Xiva shahri 2024-yilda “Islom dunyosining turizm poytaxti” deb e'lon qilindi. Shu munosabat bilan bu ko‘hna zaminda Islom Hamkorlik Tashkilotiga a'zo davlatlarning nufuzli yig‘ilishlari, xalqaro festivallar va uchrashuvlar o‘tkazilishi rejalashtirilgan. 

Mazkur tadbirlarni tinch va osoyishta o‘tkazish uchun viloyat IIB Xavfsiz turizmni ta'minlash boshqarmasi hamda manfaatdor tashkilotlar hamkorligida reja-dastur ishlab chiqilgan bo‘lib, bu boradagi tadbirlar samarali davom etmoqda. Xususan, shahar hududida xavfsiz turizmni ta'minlash maqsadida Toshkent viloyatining Bo‘stonliq tumani tajribasi asosida “Xavfsiz shahar” yagona integratsiyalashgan tizimini ishga tushirish ko‘zda tutilgan. Shu maqsadda shahardagi 122 ta obyektga jami 244 ta zamonaviy kuzatuv kamerasini o‘rnatish ishlari davom etmoqda. Bu yurtimizga tashrif buyurayotgan sayyohlarning xavfsizligini ta'minlash, jinoyat hamda huquqbuzarliklarning barvaqt oldini olishda muhim ahamiyat kasb etadi.

Sabohat SULTONOVA,

katta leytenant.

Xorazm viloyati.