calendar 29 Nov 14:27
eye 45
comments 0
comments Manba: xs

Davlatobod korrupsiyadan xoli hududga aylanadi

image

Foto: “Xalq soʻzi”

Namangan viloyatining mazkur tumanida bundan ikki yil avval davlatimiz rahbarining “Oʻzbekiston Respublikasida korrupsiyaga qarshi kurashish tizimini takomillashtirish boʻyicha chora-tadbirlar toʻgʻrisida”gi qarori ijrosi doirasida korrupsiyasiz hudud loyihasini amalga oshirishga kirishilgan edi.

Hozirgi kunda shu maqsadda ishlab chiqilgan “yoʻl xaritasi” izchillik bilan roʻyobga chiqarilayotir. Xususan, fuqarolarning huquqiy madaniyati va ongini oshirish, aholi oʻrtasida manfur illatga qarshi murosasiz muhitni shakllantirish uchun davlat muassasalari, xoʻjalik yurituvchi subyektlar, barcha mahalla fuqarolar yigʻinlarida koʻrgazmali targʻibot vositalari oʻrnatildi. Shuningdek, joylarda muntazam ravishda suhbat va uchrashuvlar tashkil etilmoqda. Mahalliy hokimiyat huzurida tuzilgan 11 kishidan iborat jamoatchilik kengashi aʼzolari tomonidan boshqaruv va huquq-tartibot idoralari masʼullarining hisobotlari eshitib borilyapti.  

Aytish mumkinki, dolzarb masala boʻyicha amalga oshirilayotgan ishlar samaradorligi asta-sekin koʻzga tashlanib boryapti. Loyiha ijrosiga kirishilgan dastlabki paytda tumanda korrupsiya bilan bogʻliq 18 ta holat qayd etilgan boʻlsa, joriy yilning oʻtgan davrida koʻrsatkich uchtani tashkil etdi. Taʼlim, sogʻliqni saqlash va boshqa qator muassasalar xodimlari faoliyati ustidan nazorat oʻrnatilib, korrupsiyaga moyilligi aniqlangan uch nafar mutasaddi rahbar bilan mehnat shartnomasi bekor qilindi.

— Jirkanch illat bilan bogʻliq jinoyatning bittasi ham ortiqcha, — dedi kecha mazkur mavzu boʻyicha oʻtkazilgan matbuot anjumanida soʻz olgan tuman hokimi Anvarjon Tojimirzayev. — Unga butunlay chek qoʻyish uchun davlat idoralari faoliyatining oshkora va shaffofligini toʻla taʼminlash, xizmatlarda inson omilini kamaytirish, tartib-taomillarni soddalashtirish, innovatsion usullardan keng foydalanishga yanada koʻproq eʼtibor qaratishimiz zarur.

Darhaqiqat, tumanda davlat xizmatchilari ish joyi va fuqarolarni qabul qilish xonalariga kuzatuv moslamalarining oʻrnatilishi, davlat xaridlarining shaffofligiga erishish, joylarda elektron xizmatning joriy etilishi natijadorlikni taʼminlayapti. Masalan, mahallalardagi 28 nafar profilaktika inspektorlariga zamonaviy planshetlar ajratilgan. Endilikda ularning har biri bodi kameralardan foydalanishiga harakat qilinmoqda.

Viloyatdagi ommaviy axborot vositalari vakillari, jurnalist va blogerlar ishtirokidagi matbuot anjumanida yuqorida tilga olingan “yoʻl xaritasi” ijrosining borishi tahlil etilib, tumandagi sektor rahbarlarining mavzu boʻyicha hisobotlari eshitildi.

Qudratilla NAJMIDDINOV, “Xalq soʻzi”.


Doʻstlaringiz bilan ulashing

07 Feb 05:01
 
32
0
xs.uz

Qizilqumning olis manzillariga zamonaviy tibbiyot kirib bormoqda

Shuni taʼkidlash joiz, mazkur muassasa 'Navoiy kon-metallurgiya kombinati' AJ va 'Navoiy uran' DK kabi yirik sanoat korxonalarining barcha ijtimoiy infratuzilmasini oʻz tarkibida birlashtirgan boʻlib, asosan konchilar va ularning oila aʼzolariga tibbiy xizmat koʻrsatish, madaniyat va jismoniy sogʻlomlashtirish hamda ommaviy sport ishlari sohalaridagi yagona tizim hisoblanadi. Uning faoliyat koʻlami Navoiy viloyatidan tashqari qoʻshni Samarqand va Jizzax viloyatlarining ham bir qator hudu

04 Jan 17:55
 
42
0
qalampir.uz

O‘zbekistonda dollar kursi tushdi

O‘zbekiston Respublikasi Markaziy banki xorijiy valyutalarning o‘zbek so‘miga nisbatan 5 yanvar kuni amalda bo‘ladigan qiymatini belgiladi. Unga ko‘ra, dollarning rasmiy kursi 3,58 so‘mga tushdi va 12 341,54 so‘mni tashkil qildi. Yevro kursi esa 34,34 so‘mga oshib, 13 536,20 so‘m etib belgilandi. Rossiya rublining kursi esa 0,34 so‘mga ko‘tarilib, 135,37 so‘mni tashkil etdi.

12 Feb 17:12
 
25
0
xs.uz

Samarqand global ekologik muloqot markaziga aylanmoqda

Aziz Abduhakimov yuqori martabali mehmonga Samarqandga tashrifi va CMS COP14 da ishtirok etayotganligi uchun minnatdorlik bildirdi. Shuningdek, Samarqand global ekologik muloqotlar markaziga aylangani, oʻtgan yilning kuzida oziq-ovqat xavfsizligi boʻyicha xalqaro konferensiya (ICFS, FAO), soʻng CRIC21 sessiyasi (UNCCD)ga mezbonlik qilganini taʼkidladi. Aprel oyida esa aynan Samarqandda xalqaro iqlim forumi oʻtkazilishini aytib, UNEP vakillarini tadbirga taklif qildi.Qolaversa, vazir COP14 x

18 Jan 16:55
 
22
0
xs.uz

Toshkent — Bangkok — Toshkent yoʻnalishi boʻyicha reysi parvoz jadvalidan kechikib amalga oshiriladi

Ushbu munosabat bilan, HY531/532 Toshkent-Bangkok-Toshkent yoʻnalishi boʻyicha reysi parvoz jadvalidan taxminan 2 soatu 30 daqiqa kechikib amalga oshirilishi rejalashtirilgan. Parvozning taxminiy amalga oshirilishi jadvali: ' Toshkentdan joʻnab ketish 19-yanvar soat 01:00, Toshkent vaqti bilan.' Bangkokka yetib kelish 19-yanvar soat 9:10, Bangkok vaqti bilan. ' Bangkokdan joʻnab ketish 19-yanvar soat 10:40, Bangkok vaqti bilan.' Toshkentga yetib kelish 19-yanvar soat 15:40, Toshkent va