calendar 26 Sep 09:29
eye 20
comments 0
comments Manba: xs

Transport vazirligi tomonidan ochiqlikni taʼminlash borasida qilingan ishlari senatorlar diqqat markazida

image

Foto: Yunus Bo‘riyev / “Xalq so‘zi”

Joriy yilning 26-sentyabr kuni Senatning Axborot siyosati va davlat organlarida ochiqlikni taʼminlash masalalari qoʻmitasining navbatdagi majlisi boʻlib oʻtdi.

Unda, Qoʻmita aʼzolari, tegishli davlat organlari va tashkilotlar masʼullari, ekspertlar va OAV vakillari ishtirok etdi.

Qoʻmita majlisida Senatning navbatdagi yalpi majlisi kun tartibi doirasida koʻrib chiqilishi rejalashtirilgan masalalar, Transport vazirligi va uning tizimidagi tashkilotlari tomonidan ochiqlikni taʼminlash borasida amalga oshirilayotgan ishlarining ijro holati muhokama qilindi.

Majlisda dastlab senatorlar “Respublika ijro etuvchi hokimiyat organlarining yaxlit tizimi shakllantirilishi munosabati bilan Oʻzbekiston Respublikasining ayrim qonun hujjatlariga oʻzgartirishlar kiritish toʻgʻrisida”gi Qonunni koʻrib chiqdi.

Taʼkidlanganidek, mazkur Qonunga asosan respublika ijro hokimiyati tizimi vazirliklar, qoʻmitalar, agentliklar va inspeksiyalarni oʻz ichiga olgan yaxlit tizim sifatida tashkil etilganligi sababli, amaldagi qonun hujjatlaridan “davlat qoʻmitalari” tushunchasi chiqarib tashlanmoqda va islohotlar doirasida tegishli oʻzgartirishlar kiritilmoqda.

Ushbu Qonun bilan davlat hokimiyati va boshqaruvi organlarining faoliyati toʻgʻrisidagi axborot jumlasiga vazirliklar va idoralarning byudjet va byudjetdan tashqari mablagʻlar hisobidan belgilangan maqsadli koʻrsatkichlarga erishilishi toʻgʻrisidagi, shuningdek xarajatlar iqtisodiy tasnifining moddalari kesimida mablagʻlarning sarflanishi haqidagi maʼlumotlar kiritilib, ularni oʻz rasmiy veb-saytlariga joylashtirib borishi lozimligi belgilab qoʻyilmoqda.

Shundan soʻng Qoʻmita majlisida Transport vazirligi va uning tizimidagi tashkilotlari tomonidan ochiqlikni taʼminlash borasida amalga oshirilgan ishlar muhokama qilindi.

Muhokama davomida vazirlik tomonidan mazkur yoʻnalishda ijobiy oʻzgarishlar bilan birga, vazirlikning tashkilotlari va hududiy boshqarmalarida hali qilinishi lozim boʻlgan ishlar talaygina ekanligi aytib oʻtildi.

Jumladan, vazirlikning 14 ta hududiy boshqarmasidan 7 tasining rasmiy veb-saytlari faoliyati bugungi kunda ishga tushirilgan boʻlsa-da, Xorazm, Qashqadaryo, Navoiy, Jizzax, Fargʻona, Namangan va Toshkent viloyatlari hududiy boshqarmalari rasmiy veb-saytlari umuman ishlayotgani yoʻq.

Shuningdek, vazirlikning tashkilotlari tomonidan oʻz rasmiy-veb saytlari va ijtimoiy tarmoqlardagi sahifalarini yuritishda maʼlumotlarni muntazam ravishda yangilab borish, ushbu tashkilotlar tomonidan matbuot anjumanlari, press-turlar, sohaga oid muammolarni tezkor yoritish va tanqidiy materiallarga rasmiy munosabat bildirish borasidagi ishlar talab darajasida emas.

Oqibatda hududlarda aholi tomonidan transport sohasidagi maʼlumotlarni olishda muammolar saqlanib qolmoqda va bu holat aholining haqli eʼtirozlarini keltirib chiqarmoqda.

