calendar 10 Jan 20:30
eye 57
comments 0
comments Manba: xs.uz

Qoraqalpogʻiston Respublikasini iqtisodiy rivojlantirish va ish oʻrinlarini koʻpaytirish choralari muhokama qilindi

image
Davlatimiz tomonidan Qoraqalpogʻiston iqtisodiyotini koʻtarishga, odamlarning turmush sifatini yaxshilashga alohida eʼtibor qaratib kelinmoqda. Soʻnggi yetti yilda hududda misli koʻrilmagan oʻzgarishlar roʻy berdi. Avvallari 15 ta tumandan 12 tasi dotatsiyada boʻlgan Qoraqalpogʻiston bugungi kunga kelib, oʻz daromadiga ega boʻlgan hududga aylandi. Xususan, 15 trillion soʻm investitsiya hisobiga 5 ming 300 dan ziyod loyiha amalga oshirildi. Orol dengizining qurigan hududi oʻrnida 1 million 800 ming gektar yashil oʻrmonzor barpo etildi. 51 ming oilaning uy-joy sharoiti yaxshilandi, 401 ta mahallada qurilish-taʼmirlash ishlari bajarildi. Aholining turmush darajasi oshdi.

Qoraqalpogʻistonda biznes yuritish uchun boshqa hech bir hududga berilmagan imtiyozu imkoniyatlar taqdim etilgan. Xususan, jozibador biznes muhiti va hudud aholisiga qoʻshimcha qulaylik yaratish maqsadida foyda, aylanmadan soliq, yer va mol-mulk soliqlari 2 baravar pasaytirilgan, ijtimoiy soliq 1 foiz qilib belgilangan. Natijada tadbirkorlar ixtiyorida yiliga 500 milliard soʻm qolmoqda.

Bu ishlarni yangi bosqichga koʻtarish maqsadida soʻnggi ikki yilda Qoraqalpogʻistonda sanoat, qishloq xoʻjaligi va tadbirkorlikni rivojlantirish, mahallalar infratuzilmasini yaxshilashga doir 7 ta farmon va qaror qabul qilindi. Bu maqsadlar uchun 400 million AQSH dollari va 250 milliard soʻm ajratildi.

Iqtisodiyot tarmoqlari va viloyatlar bilan hamkorlikda Orolboʻyining shahar va tumanlarida koʻplab loyihalar amalga oshirilmoqda.

Yigʻilishda 2023-yilda qilingan ishlar koʻrib chiqilib, 2024-yilga moʻljallangan vazifalar muhokama qilindi.

Bugungi kunda Qoraqalpogʻiston aholisi 2 million nafardan oshdi. Har yili mehnat bozoriga 50 ming aholi kirib keladi. Davlatimiz rahbari ularni zamonaviy kasb-hunarlarga oʻqitib, daromadli ish va munosib yashash sharoitlari bilan taʼminlash kerakligiga eʼtibor qaratdi.

Shu maqsadda joriy yilda ham keng koʻlamli ishlar koʻzda tutilgan. Xususan, sanoat hajmi 23 trillion soʻmga yetkazilib, 2 trillion soʻmlik yangi quvvatlar yaratiladi. Toʻqimachilik, elektrotexnika, farmatsevtika, qurilish materiallari tarmoqlarida 5 trillion soʻmlik 24 ta yirik loyiha ishga tushiriladi.

2024-yilda hududga 2 milliard 100 million dollar xorijiy investitsiya jalb etilishi moʻljallangan. Buning evaziga sanoatda 206 ta, xizmat koʻrsatish sohasida 240 ta, qishloq xoʻjaligida 34 ta investitsiya loyihasi amalga oshiriladi. Ularda 13 mingga yaqin yuqori daromadli ish oʻrni ochiladi.

Qoraqalpogʻistonda ishlab chiqarish, qishloq xoʻjaligi, turizm va boshqa xizmatlar izchil rivojlanmoqda. Imkoniyatlardan samarali foydalanib, joriy yilda eksport hajmini 160 million dollarga yetkazish maqsad qilingan.

Qishloq xoʻjaligida yer unumdorligini oshirish uchun xorijiy grant jalb qilinadi. 6 ming gektar yerga suv tejovchi texnologiya joriy qilinib, 31 ming gektar lazerli tekislanadi.

Mahallalar infratuzilmasi va xonadonlar taʼmirlanadi. Yuqori texnologik tibbiy xizmatga muhtoj bemorlar davolanishiga 2,3 milliard soʻm yoʻnaltiriladi.

Shu bilan birga, fuqarolar tashabbusi asosidagi loyihalarga 182 milliard soʻm, yil davomida mahalliy byudjetdan yana 40 milliard soʻm ajratiladi. Kichik va oʻrta biznesni qoʻllab-quvvatlash dasturlari doirasidagi loyihalarga 10 trillion soʻm beriladi.

Prezidentimiz yangi ish oʻrinlari yaratish boʻyicha rejalar mavjud salohiyatga mos emasligini taʼkidlab, bu boradagi qoʻshimcha imkoniyatlarni koʻrsatib oʻtdi.

