London va Vashington oʻz tajovuzkorligidan pushaymon boʻladi — husiylar Siyosiy byurosi aʼzosi Xuzam al-Assad
![image image](https://xs.uz/upload/post/2024/01/12/0560022513e0b844ffb29f0a1279fe4d0112.jpg)
'Amerika nishonlari nima boʻlgani haqida maʼlumotga ega emasman, ammo raketalar va qurollarimizga hech qanday zarar yetkazilmagan. Men buni ularni yoʻq qilish qiyin boʻlgan yaxshi himoyalangan joylarda joylashgani bilan bogʻlayman', ' deydi Buhayti.
Unga koʻra, yamanlik husiylar agressiyaga javoban ushbu davlatlar bilan bogʻliq kemalarga zarba beradi.
Shu oʻrinda Al-Buhayti Vashington va Londonning Yamanga havo hujumlari sabablari AQSH prezidenti Jo Bayden va Britaniya Bosh vaziri Rishi Sunakning saylovoldi ehtiyojlari bilan bogʻliq, deya taxmin qildi.
Pentagon matbuot kotibi Patrik Rayderning soʻzlariga koʻra, Qoʻshma Shtatlar, dastlabki baholashlarga koʻra, husiylar nishonlariga zarbalar berish natijasida 'yaxshi samaraga' erishgan.
Qizil dengizdagi vaziyatning keskinlashishi
Oʻtgan yilning noyabr oyi oʻrtalarida Yamanning shimolini boshqarayotgan 'Ansor Alloh' Gʻazo sektoridagi falastinliklarni qoʻllab-quvvatlab, Qizil dengizdagi Isroil bilan bogʻliq har qanday kemalarga hujum qilish bilan tahdid qilgan va boshqa davlatlarni oʻz ekipajlarini qaytarishga chaqirgan edi.
Xususan, 19-noyabr kuni husiylar 22 nafar ekipaj aʼzosi boʻlgan 'Galaxy Leader' tankerini qoʻlga oldi. 'Ansor Alloh' tomonidan maʼlum qilinishicha, kema Bagama orollarida bayroq ostida harakatlanadi va yapon kompaniyasi tomonidan boshqariladi. Biroq u yahudiy davlatiga avtomobil yetkazib beruvchi taniqli isroillik tadbirkorga tegishli. Bundan tashqari, husiylar dronlar bilan yana bir qancha kemalarga hujum qilishgan.
Husiylarning harakatlaridan soʻng baʼzi yuk tashish kompaniyalari Suvaysh kanali orqali yuk olib oʻtishni, 'BP' va 'Equinor' energetika kompaniyalari esa Qizil dengiz orqali neft mahsulotlarini tankerlar orqali tashishni toʻxtatdi.
Qoʻshma Shtatlar, oʻz navbatida, Qizil dengizdagi kemalarni himoya qilish uchun yana oʻn davlat bilan qoʻshma operatsiyani eʼlon qildi. Bunga javoban 'Ansor Alloh' ushbu koalitsiyada ishtirok etuvchi davlatlar kemalariga hujum qilish huquqini oʻzida saqlab qolish bilan tahdid qildi. Qizil dengizda husiylar va AQSH harbiylari oʻrtasida bir necha bor toʻqnashuvlar sodir boʻlgan.
AQSH va Buyuk Britaniyaning husiylarga qarshi zarbalari
Juma kuni kechqurun AQSH va Buyuk Britaniya Yamanning toʻrt viloyatidagi nishonlarga havodan zarbalar berib, 'Ansor Alloh' harakatiga qarshi operatsiya boshladi. Prezident Jo Bayden buni navigatsiya erkinligiga tahdidga javob deb atadi, ammo keyingi harbiy harakatlarni istisno qilmadi.
AQSH Markaziy qoʻmondonligidagi havo kuchlari qoʻmondoni Aleks Grinkevichning aniqlik kiritishicha, AQSH harbiy-havo kuchlari 100 dan ortiq har xil turdagi aniq boshqariladigan oʻq-dorilardan foydalangan holda 60 dan ortiq harakatdagi obyektlarga hujum qilgan.
