Kuldi hayot, yigʻladi oʻlim.
Sen deb qurbon boʻldi bobolar,
Ular ketdi, sen qolding, tilim.
Belanchaging uzra Koshgʻariy
Kuylab oʻtdi qadim navoni
Va navqiron yaproqlaringga
Dil qonini berdi Navoiy.
Samarqanddan Bobur ketarkan
Dilda boʻgʻib hasrat sasini,
Olib ketdi ona yurtidan,
Turkiy tilim, birgina seni.
Mashrabmas, sen osilding dorga,
Nodiramas, sensan soʻyilgan
Hoziqningmas, sening, ey tilim,
Boshing ayru, koʻzing oʻyilgan.
Ammo dushman oʻldirgan botir
Tirilgandek yana qasosga,
Mangu borsan va mangu qodir
Toʻldirmoqqa yerni ovozga.
Vatan uchun baxsh etib jonni,
Kechib olov, kirib daryoga,
Farzandlaring toʻkkan har qonni
Shimirding sen oʻxshab giyohga.
Ona tilim, omon boʻl mangu,
Sen borsanki men ham oʻlmayman,
Tildan qolsam, seni Oybekday
Men koʻzlarim bilan soʻylayman.
SHOIRNING ONASI
Ona kelib olis qishloqdan
Oʻgʻli bilan yashay boshladi
Va dasturxon yozilgan choqda
Shirmoy nonning chetin tishladi.
Yuvib berdi bir bozor kirni,
Suvlar quydi soʻlgan gullarga.
Nevaralar bogʻchadan qaytgach,
Ertak aytib berdi ularga.
Avaylardi xonadon tinchin,
Suygan oʻgʻli uyning burchida,
Qogʻoz uzra egilgancha jim
Sheʼr yozgan payt tutun ichida.
Qadam bosib xavotir bilan,
Qoʻrqar edi nafas olishga.
Tunlar xurrak tortmay deya u
Bosh qoʻyardi tongda bolishga.
Ammo bir kun mazasi qochib,
Koʻz oldida yorugʻlik soʻndi.
Qoʻllaridan tushib ketdiyu,
Chil-chil boʻlib piyola sindi.
Oʻsha zahot hushiga qaytdi,
Chayqalardi oʻngida olam.
U yugurib chiqqan oʻgʻliga
Shivirladi: 'Ketaymi, bolam?'
OTA
Derazamning ostida tongda
Sayragan qush sizmasmi, ota?
Yo toʻnimga koʻklam, mozorda
Yopishgan gul sizmasmi, ota?
Oʻn yildir-ki dunyoda yoʻqsiz,
Yuragimda alamli choʻgʻsiz.
Koʻrmagansiz mening oʻgʻlimni,
Erkatoyim, shoʻxim, toʻqlimni.
Men ham yoshim oshgani sayin
Boshimga oq tushgani sayin
Baʼzan qoʻmsab sizni ich-ichdan,
Yurak titrab sogʻinch,ilinjdan,
Otam deya, alqab oʻgʻlimni,
Koʻtaraman oʻzim koʻnglimni.
QALBDAGI TUG‘YON
Uchtepa tumani IIofmb PPX inspektori, safdor Jahongir Tog‘ayev Qashqadaryo viloyati Shahrisabz tumanida tug‘ilgan. Hozirgi kunda Profi universitetining 4-kurs talabasi. Yoshligidan adabiyotga havas qo‘ygan, bo‘sh vaqtlarida ko‘plab kitoblar mutolaa qilgan qahramonimiz maktab davrlaridayoq she’r yozishni mashq qila boshlagan. Havaskor yosh ijodkorning ijodiy ishlari respublika nashrlarida ham chop etilgan. U o‘zining ilk she’riy to‘plamini taqdim etish arafasida.
KELAJAK YARATUVCHILARI
Ma’naviyat va ma’rifat darsi(1-oktabr – O‘qituvchi va murabbiylar kuni)Biz xalqimizning eng katta boyligini – millionlab farzandlarimiz, jondan aziz o‘g‘il-qizlarimizning taqdirini, O‘zbekiston istiqbolini sizlarga ishonib topshirganmiz. Va bu vazifani mas’uliyat bilan ado etib kelayotgan sizlar kabi fidoyi insonlar, kelajak bunyodkorlariga har qancha tahsin va tasannolar aytsak, arziydi.Shavkat MIRZIYOYEV Har qanday mamlakatning ertangi kuni, kelajagi ta’limga qaratilay
Xalqchil va dilbar shoir yodi hamisha qalblarda
Rahmatjon BOBOJONOV/'Xalq soʻzi'. Poytaxtimizdagi 'Turkiston' sanʼat saroyida xalqimizning suyukli farzandi, sheʼr-u bitiklari 'qanotli qoʻshiq'larga aylangan ijodkor, Oʻzbekiston xalq shoiri Muhammad Yusuf tavalludining 70-yilligiga bagʻishlangan xotira kechasi boʻlib oʻtdi.Unda shoirning oila aʼzolari, yaqinlari, doʻstlari va shogirdlari, yozuvchi-shoirlar, sanʼat namoyandalari, talaba yoshlar hamda keng jamoatchilik vakillari ishtirok etdi.Nazm-u navo kechasidan avval qatnashchilar
Xalqchil va dilbar shoir yodi hamisha qalblarda
Rahmatjon BOBOJONOV/'Xalq soʻzi'. Poytaxtimizdagi 'Turkiston' sanʼat saroyida xalqimizning suyukli farzandi, sheʼr-u bitiklari 'qanotli qoʻshiq'larga aylangan ijodkor, Oʻzbekiston xalq shoiri Muhammad Yusuf tavalludining 70-yilligiga bagʻishlangan xotira kechasi boʻlib oʻtdi.Unda shoirning oila aʼzolari, yaqinlari, doʻstlari va shogirdlari, yozuvchi-shoirlar, sanʼat namoyandalari, talaba yoshlar hamda keng jamoatchilik vakillari ishtirok etdi.Nazm-u navo kechasidan avval qatnashchilar