Kecha, 28 yanvar kuni Eronda bir vaqtning o‘zida uchta sun’iy yo‘ldosh uchirildi. Bu haqda IRNA agentligi xabar berdi.
Humayniy nomidagi kosmodromdan uchirilgan ikki bosqichli “Semurg‘” (Simorgh) raketasi yordamida kosmik kema orbitaga chiqarildi.
Ma’lumotlarga ko‘ra, Eron kosmik tadqiqotlar markazi mutaxassislari tomonidan ishlab chiqilgan va raketa uchirilishining aniqligini sinab ko‘rishga mo‘ljallangan og‘irligi 32 kg bo‘lgan Mahda sun’iy yo‘ldoshi, shuningdek, ikkita eksperimental Keyhan-2 va Hatef-1 nanosun’iy yo‘ldoshi orbitaga chiqarilgan. Nanosun’iy yo‘ldoshlar aloqa va navigatsiya tizimlarini sinab ko‘rish uchun mo‘ljallangan.
Eslatib o‘tamiz, oldinroq Yaponiyaning Mitsubishi Heavy Industries Corporation kompaniyasi Shimoliy Koreya raketalarini uchirishni kuzatish va tabiiy ofatlardan yetkazilgan zararni baholash uchun mo‘ljallangan yangi Optical-8 razvedka sun’iy yo‘ldoshini uchirgandi.