Fransiyalik hujumchi Kilian Mbappe PSJga o‘tsa, “Real Madrid” o‘zining yulduz futbolchilaridan biri bilan xayrlashishiga to‘g‘ri keladi. Bu haqda futbol jurnalisti Eduardo Inda o‘z X sahifasida ma’lum qildi.

“Agar Mbappe kelsa, kimdir “Real”ni tark etishi kerak, chunki klub pul topishiga to‘g‘ri keladi. “Real Madrid” kimnidir sotishi kerak, chunki kuchli futbolchilarni bitta pozitsiyada yig‘ilib qolishi klub uchun moliyaviy zarar keltiradi. Gap Vinisius haqida ketmoqda. Mbappening pozitsiyasida eng ko‘p maosh oladigan futbolchi aynan braziliyalik Vinisius hisoblanadi”, deydi Inda. 

Joriy mavsumda Vinisius Junior “qaymoqranglilar” safida 14 ta o‘yinda maydonga tushib, 6 ta gol urdi va 4 ta golli uzatmani amalga oshirdi. Braziliyalik futbolchining “Real” bilan shartnomasi 2027 yilning yozida yakuniga yetadi. “Transfermarkt” internet portaliga ko‘ra, hujumchining taxminiy narxi 150 million yevroni tashkil qiladi.