Husiylar qurolli kuchlari vakili Yahyo Sariyaning aytishicha, AQSH va Buyuk Britaniya poytaxt Sana hamda Hodeyda, Taiz, Hajja va Saada viloyatlariga 73-marta zarba bergan. Hujum oqibatida besh nafar harakat jangchisi halok boʻldi, yana olti nafari yaralangan.
Husiylar Amerika va Britaniya harbiy bazalari va inshootlariga javob zarbalari berganliklarini aytishdi hamda raketa hujumi natijasida Qizil dengizda AQSH harbiy kemasini choʻktirishga muvaffaq boʻlganliklarini daʼvo qilishdi.
Shu bilan birga, 'Ansor Alloh' harakati Siyosiy byurosi aʼzosi Xuzam al-Assadning qoʻshimcha qilishicha, husiylar London va Vashingtonning harakatlariga javob berishadi va ular 'oʻz tajovuzkorligidan pushaymon boʻladi'.
Qozog‘istonda mast holda avtomobil boshqargan imom 15 sutkaga qamaldi
Qozog‘istonda avtotransport vositasini mast holda boshqargan Qo‘stanay viloyati Bosh imomi Baxitbek Tajimbet 15 sutkaga qamaldi. Bu haqda mamlakat Musulmonlar diniy boshqarmasi xabar berdi. Ma’lum qilinishicha, joriy yilning 23 iyul kuni Baxitbek Tajimbet Oqmo‘la viloyatining Burabay qishlog‘idagi tungi klublardan birining yonida Toyota Highlander rusumli avtomashinani mast holatda haydab ketayotganda to‘xtatib qolingan. “Huquqiy normalar va odob-axloq qoidalarini qo‘
Donald Trampga suiqasd uyushtirildi
AQSHning sobiq prezidenti Donald Trampga suiqasd uyushtirildi.Hodisa u Pensilvaniyada oʻz tarafdorlari bilan uchrashuv vaqtida yuz bergan. Tramp qulogʻidan yaralangan va xavfsizlik xizmati xodimlari qurshovida voqea joyini tark etgan.AQSH prezidentligiga nomzodning matbuot kotibi Stiven Chunning maʼlum qilishicha, siyosatchi Pensilvaniya shtatidagi kasalxonada tibbiy koʻrikdan oʻtgan. Keyinroq maʼlum boʻlishicha, Tramp oʻng qulogʻidan yaralangan va koʻp qon yoʻqotgan.'BNO News' portal
Turkiya Liviya va Qorabog‘ga kirgani kabi Isroilga ham kirishi mumkin – Erdo‘g‘an
Prezident Rajab Toyib Erdo‘g‘an Turkiya bir paytlar Qorabog‘ va Liviyaga kirganidek, Isroilga ham kirishi mumkinligini aytdi. Bu haqda u kecha, 28 iyul kuni Rizo viloyatidagi hukmron partiya qarorgohida bo‘lib o‘tgan yig‘ilishda so‘z ochdi. Erdo‘g‘an, birinchi navbatda, Turkiya mudofaa sanoati yutuqlarini qayd etgan, ammo uning fikricha, agar ular muhimroq bo‘lganida, Isroil “Falastinga qilgan ishni qilmagan bo‘lardi”. Turkiya yetakchisi Isroilga kirma
Ukrainaning Rossiyaga zarbasi va Isroilning yerosti kasalxonasi shaylantirilmoqda (+video)
Isroil moliya vaziri Gʻazodagi odamlarni ochlikdan oʻldirish 'adolatli va axloqiy' ish ekanligini bildirdiIsroil moliya vaziri Bezalel Smotrich Gʻazo haqidagi soʻnggi izohlari uchun xalqaro tanqidga uchradi. Smotrich HAMAS tomonidan garovga olinganlarni ozod qilish uchun Gʻazodagi odamlarni ochlikdan oʻldirish 'adolatli va axloqiy' boʻlishini bildirgan.Isroil rasmiysining soʻzlari Yevropa Ittifoqi, Fransiya va Buyuk Britaniyaning noroziligiga sabab boʻldi va ular Isroil hukumatini Moliy