Masalan, 51 ta sanoat zonasida 775 milliard soʻmlik 71 ta loyihani boshlab, 1 mingta ish oʻrni yaratsa boʻladi. Yoki 10 ming gektar boʻsh yerni savdoga chiqarib, 20 mingta tadbirkorni jalb qilish mumkin. Bu 50 ming ish oʻrni, degani. Shuningdek, noruda konlarga sanoatni olib kirib, 7,5 trillion soʻmlik loyihalar hisobiga 10 ming aholini band qilish mumkin.

Davlatimiz rahbari bu boradagi katta imkoniyatlardan biri turizm ekanini taʼkidladi. Qoraqalpogʻistonda turizmni, ayniqsa, uning eko, etno, ziyorat yoʻnalishlarini rivojlantirish boʻyicha dastur ishlab chiqish, turizm klasteri tashkil etish va sohaga xorijiy ekspertlarni jalb qilish yuzasidan topshiriq berildi. Nukus aeroportini rivojlantirish va aviaqatnovlarni koʻpaytirish, yangi mehmonxonalar qurish, muzeylarni modernizatsiya qilish, yoʻl boʻyi xizmatlarini kengaytirish vazifalari koʻrsatib oʻtildi.

Germaniya, Janubiy Koreya, Yaponiya va Turkiyadan mutaxassislarni taklif etib, yoshlarni chet tili, axborot texnologiyalari, dizayn, mehmonxona xizmati kabi 17 turdagi zamonaviy kasblarga oʻqitish muhimligi taʼkidlandi.

Mutasaddilar Qoraqalpogʻistonni ishsizlikdan xoli hududga aylantirish uchun barcha imkoniyatlar borligini qayd etib, bu boradagi chora-tadbirlarni belgilab oldi.


Doʻstlaringiz bilan ulashing

11 Apr 20:33
 
65
0
qalampir.uz

Baxtiyor Saidov Lukashenkoga Mirziyoyevning salomini yetkazdi

O‘zbekiston Tashqi ishlar vaziri Baxtiyor Saidov bugun, 11 aprel kuni Minskda Belarus fuqarosi Aleksandr Lukashenko bilan uchrashdi. Bu haqda “Belta” xabar berdi.  Lukashenko Toshkentga yaqinda amalga oshirgan rasmiy tashrifi chog‘ida O‘zbekiston tomoni ko‘rsatgan mehmondo‘stlik uchun Baxtiyor Saidovga minnatdorlik bildirdi, shuningdek, O‘zbekiston rahbari Shavkat Mirziyoyevga o‘zining ezgu tilaklari va minnatdorliklarini yetkazdi. “O‘shanda biz

07 Mar 20:13
 
52
0
xs.uz

Shavkat Mirziyoyev 8-mart – Xalqaro xotin-qizlar kuni munosabati bilan bir guruh xotin-qizlarni davlat mukofotlari bilan taqdirladi

8-mart ' Xalqaro xotin-qizlar kuni munosabati bilan mukofotlash toʻgʻrisidaOʻzbekiston Respublikasi Prezidentining FarmoniMamlakatimizda moʻtabar ayol zotiga ulkan ehtirom koʻrsatish, davlat va jamiyat hayotida tutgan oʻrni va nufuzini oshirish, shuningdek, oʻzining samarali mehnati, boy tajribasi bilan yurtimizda olib borilayotgan keng koʻlamli islohotlar jarayonida faol qatnashib, Yangi Oʻzbekistonni barpo etish, xalqimiz farovonligini yuksaltirish yoʻlida tashabbus va ibrat koʻrsat

11 Apr 13:59
 
52
0
qalampir.uz

Bosh vazir Gruziya Parlamenti raisini qabul qildi

O‘zbekiston Respublikasi Bosh vaziri Abdulla Aripov Gruziya Parlamenti raisi Shalva Papuashvili boshchiligidagi delegatsiyani qabul qildi. Bu haqda Bosh vazir matbuot xizmati xabar berdi. Qayd etilishicha, bugun,  8 aprel kuni Vazirlar Mahkamasida O‘zbekiston Respublikasi Bosh vaziri Abdulla Aripov Gruziya delegatsiyasi bilan o‘tkazgan uchrashuvda mamlakatlar o‘rtasidagi munosabatlar, ko‘p asrlik do‘stlik va o‘zaro hurmat tamoyillari asosida jadal rivojlanib borayotgani, ik

14 Mar 07:22
 
37
0
xs.uz

Tanzila Norboyeva BMT Ayollar holati boʻyicha komissiyasining 68-sessiyasida qator tashabbuslarni ilgari surdi

Maʼlumot oʻrnida taʼkidlash lozim, Komissiya BMT Iqtisodiy va ijtimoiy kengashining ishchi organi boʻlib, xotin-qizlarning huquqlarini himoya qilish va ilgari surish boʻyicha xalqaro standartlarni hamda ularning bajarilishi yuzasidan takliflarni ishlab chiqish bilan shugʻullanadi.Bu yilgi sessiyada kambagʻallikni bartaraf etish, institutlar salohiyati va moliyalashtirishni kuchaytirish orqali gender tengligiga erishish va barcha xotin-qizlar imkoniyatlarini kengaytirish, bu borada Pekin d