calendar 07 Feb 05:01
eye 103
comments 0
comments Manba: xs.uz

Elektromobil tarmogʻini rivojlantirish chora-tadbirlari taqdimot qilindi

image
Mamlakatimizda avtomobilsozlik boʻyicha katta tajriba va infratuzilma bor. Bugungi kunda 8 ta zavodda oʻnlab turdagi avtomobillar, yoʻlovchi va yuk mashinalari, qishloq xoʻjaligi va maxsus texnikalar ishlab chiqarilmoqda. Yana 2 mingdan ziyod korxonada kooperatsiya asosida butlovchi va ehtiyot qismlar tayyorlanmoqda.

Oʻtgan yili dekabrda boʻlgan yigʻilishda davlatimiz rahbari elektromobillar hayotga tez kirib kelayotganini taʼkidlab, bu sohani oʻzlashtirish boʻyicha topshiriqlar bergan edi. Joriy yil yanvarda Xitoyga davlat tashrifi chogʻida Prezidentimiz 'BYD' kompaniyasining bosh qarorgohida boʻldi. Ushbu kompaniya bilan hamkorlikda Jizzax viloyatida gibrid va elektr avtomobillarni yigʻish boʻyicha loyiha boshlandi. Kompaniya rahbari bilan muzokara chogʻida yaqin istiqbolda ishlab chiqarish quvvatini yiliga 500 ming donagacha yetkazish boʻyicha fikr almashilgan edi.

Bu zamon talab qilayotgan yoʻnalish. Soʻnggi uch yilda Oʻzbekistonda elektromobillar sotuvi 10 barobar koʻpaygan. 2023-yilda import qilingan avtomobillarning 35 foizini elektromobil va gibridlar tashkil qilgan.

Shu bois mutasaddilarga bu yoʻnalishdagi marralarni kengroq olib, loyihalarni jadallashtirish boʻyicha koʻrsatmalar berildi. 'BYD' kompaniyasi hamkorlarini jalb qilib, elektromobillar uchun butlovchi qismlarni oʻzlashtirish zarurligi taʼkidlandi.

Mazkur yangi tarmoqda raqobatbardosh boʻlish uchun, eng avvalo, innovatsiya va ilgʻor texnologiyalar kerak. Shu bois Turin politexnika instituti, muhandislik markazlari, ilmiy institut va laboratoriyalarni oʻzaro bogʻlaydigan yaxlit tizim yaratish vazifasi qoʻyildi.

Shuningdek, bu soha rivojlanishi bilan mutaxassis va ishchilarga talab ortadi. Yaqin uch yilda bu talab 10 mingga yetishi mumkin. Shuning uchun malakali kadrlar tayyorlashni hozirdan boshlash kerakligi qayd etildi.

Elektromobillarni quvvatlash stansiyalarini rivojlantirish boʻyicha dastur ishlab chiqilishi belgilandi.


Doʻstlaringiz bilan ulashing

17 Jul 13:44
 
58
0
xs.uz

Ishsizlik nafaqasi undirib berildi

Nurota tumanida yashovchi Toʻynazar Rahmonov adliya idoralarining sayyor qabuliga qadar mazkur moddalarda belgilangan huquqlarga ega ekanligini bilmasdi. Uning murojaati asosida tuman kambagʻallikni qisqartirish va bandlikka koʻmaklashish boʻlimiga taqdimnoma kiritilib, 25 million soʻmdan ortiq nafaqa pullari undirilishi taʼminlandi.Tumanning 'Alisher Navoiy' mahallasida yashovchi fuqaro Sh.Tolibovaning tugʻish taʼtili davri uchun qonunchilikda belgilangan nafaqa toʻlovlari toʻlab beri

15 Jul 12:03
 
128
0
xs.uz

Qoraqalpogʻistonda katta miqdordagi alkogol mahsulotlari ishlab chiqarayotgan yashirin sex fosh etildi

Bosh prokuratura huzuridagi Departamentning Toʻrtkoʻl tumanida olib borilgan tadbirlarda 'Qaratau' nomi ostida alkogol mahsulotlari ishlab chiqarayotgan yashirin sex fosh etildi. Bu haqda Departamentning matbuot xizmati xabar bergan.Maʼlum boʻlishicha, IIB xodimlari hamkorligida oʻtkazilgan tezkor tadbirda 'Anhorli' mahallasida yashovchi A.D. oʻz uyining yordamchi xoʻjaligida yashirin sex tashkil qilib, alkogol mahsulotlarini ishlab chiqarish faoliyati bilan shugʻullanib kelayotgan.Ushbu

16 Jul 08:23
 
57
0
xs.uz

Toshkentda Amerika texnologiyalar universiteti ochilishi kutilmoqda

Shu kunlarda oliy taʼlim muassasalariga qabul imtihonlari boʻlib oʻtmoqda. Bu yil unda 805 ming nafar abituriyent ishtirok etmoqda.Mutasaddilar 2024/2025-oʻquv yili uchun oliy taʼlim muassasalariga kadrlar tayyorlash davlat buyurtmasi rejasi boʻyicha axborot berdi. Qayd etilganidek, bu yil bakalavriatda ham, magistraturada ham muhandislik, qurilish, tabiiy fanlar, matematika, axborot texnologiyalari yoʻnalishlariga kvotalar soni oshirilmoqda. Toʻlov-kontrakt asosida qabul davlat va nodav

15 Jul 12:03
 
47
0
qalampir.uz

Dunyoning eng kuchli pasportlari reytingida O‘zbekiston 79-o‘rinni egalladi

"Henley & Partners" xalqaro konsalting kompaniyasi tomonidan tuzilgan dunyoning eng kuchli pasportlari reytingida O‘zbekiston 79-o‘rinni egalladi.  Qayd etilishicha, O‘zbekistonda fuqarolik pasportiga ega bo‘lganlar 64 ta davlatga vizasiz yoki soddalashtirilgan tartibda kirish imkoniga ega. 2023 yilda O‘zbekiston ushbu reytingda 78-o‘rinni band qilgandi. Shu yilning boshidagi ma’lumotlarga ko‘ra esa 80-o‘rinda bo‘lgan. O‘zbekistondan tashqari Kuba,