariga videomurojaat yoʻlladi.

' Bugungi kunda Markaziy Osiyo va Ozarbayjon davlatlari xotin-qizlarning huquq, erkinliklari va manfaatlarini himoya qilish, zoʻravonlik va kamsitishning oldini olish, shuningdek, qarorlar qabul qilish jarayonlarida ishtirokini taʼminlash borasida ulkan yutuqlarga erishdi.

Mamlakatlarimizda gender tengligini taʼminlash sohasida amalga oshirilayotgan islohot va oʻzgarishlar natijasida zarur tajriba va amaliyot toʻplandi, xotin-qizlarning ijtimoiy, siyosiy va iqtisodiy hayotda toʻliq va teng huquqli ishtirok etishi uchun qulay sharoitlar yaratilmoqda.



Biz davlatlarning barcha jabhalarida ayollar va erkaklar uchun teng sharoitlarni nazarda tutuvchi Pekin deklaratsiyasi va Harakatlar platformasi maqsadlariga erishish sari bosqichma-bosqich bormoqdamiz.

Shu maqsadda Oʻzbekiston xotin-qizlarni ijtimoiy himoya qilish boʻyicha tadbirlarni har tomonlama qoʻllab-quvvatlash borasidagi saʼy-harakatlarni davom ettirish tarafdori ' deya taʼkidladi T. Narbayeva.

Shuningdek, maslahatlashuvlarda mintaqaviy organlar ' BMTning Markaziy Osiyo uchun preventiv diplomatiya boʻyicha mintaqaviy markazi, Markaziy Osiyo mamlakatlari ayollar muloqoti va boshqalar ishtirok etdi.



Maslahatlashuvlar davomida Institutlar va genderga oid moliyalashtirishni mustahkamlash aspektlarini inobatga olgan holda kambagʻallik muammolarini hal qilishda tarmoqlararolikni mujassamlashtirish hamda gender tenglikni va xotin-qizlarning huquq va imkoniyatlarini kengaytirishni taʼminlash uchun moliyalashtirishdagi uzilishlarni bartaraf etish: gender tengligi siyosati va byudjetlariga taʼsir koʻrsatish uchun salohiyat va makonini kengaytirish kabi mavzularda muhokamalar tashkil etildi.

Shuningdek, haq toʻlanmaydigan parvarish va uy ishlarining nomutanosib yuki bilan kurashish: xizmat koʻrsatish faoliyatiga oʻtish hamda ijtimoiy himoya xizmatlari va tizimlari mavzulariga eʼtibor qaratildi.

Mazkur maslahatlashuvlarni oʻtkazishning asosiy maqsadi Markaziy Osiyoda gender tenglikka erishish borasida mintaqaning salohiyati va imkoniyatlarini baholash, kambagʻallikni bartaraf etishda, ijtimoiy himoya va ishchi kuchi faoliyati borasida ustuvor rivojlanish strategiyalarini belgilashdan iboratdir.

Maslahatlashuvlar yakuni boʻyicha Markaziy Osiyo mintaqasi (Oʻzbekiston, Tojikiston, Qozogʻiston, Qirgʻiziston, Turkmaniston) va Ozarbayjonning CSWning 68-sessiyasiga hissa qoʻshadigan va undagi ishtiroki uchun asos boʻladigan keng qamrovli murojaatlar, ilgʻor tajriba va aniq tavsiyalar toʻplamini oʻz ichiga olgan hujjat qabul qilinadi.

























Foto: Yunus Bo'riyev / 'Xalq so'zi'


Doʻstlaringiz bilan ulashing

11 Apr 13:56
 
25
0
qalampir.uz

Fransiya Armanistonga boshqalar sotib ololmaydigan harbiy texnikalarni bermoqchi

Rasmiy Parij Yerevanga boshqalar ololmaydigan harbiy texnikani beradi. Bu haqda Fransiyaning Armanistondagi Favqulodda va muxtor elchisi Olive Dekotini o‘zining X ijtimoiy tarmog‘idagi sahifasida yozdi.  “Fransiyada hamma davlatlar xohlaydigan harbiy texnika bor. Fransiya esa ularni faqat Armanistonga yetkazib beradi”, degan Dekotini “Politico” nashrining “Fransiya uchuvchisiz harbiy radarlarga ega” nomli maqolasini ilova qilgancha. Ma’lum

07 Mar 20:13
 
36
0
xs.uz

Norvegiya Ukrainani havo mudofaasi tizimlari bilan taʼminlash boʻyicha koalitsiyaga qoʻshildi

Norvegiya Ukrainani havo mudofaasi va raketaga qarshi mudofaa tizimlari bilan taʼminlash boʻyicha xalqaro koalitsiyaga qoʻshildi. Bu haqda Germaniya mudofaa vazirligi matbuot xizmati maʼlum qildi.'Ukraina uchun kuchli signal: Norvegiya ham havo va raketaga qarshi mudofaa qoʻshma koalitsiyasiga qoʻshildi', ' deyiladi vazirlik xabarida.Xalqaro koalitsiyaga Germaniya va Fransiya boshchilik qilmoqda. Uning maqsadi Ukrainaning havo mudofaasini kuchaytirishdir.Shu yilning 6-mart kuni 'Bloomberg'

08 Mar 18:06
 
33
0
qalampir.uz

Putin Rossiyaning eng ishonchli ittifoqchisi qaysi davlat ekanini aytdi 

Serbiyaliklar asrlar davomida Rossiya Federatsiyasining ishonchli ittifoqchilari bo‘lib qolgan. Moskva buni biladi, eslaydi va qadrlaydi. Bu haqda Rossiya Prezidenti Vladimir Putin 6 mart kuni Butunjahon yoshlar festivali ishtirokchilari bilan suhbat chog‘ida aytib o‘tdi. "Rossiya va Serbiya o‘rtasidagi munosabatlar o‘ziga xos xususiyatga molik, ular chuqur tarixiy ildizlarga ega. Men bu haqda doim alohida iliqlik bilan so‘z ochaman, chunki asrlar davomida serblar Rossiyani

07 Mar 20:13
 
34
0
xs.uz

Turkiya boy yevropalik sayohatchilar uchun muhim sayyohlik manziliga aylandi

Yaxshi tashkil etilgan mehmonxonalari, sifatli xizmati va mehmondoʻstligi bilan Turkiya nafaqat oilaviy dam olish uchun juda mashhur joy, balki soʻnggi investitsiyalar va samarali yangi strategiyalar tufayli badavlat sayohatchilar uchun muhim madaniy manzildir.Ushbu muhim rivojlanishda xususiy sektor har doim muvaffaqiyatli va innovatsion yondashuvga ega boʻldi va odatda aniq rahbarlik qarorlari bilan harakat qiladigan Turkiya Madaniyat va turizm vazirligi muhim rol oʻynadi.Tajribali turizm