Bundan tashqari, vazirlik va uning tizimidagi tashkilotlar tomonidan byudjet mablagʻlarining sarflanishi bilan bogʻliq maʼlumotlarni ochiq eʼlon qilib borishga yondashuv talab darajasida emas. Xususan, davlat xaridlarini amalga oshirish, davlat byudjeti va byudjet tashkilotlarining byudjetdan tashqari mablagʻlari boʻyicha mavjud debitorlik va kreditorlik qarzdorliklari toʻgʻrisidagi maʼlumotlar, byudjet tashkilotlarining tarmoq, shtatlar va kontingentlar rejalarining bajarilishi toʻgʻrisidagi hisobotlar shular jumlasidan. Mazkur holatlar Qoʻmita majlisida atroflicha muhokama qilindi va vazirlikka ushbu kamchiliklarni bartaraf etish toʻgʻrisida tegishli topshiriq va takliflar berildi.

Majlisda har bir masala boʻyicha Qoʻmitaning tegishli qarorlari qabul qilindi.

Foto: Yunus Bo‘riyev / “Xalq so‘zi”


Doʻstlaringiz bilan ulashing

27 May 11:30
 
21
0
qalampir.uz

Gitanas Nauseda Litva Prezidenti etib qayta saylandi

Litvadagi prezidentlik saylovlarida ikkinchi turda mamlakatning amaldagi Prezidenti, 60 yoshli Gitanas Nauseda g‘alaba qozondi. Bu haqda bugun, 27 may kuni Litva saylov komissiyasi xabar berdi. Dastlabki natijalarga ko‘ra, u 75 foizga yaqin ovoz to‘plamoqda. Nausedaning ikkinchi davradagi raqibi, 49 yoshli Bosh vazir Ingrida Simonite allaqachon mag‘lubiyatini tan olgan. "Men Litvaning saylangan prezidentini tabriklayman", degan Bosh vazir. Ikki hafta oldingi say

18 Jul 12:04
 
25
0
xs.uz

Sunʼiy yoʻldosh Putinning oʻrmon ichida yashiringan qalʼasini fosh qildi – Newsweek (+Xarita va suratlar)

Sunʼiy yoʻldoshdan olingan suratlar Rossiya prezidenti Vladimir Putinning Moskva shimolidagi Valday shahrida havo hujumidan mudofaa tizimlari bilan jihozlangan qalʼasi mavjudligini aniqladi. Bu haqda 'Newsweek' nashri xabar qildi.Qayd etilishicha, dastlabki hisobotlarda bu yerda faqat bitta 'Pansir' tizimi oʻrnatilgan bunker mavjudligi aytilgan. Biroq yangi tasvirlar hudud atrofida ushbu tizimlardan kamida yettitasi borligini koʻrsatgan. Havo hujumiga qarshi mudofaa vositalarining koʻpayis

12 Jul 09:13
 
34
0
qalampir.uz

NATOning 4 ta davlati uzoq masofali raketalarni birga ishlab chiqarishga kelishib oldi

Bugun, 11 iyul kuni AQSHning Vashington shahridagi NATO sammiti doirasida Fransiya, Germaniya, Italiya va Polsha uzoq masofaga uchuvchi qanotli raketalarni birgalikda ishlab chiqishga kelishib oldi. Bu haqda “Reuters” xabar berdi.  Kelishuvga ko‘ra, raketalar 500 kilometrdan ortiq masofaga ucha oladigan qilib ishlab chiqariladi. Mamlakatlar Mudofaa vazirlari tomonidan bu borada kelishuv hujjatiga imzo chekilgan. Biroq, Germaniyaning “Frankfurter Allgemeine Zeitung&

05 Jun 16:57
 
12
0
qalampir.uz

Ilk bor O‘zbekistonning 2 ta oliygohi dunyo universitetlarining TOP-1000 taligiga kirdi

Bugun, 5 iyun kuni Buyuk Britaniyaning nufuzli QS Quacquarelli Symonds xalqaro reyting agentligi dunyodagi eng yaxshi universitetlar reytingi – QS World University Rankings -2025 natijalarini e’lon qildi.  Reytingdan birinchi marta O‘zbekistonning birvarakayiga ikki oliy ta’lim muassasasi – Toshkent irrigatsiya va qishloq xo‘jaligini mexanizatsiyalash muhandislari instituti Milliy tadqiqot universiteti 547-o‘rin hamda Mirzo Ulug‘bek nomidagi O‘zbe