![](https://xs.uz/upload/post/2023/11/29/16435817a4d831ae1153fa38942b12c71129.jpg)
Foto: “Xalq soʻzi”
Namangan viloyatining mazkur tumanida bundan ikki yil avval davlatimiz rahbarining “Oʻzbekiston Respublikasida korrupsiyaga qarshi kurashish tizimini takomillashtirish boʻyicha chora-tadbirlar toʻgʻrisida”gi qarori ijrosi doirasida korrupsiyasiz hudud loyihasini amalga oshirishga kirishilgan edi.
Hozirgi kunda shu maqsadda ishlab chiqilgan “yoʻl xaritasi” izchillik bilan roʻyobga chiqarilayotir. Xususan, fuqarolarning huquqiy madaniyati va ongini oshirish, aholi oʻrtasida manfur illatga qarshi murosasiz muhitni shakllantirish uchun davlat muassasalari, xoʻjalik yurituvchi subyektlar, barcha mahalla fuqarolar yigʻinlarida koʻrgazmali targʻibot vositalari oʻrnatildi. Shuningdek, joylarda muntazam ravishda suhbat va uchrashuvlar tashkil etilmoqda. Mahalliy hokimiyat huzurida tuzilgan 11 kishidan iborat jamoatchilik kengashi aʼzolari tomonidan boshqaruv va huquq-tartibot idoralari masʼullarining hisobotlari eshitib borilyapti.
Aytish mumkinki, dolzarb masala boʻyicha amalga oshirilayotgan ishlar samaradorligi asta-sekin koʻzga tashlanib boryapti. Loyiha ijrosiga kirishilgan dastlabki paytda tumanda korrupsiya bilan bogʻliq 18 ta holat qayd etilgan boʻlsa, joriy yilning oʻtgan davrida koʻrsatkich uchtani tashkil etdi. Taʼlim, sogʻliqni saqlash va boshqa qator muassasalar xodimlari faoliyati ustidan nazorat oʻrnatilib, korrupsiyaga moyilligi aniqlangan uch nafar mutasaddi rahbar bilan mehnat shartnomasi bekor qilindi.
— Jirkanch illat bilan bogʻliq jinoyatning bittasi ham ortiqcha, — dedi kecha mazkur mavzu boʻyicha oʻtkazilgan matbuot anjumanida soʻz olgan tuman hokimi Anvarjon Tojimirzayev. — Unga butunlay chek qoʻyish uchun davlat idoralari faoliyatining oshkora va shaffofligini toʻla taʼminlash, xizmatlarda inson omilini kamaytirish, tartib-taomillarni soddalashtirish, innovatsion usullardan keng foydalanishga yanada koʻproq eʼtibor qaratishimiz zarur.
Darhaqiqat, tumanda davlat xizmatchilari ish joyi va fuqarolarni qabul qilish xonalariga kuzatuv moslamalarining oʻrnatilishi, davlat xaridlarining shaffofligiga erishish, joylarda elektron xizmatning joriy etilishi natijadorlikni taʼminlayapti. Masalan, mahallalardagi 28 nafar profilaktika inspektorlariga zamonaviy planshetlar ajratilgan. Endilikda ularning har biri bodi kameralardan foydalanishiga harakat qilinmoqda.
Viloyatdagi ommaviy axborot vositalari vakillari, jurnalist va blogerlar ishtirokidagi matbuot anjumanida yuqorida tilga olingan “yoʻl xaritasi” ijrosining borishi tahlil etilib, tumandagi sektor rahbarlarining mavzu boʻyicha hisobotlari eshitildi.
Qudratilla NAJMIDDINOV, “Xalq soʻzi”.
Dollar kursi ko‘tarildi
O‘zbekiston Respublikasi Markaziy banki xorijiy valyutalarning o‘zbek so‘miga nisbatan 25 iyul kuni amalda bo‘ladigan qiymatini belgiladi. Unga ko‘ra, dollarning rasmiy kursi 40,76 so‘mga oshdi va 12 625,04 so‘mni tashkil qildi. Yevro kursi esa 10,21 so‘mga ko‘tarilib, 13 686,81 so‘m etib belgilandi. Rossiya rubli esa 1,73 so‘mga oshib, 146,11 so‘mni tashkil etdi.
Namanganda MIB xodimlarini jarohatlagan fuqaro qamaldi
Namangan viloyatida Majburiy ijro byurosi xodimiga jarohat yetkazgan fuqaro 3 yil 7 oy muddatga ozodlikdan mahrum etildi. Bu haqda Oliy sud matbuot kotibi Aziz Obidov xabar berdi. Ma’lum qilinishicha, MIBning Chust tumani bo‘limi davlat ijrochilari fuqaro J.N.ning xonadoniga boshqa haqdor fuqaro foydasiga 42,1 million so‘m qarzdorlikni undirish maqsadida borgan. Qarzdor esa majburiyatini bajarish o‘rniga, davlat ijrochilari faoliyatiga keskin qarshilik ko‘rsatib, ularni haqoratlagan
Jahon iqtisodiyoti va diplomatiya universitetida kontrakt narxi oshirildi
Jahon iqtisodiyoti va diplomatiya universitetida kontrakt narxi oshirildi. Bu haqda oliygoh matbuot xizmati xabar berdi. Bildirilishicha, universitet hamda Diplomatik akademiyaning Kuzatuv kengashi 2024/2-qarori bilan 2024-2025 o‘quv yili bakalavriat va magistraturada shartnoma asosida o‘qitish to‘lov-shartnoma yangilangan miqdori tasdiqlangan. Yangilangan to‘lov-shartnoma miqdori quyidagicha belgilandi: 1-bosqich talabalari uchun stipendiyasiz – 29 million 428 ming so
Salkam 76 million soʻmlik tamaki mahsulotlari musodara qilindi
Bosh prokuratura huzuridagi Departament tamaki mahsulotlari savdosi bilan shugʻullanib kelgan shaxslar ushlanganini maʼlum qildi.Departament Yangiyer shahar boʻlimi, DXX va IIB xodimlari hamkorligida oʻtkazilgan tadbirda qonunga xilof ravishda tamaki mahsulotlari savdosi bilan shugʻullanib kelgan fuqarolar A.A. va Sh.B. fuqaro M.X.ga xorijda ishlab chiqarilgan jami 1 390 quti 'Esse change' nomli aksiz markasiz tamaki mahsulotini 38,9 million soʻmga sotgan vaqtida ashyoviy dalillar bilan us