calendar 03 Feb 12:46
eye 58
comments 0
comments Manba: qalampir.uz

Eron razvedkasi 28 mamlakatda “Mossad” josuslari aniqlanganini e’lon qildi

image

Eron Razvedka vazirligi 28 mamlakatda Isroil razvedka xizmati “Mossad” agentlari aniqlanganini e’lon qildi. Bu haqda vazirlik saytida e’lon qilingan hujjatda so‘z boradi.

“Isroil rejimining josuslik tashkilotlariga qarshi eng yirik ko‘p bosqichli razvedka va kontrrazvedka operatsiyasi natijasida ular haqida noyob va misli ko‘rilmagan ma’lumotlar olindi va ulardan darhol foydalanila boshlandi”, deyiladi hujjatda. 

Bildirilishicha, olingan ma’lumotlar tufayli 28 mamlakatda “Mossad” bilan aloqador o‘nlab agentlar aniqlangan. Shuningdek, vazirlik Isroildagi maxfiy harbiy ob’ektlar, qurol zavodlari va strategik fuqarolik infratuzilmasi to‘g‘risidagi ma’lumotlarni olganini da’vo qilmoqda.

Bayonotda qayd etilishicha, Eron poytaxti va mamlakatning bir qancha viloyatlarida bir qator josuslar aniqlangan. Ularning barchasi allaqachon sudga tortilgan yoki Eron razvedka xizmatlari tomonidan nazoratga olingan. Eron fuqaroligiga ega bo‘lgan va xorijda yashovchi Isroil agentlari masalasi esa Razvedka vazirligi va tegishli mamlakatlar razvedka xizmatlari o‘rtasidagi hamkorlik darajasiga qarab hal qilinishi bildirilgan. 

“Eron razvedka ma’lumotlari almashayotgan barcha mamlakatlar o‘z hududida faoliyat yuritayotgan agentlar to‘g‘risida identifikatson ma’lumotlari bilan ta’minlangan va bu davlatlarning xavfsizlik xizmatlari allaqachon zarur choralarni ko‘rgan”, deyiladi xabarda.

Hujjatda keltirilgan ma’lumotlarga ko‘ra, Isroil razvedka xizmatlari odamlar haqida kerakli ma’lumotlarni to‘plash va ularni “Mossad” bilan hamkorlikka jalb qilish uchun kibermakon, ijtimoiy tarmoqlar va rekruting saytlaridan faol foydalanadi. Razvedka vazirligi Isroil agentlari qaysi mamlakatlarda aniqlangani va ularning aniq sonini ochiqlamadi va buni tergov davom etayotgani bilan tushuntirdi.

Eslatib o‘tamiz, 29 yanvar kuni Eronda Isroil foydasiga josuslik qilish va respublika milliy xavfsizligiga putur yetkazish maqsadida terrorchilik guruhi tuzishda ayblangan to‘rt kishi qatl etilgandi. “Mehr” agentligi xabariga ko‘ra, ular “Mossad” tomonidan yollangan.


Doʻstlaringiz bilan ulashing

12 Jul 22:39
 
106
0
qalampir.uz

Yaponiya NATO bilan xavfsizlik sohasida hamkorlikni kengaytirmoqchi

Yaponiya NATO bilan xavfsizlik sohasida hamkorlikni kuchaytirishga intilmoqda. Bu haqda Yaponiya Bosh vaziri Fumio Kisida Vashingtonda alyans Bosh kotibi Yens Stoltenberg bilan qo‘shma matbuot anjumanida ma’lum qildi. Yaponiya dengiz mudofaasi kuchlari Yevroatlantika mintaqasida NATO qo‘shinlari bilan qo‘shma mashg‘ulotlar o‘tkazishni rejalashtirgan. Kisida Yaponiya va NATO "maxfiy razvedka ma’lumotlarini almashish bo‘yicha" hamkorlikni faollashtirayotganini ta’kid

24 Jun 10:08
 
19
0
qalampir.uz

Rossiyada xavfsizlik kuchlari O‘zbekistonning 45 nafar mehnat migrantini qo‘lga oldi (video)

Rossiyada mehnat qilayotgan o‘zbekistonlik 45 nafar mehnat migrantlari ushlandi. Bu haqda Voronej viloyatining politsiya boshqarmasi xabar berdi. Keltirilishicha, viloyat politsiyasi Voronej shahridagi bir nechta qurilish ob’ektlarida migratsiya qonunchiligiga rioya etilishini tekshirish maqsadida reyd o‘tkazgan. Reyd davomida 45 Strelkovaya diviziya ko‘chasida joylashgan ob’ektda O‘zbekistondan borgan mehnat migrantlari qo‘lga olingan.   Voronej politsiyasi tomonidan

11 Jul 15:12
 
186
0
xs.uz

Dmitriy Medvedev Ukraina prezidentini “xudosiz masxaraboz” deb atadi

U Zelenskiyning radikal millatchilar bilan aloqalari va Gʻarbning koʻmagi tinchlik muzokaralariga toʻsiq boʻlayotganini tilga olib, sulhning amalga oshishiga shubha bildirgan va Ukraina prezidentini 'xudosiz masxaraboz', deb atagan.Medvedev AQSH rahbariyatidagi oʻzgarish Ukraina elitasini muzokaralar sari undashi mumkinligini taʼkidlab, ammo bu Rossiyaga foyda keltirishiga shubha qildi. Uning aytishicha, Rossiya faqat Ukraina mojaro natijalarini tan olsa va NATOga aʼzolikni rad etsagina m

10 Jun 15:18
 
21
0
qalampir.uz

Ukraina harbiy samolyoti birinchi marta Rossiyadagi nishonga hujum qildi – OAV 

Kecha, 9 iyun kuni urush boshlanganidan beri birinchi marta Ukraina harbiy samolyoti Rossiyaning xalqaro tan olingan hududi – Belgoroddagi nishonga zarba berdi. Bu haqda Ukrainadagi harbiy manbasiga tayanib, “Sky News” telekanali xabar berdi. Havo hujumi oqibatida Belgorod hududidagi qo‘mondonlik punktiga zarba berilgani aytilmoqda. Biroq ma’lumotlar rasman tasdiqlanmagan. Hujumda qanday qurollar qo‘llangani, xususan, gap G‘arb davlatlari yetkazib bergan raketalar