calendar 10 Jan 16:15
eye 80
comments 0
comments Manba: qalampir.uz

Netanyaxu G‘azoni falastinliklardan tozalamaslikka so‘z berdi – Blinken

image

Isroil Bosh vaziri Binyamin Netanyaxu muzokaralarda AQSH Davlat kotibi Entoni Blinkenni yahudiy davlati hukumati falastinliklarni G‘azo sektoridan majburan chiqarib yubormasligiga ishontirdi. Bu haqda Amerika diplomatiyasi rahbari kecha, 9 yanvar kuni Tel-Avivdagi matbuot anjumanida ma’lum qildi.

“Falastinlik tinch aholi imkon bo‘lishi bilan uylariga qaytishlari kerak. Ular G‘azodan chiqib ketishga majbur qilinmasligi lozim. Bosh vazirga aytganimdek, Qo‘shma Shtatlar falastinliklarni G‘azodan tashqariga joylashtirish bo‘yicha har qanday taklifni so‘zsiz rad etadi”, deydi Blinken.

Shuningdek, Blinkendan yahudiy davlatining Falastin soliq daromadini ushlab qolishiga izoh berishi so‘ralgan. U esa Isroil hukumati Falastin byudjeti uchun mo‘ljallangan soliq tushumlarini ushlab qolishni bas qilishi kerakligini aytgan.

“Falastin ma’muriyatining daromadiga kelsak, bu ularning puli. Ular o‘z haqini muntazam ravishda olishlari kerak”, degan Amerika diplomatiyasi rahbari.

Davlat kotibining so‘zlariga ko‘ra, Falastin o‘zining muhim xizmatlarini, jumladan, G‘arbiy Sohildagi muhim ishlarni bajaradigan xodimlariga, xususan, xavfsizlik kuchlariga haq to‘lashi kerak. 

“Ular G‘arbiy Sohilda tinchlik, xavfsizlik va barqarorlikni saqlashga harakat qilishda juda muhim rol o‘ynaydi, bu Isroilning manfaatlariga juda mos keladi. Shuning uchun biz bu daromadlar ularga qaytarilishi va Isroil uchun muhim bo‘lgan narsalarga ishlatilishi kerakligiga ishonamiz”, dedi Blinken. 

Uning so‘zlariga ko‘ra, G‘azo sektorini boshqarish va mojaro tugaganidan keyin anklavni tiklash uchun “odamlarga pul to‘lash kerak”.

Qayd etish joizki, Falastin Prezidenti Mahmud Abbos 2023 yil 15 dekabr kuni Ramallohda AQSH Prezidentining milliy xavfsizlik bo‘yicha yordamchisi Jeyk Sallivan bilan uchrashuvda Isroil Falastin byudjeti ololmayotgan soliq tushumlarini blokdan chiqarishi kerakligini aytgan. Abbos aniq miqdorni ochiqlamagan. Falastin rasmiylari Isroilning bu masaladagi yondashuvini “qaroqchilik va Falastin xalqini jamoaviy jazolash” deb atagan.

Ma’lumot uchun, Blinken G‘azoda urush boshlanganidan beri mintaqaga to‘rtinchi safari davomida Turkiya, Gretsiya, Iordaniya, Qatar, BAA va Saudiya Arabistonida bo‘lgandi. Bundan tashqari, Blinken G‘arbiy Sohilga ham borishni rejalashtirgan. Uning Yaqin Sharqqa safari esa Misrga tashrif bilan yakunlanadi.

Blinken Isroilga safari avvalida Tashqi ishlar vaziri Israel Kats, Prezident Isxak Gersog va Bosh vazir Binyamin Netanyaxu bilan gaplashdi. Blinken Isroil TIV rahbari bilan uchrashuvda G‘azodagi urushdan keyin yahudiy davlati Yaqin Sharq mintaqasi mamlakatlari bilan munosabatlarini yaxshilashi mumkinligini aytdi. Isroil Prezidenti esa Blinkenga Janubiy Afrikaning Isroilni “Genotsid jinoyatining oldini olish va jazolash to‘g‘risidagi konvensiya“ni buzganlikda ayblab, Gaagadagi Xalqaro Sudga bergan da’vosini ”dahshatli va kulgili” deb bilishini aytdi.

