Umummilliy imtihondan insholar tanlovigacha: Konstitutsiya bayramiga qanday tayyorgarlik koʻrilmoqda?
![image image](https://xs.uz/upload/thumb/medium/9fe4b6c9a10674882a3508de23360c051129.jpg)
![](https://xs.uz/upload/post/pardaeva/2023/%D0%BD%D0%BE%D1%8F%D0%B1%D1%80%D1%8C/9fe4b6c9a10674882a3508de23360c051129.jpg)
Adliya vazirligi tomonidan “Aholiga qabul qilinayotgan qonunchilik hujjatlarining mazmun-mohiyatini yetkazish va Konstitutsiya kuni arafasida tashkil etilayotgan tadbirlar” mavzuida matbuot anjumani tashkil qilindi.
Tadbirda Konstitutsiya bayrami arafasida Adliya vazirligi tomonidan aholi uchun tashkil qilinayotgan tadbirlar haqida batafsil maʼlumot berildi.
Xususan, aholining Konstitutsiyaviy bilimlarini oshirishga boʻlgan qiziqishlarini ragʻbatlantirish maqsadida 2 bosqichli Umummilliy Konstitutsiya imtihoni oʻtkazilmoqda. Imtihonda ishtirok etish ixtiyoriy, hozirgi maʼlumotlarga koʻra 170 mingdan ortiq fuqarolar test uchun roʻyxatdan oʻtgan.
Imtihon 3 toifa aholi oʻrtasida, bular yuristlar, oʻquvchi-yoshlar va boshqa aholi qatlami uchun alohida-alohida 1-bosqich test shaklida, 2-bosqich suhbat shaklida oʻtkazilmoqda.
Maktab oʻquvchilari oʻrtasida “Konstitutsiya huquqlarim poydevori” mavzusida “tuman-viloyat-respublika” bosqichlarida insholar koʻrik-tanlovi tashkil qilinmoqda.
“Adliya huquqiy marshi” shiori ostida 5-dekabr kuni Shayxontohur tuman adliya boʻlimidan boshlanib Sayilgoh koʻchasida yakunlanadigan huquqiy aksiya oʻtkaziladi. Huquqiy marsh davomida aholiga turli sayyor xizmatlar koʻrsatish, bepul huquqiy yordam va maslahat berish hamda Sayilgoh koʻchasida koʻngilochar va sovrinli tadbirlar tashkil qilish rejalashtirilgan.
Konstitutsiyaning barcha aholi qatlamiga yetib borishini taʼminlash maqsadida Konstitutsiya kitobi bilan bir qatorda nogironligi boʻlgan shaxslar uchun moʻljallangan brayl alifbosidagi Konstitutsiya ham chop etilmoqda.
Adliya vazirligi tomonidan aholiga qabul qilinayotgan qonun hujjatlari mazmunini yetkazish, aholining huquqiy ong va huquqiy madaniyatini oshirish borasida qator ishlar amalga oshirilmoqda, shuningdek veb-resurslar – turli saytlar, telegram kanal va ijtimoiy tarmoqlarda maxsus sahifalar yuritib kelinmoqda.
Xususan, “Huquqiy axborot” telegram kanalida umumiy hisobda 350 ming obunachi mavjud va bugungi kunda qonunchilikdagi yangiliklarni tezkor yetkazish boʻyicha asosiy manbalardan biri hisoblanadi.
Oʻz-oʻziga huquqiy xizmat koʻrsatish – “Legal Tech” axborot tizimi ishga tushirilgan. “Legal Tech” elektron axborot tizimi kichik va oʻrta biznes vakillari, aholining kam taʼminlangan qatlamlariga, shuningdek boshqa fuqaro va tashkilotlarga yuristlar (advokat) ishtirokisiz huquqiy hujjatlarni avtomatlashtirilgan holda elektron shaklda tayyorlash imkoniyatini beradi.
Hozirda tizimda huquqiy va boshqaruvga oid 1 300 ga yaqin hujjat namunasi joylashtirilgan. Tizimdagi namunalar qonunchilikka kiritiladigan oʻzgartirishlardan kelib chiqib nazorat holatida yuritib kelinmoqda. Natijada tizimdan foydalanish 2.4. barobarga ortib, 2023-yilning 10 oyida 986.7 mingni (2022-yil 10-oyida 407.5 ming) tashkil qilgan.
kurslar.huquqiyportal.uz portali oʻz huquqiy savodxonligini oshirish istagida boʻlgan barcha fuqarolar bepul kurslarda oʻqishi mumkin. Bugungi kunda portalga joylashtirilgan kurslar soni 20 tani tashkil etib, foydalanuvchilar soni 22 mingdan ortiq.
Mirziyoyev Ursula fon der Lyayenni tabrikladi
Prezident Shavkat Mirziyoyev Yevrokomissiya rahbari Ursula fon der Lyayenni ushbu lavozimga qayta saylangani bilan tabrikladi. Bu haqda Prezident matbuot xizmati xabar berdi. Mirziyoyev o‘z maktubida so‘nggi yillarda O‘zbekistonning Yevropa Ittifoqi bilan keng qamrovli munosabatlarini sifat va mazmun jihatidan mutlaqo yangi bosqichga ko‘tarishda, respublikadagi ortga qaytmas tus olgan demokratik va iqtisodiy-ijtimoiy islohotlarni har tomonlama qo‘llab-quvvatlashda Yevrokomissiya rah
Andijondagi noqonuniy mayning-ferma davlat va jamiyat manfaatlariga 133,2 million soʻm zarar yetkazdi
Bosh prokuratura huzuridagi Departamentning Andijon tuman boʻlimi tumanda 'Mayning ferma' tashkil etgan xonadonni aniqladi. Bu haqda Departamentning matbuot xizmati maʼlum qildi.Maʼlum boʻlishicha, Departament va ETK xodimlari hamkorligida oʻtkazilgan tezkor tadbirda fuqaro Oʻ.A. va boshqalar oʻzaro til biriktirib, 'Qoraqalpoq' MFYdagi xonadonida 14 ta toʻplamdagi 'Bitmain' mayning kripo-aktivlari qurilmalarini umumiy foydalanishdagi elektr tarmogʻiga tijorat maqsadida toʻgʻridan-toʻ
26-iyul kuni harorat 45 darajani tashkil etadi
Toshkent shahri. Havo biroz bulutli boʻladi, yogʻingarchilik kutilmaydi. Shamol sharqdan 3-8 m/s tezlikda esadi. Harorat kechasi +24...+26 daraja, kunduzi +40...+42 daraja boʻladi.Qoraqalpogʻiston Respublikasi, Xorazm viloyati. Havo biroz bulutli, baʼzi joylarda oʻzgaruvchan boʻladi, yogʻingarchilik kutilmaydi. Shamol sharqdan 7-12 m/s tezlikda esadi, baʼzi joylarda 13-18 m/s gacha kuchayadi, chang-toʻzonlar bilan kuzatiladi. Harorat kechasi +20...+25 daraja, kunduzi +32...+37 daraja b
Dollarning rasmiy kursi tushdi
O‘zbekiston Respublikasi Markaziy banki xorijiy valyutalarning o‘zbek so‘miga nisbatan 29 iyul kuni amalda bo‘ladigan qiymatini belgiladi. Unga ko‘ra, dollarning rasmiy kursi 34,17 so‘mga pastladi va 12 599,83 so‘mni tashkil qildi. Shu bilan birga, yevro kursi ham 34,56 so‘mga arzonlab, 13 675,86 so‘m etib belgilandi. Rossiya rubli ham 0,84 so‘mga pastlab, 147,78 so‘mni tashkil etdi.