Eslatib o‘tamiz, avvalroq Isroilning o‘ta o‘ngchi Milliy xavfsizlik vaziri Itamar Ben-Gvir va Moliya vaziri Betsalel Smotrich “G‘azo aholisining mintaqadan ixtiyoriy migratsiyasini qo‘llab-quvvatlashini” aytgan edi. Ikki vazirning bu kabi bayonotlari AQSH, Buyuk Britaniya, Fransiya, Germaniya, Saudiya Arabistoni, BMT va Yevropa Ittifoqi kabi dunyoning ko‘plab davlatlarida norozilik uyg‘otdi. Fransiya Prezidenti Emmanuel Makron esa Isroilni “ayniqsa Livanda” keskinlashuvdan qochishga chaqirgandi.


Doʻstlaringiz bilan ulashing

11 Apr 13:56
 
39
0
qalampir.uz

Makkada qirg‘izistonlik ziyoratchilar uchun bepul mehmonxona qurilmoqda

Saudiya Arabistonining Makka shahrida qirg‘izistonlik ziyoratchilar uchun bepul mehmonxona qurilishi boshlandi. Bu haqda Qirg‘iziston Prezidenti administratsiyasi axborot siyosati xizmati rahbari Dayirbek O‘runbekov ijtimoiy tarmoqdagi sahifasida xalqni Ramazon hayiti bilan tabriklash asnosida ma’lum qildi. O‘rinbekov mamlakat rahbari Sadir Japarov ko‘magida Makka shahrida tahsil olayotgan va ziyorat qilayotgan Qirg‘iziston fuqarolari bepul foydalanishi mumkin bo‘lgan mehmonxo

11 Apr 13:56
 
57
0
qalampir.uz

AQSH Ukrainaga husiylar uchun mo‘ljallangan qurollarni topshirdi

Amerika Qo‘shma Shtatlari Ukraina Qurolli kuchlariga Yamandagi husiylarga olib ketilayotgan kemalardan tortib olingan qurol-yarog‘larni topshirdi. Bu haqda AQSH Markaziy qo‘mondonligi (CENTCOM) ma’lum qildi. “2024 yil 4 aprelda AQSH hukumati Ukraina Qurolli kuchlariga 5 mingdan ortiq AK-47, pulemyotlar, snayper miltiqlari, RPG-7 va 500 mingdan ortiq 7,62 mm kalibrli o‘qlarni topshirdi”, deyiladi CENTCOM’ning X’dagi sahifasida. Qayd etilishicha, AQSH hu

11 Apr 13:56
 
31
0
qalampir.uz

Armaniston TIV rahbari Minskdagi MDH yig‘ilishiga bormaydi

Armaniston Tashqi ishlar vaziri Ararat Mirzoyan Minskda bo‘lib o‘tadigan MDH Tashqi ishlar vazirlari kengashi yig‘ilishida ishtirok etmaydi. Bu haqda Armaniston TIV matbuot kotibi Ani Badalyan ma’lum qildi. “Armaniston Tashqi ishlar vaziri Ararat Mirzoyan 12 aprel kuni Minskda bo‘lib o‘tadigan MDHga a’zo davlatlar Tashqi ishlar vazirlari kengashi yig‘ilishida ishtirok etmaydi”, degan Badalyan “Armenpress” agentligi so‘roviga javoban.  Biro

11 Apr 13:56
 
27
0
qalampir.uz

Si Szinpin Pekinda Lavrovni qabul qildi

Xitoy rahbari Si Szinpin Pekinga tashrif buyurgan Rossiya Tashqi ishlar vaziri Sergey Lavrovni qabul qildi. Bu haqda Rossiya TIV xabar berdi. “Biz o‘tgan yillar davomida, ayniqsa, sizning rahbarligingizda so‘nggi o‘n yillikda erishgan muvaffaqiyatlaringizni yuksak qadrlaymiz va hayratda qolamiz. Biz bu muvaffaqiyatlardan chin dildan mamnunmiz, chunki bu do‘stlarning muvaffaqiyati. Biroq dunyoda hamma ham bunday munosabatda emas va ular Xitoyning rivojlanishini to‘xtatish uch