calendar 29 May 12:24
eye 26
comments 0
comments Manba: xs

Manfaatlar toʻqnashuvi tushunchasi, davlat xizmatchilarining majburiyatlari hamda uni tartibga solish boʻyicha aniq mexanizmlar belgilanmoqda

image

Shu kunlarda Oliy Majlis Senati qoʻmitalarida navbatdagi yalpi majlis kun tartibi doirasida muhokama qilinishi nazarda tutilgan masalalar dastlabki tarzda koʻrib chiqilmoqda.

Senat aʼzolari, Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari doimiy komissiyalari raislari, qoʻmita huzuridagi ekspertlar guruhi aʼzolari, mutasaddi vazirlik va idoralar hamda ommaviy axborot vositalari vakillari ishtirok etgan Sud-huquq masalalari va korrupsiyaga qarshi kurashish qoʻmitasida korrupsiyaning oldini olishga qaratilgan “Manfaatlar toʻqnashuvi toʻgʻrisida«gi muhim Qonun muhokama qilindi.

Qoʻmita aʼzolarining soʻzlariga koʻra, ayrim qonun hujjatlarida manfaatlar toʻqnashuvi toʻgʻrisida tushuntirish berilgan boʻlsada, davlat organlari va muassasalarida ularni amalga oshirish va nazorat qilishning aniq mexanizmlari belgilanmagan, sohada yagona amaliyotni shakllantiruvchi vakolatli organ mavjud emas, manfaatlar toʻqnashuvi toʻgʻrisida xabar berish amaliyoti yoʻlga qoʻyilmagan hamda “Korrupsiyaga qarshi kurashish toʻgʻrisida«gi Qonunda davlat organlarining manfaatlar toʻqnashuvining oldini olish yoki uni bartaraf etish talablari buzilishiga yoʻl qoʻygan xodimlari, shuningdek ularning rahbarlari qonunchilikka muvofiq javobgar boʻlishi belgilangan boʻlsada, qonunchilik hujjatlarida javobgarlik masalalari nazarda tutilmagan.

“Manfaatlar toʻqnashuvi toʻgʻrisida«gi Qonun yuqoridagi muammolarni bartaraf etish bilan birga korrupsiyaviy holatlarni keltirib chiqaruvchi manfaatlar toʻqnashuvi sohasidagi munosabatlarni tartibga solishga qaratilganligi bilan ahamiyatli.

Qonun bilan manfaatlar toʻqnashuvining tushunchasi, davlat xizmatchilarining majburiyatlari hamda uni tartibga solish boʻyicha aniq mexanizmlar belgilanmoqda.

Qonunning qoʻllanilish doirasi aniqlashtirilmoqda, yaʼni davlat organlariga va mahalliy davlat hokimiyati organlariga, davlat muassasalariga, davlat unitar korxonalariga, davlat maqsadli jamgʻarmalariga, shuningdek ustav fondida davlat ulushi 50 foiz miqdorda va undan ortiq boʻlgan aksiyadorlik jamiyatlariga nisbatan, shuningdek, oʻz ustav fondida davlat organlarining yoki boshqa tashkilotlarning ulushi jami 50 foiz miqdorda va undan ortiq boʻlgan yuridik shaxslarga nisbatan tatbiq etiladi.

Eng muhimi, davlat tashkiloti faoliyatida manfaatlar toʻqnashuvini tartibga solishda vakolatli organlar belgilanmoqda. Endilikda Korrupsiyaga qarshi kurashish agentligi, davlat tashkilotlarining odob-axloq komissiyalari, kadrlar boʻlinmalari va korrupsiyaga qarshi ichki nazorat tuzilmalari manfaatlar toʻqnashuvini tartibga solishni amalga oshiradigan organlar sifatida mustahkamlanmoqda.

Shuningdek, Qonunda davlat tashkiloti xodimlariga nisbatan manfaatlar toʻqnashuvining oldini olish boʻyicha cheklovlar, manfaatlar toʻqnashuviga oid talablarni buzishning huquqiy oqibatlari, manfaatlar toʻqnashuviga yoʻl qoʻygan holda qabul qilingan va tuzilgan bitimlarni sud tartibida haqiqiy emas deb topish asoslari, manfaatlar toʻqnashuviga yoʻl qoʻyganlik uchun javobgarlik choralari belgilanmoqda.

Senatorlar qonunning amaliyotga tatbiq etilishi manfaatlar toʻqnashuvini tartibga solishning aniq qonuniy mexanizmining belgilanishiga, manfaatlar toʻqnashuvini tartibga solishda davlat nazorati amalga oshirilishiga, davlat xizmatchilarining bevosita rahbarlari tomonidan manfaatlar toʻqnashuvi holatlari yuzaga kelganda tegishli choralar koʻrilishiga, davlat xizmatchilari tomonidan sodir etilishi mumkin boʻlgan korrupsiyaga oid huquqbuzarliklarning oldi olinishiga erishilishi qayd etildi.

Muhokama yakunida Qoʻmitaning tegishli qarori qabul qilindi.


Doʻstlaringiz bilan ulashing

23 Jun 16:37
 
23
0
qalampir.uz

Farg‘onada aliment to‘lamagan ota qo‘lga olindi

Farg‘onada 10 yil davomida farzandiga aliment to‘lashdan qochib yurgan ota qo‘lga tushdi. Bu haqda Majburiy ijro byurosi Farg‘ona viloyati boshqarmasi xabar berdi. Qayd etilishicha, Majburiy ijro byurosi Farg‘ona shahar bo‘limi ish yurituvidagi ijro hujjatiga ko‘ra, Farg‘ona shahrida yashovchi A.T.dan  Fuqarolik ishlari bo‘yicha Farg‘ona tumanlararo sudining 2018 yil may oyidagi sud buyrug‘iga asosan ikki nafar farzandining moddiy ta’minoti uchun aliment undirilis

24 Jun 16:54
 
19
0
qalampir.uz

Ko‘ksaroyda Mo‘g‘uliston Prezidenti rasmiy kutib olindi

Bugun, 24 iyun kuni Ko‘ksaroy qarorgohida O‘zbekistonga davlat tashrifini amalga oshirayotgan Mo‘g‘uliston Prezidenti Uxnaagiyn Xurelsuxni rasmiy kutib olish marosimi bo‘ldi. Bu haqda Prezident matbuot xizmati xabar berdi. Qarorgoh oldidagi maydonda faxriy qorovul saf tortdi. O‘zbekiston Respublikasi Prezidenti Shavkat Mirziyoyev oliy martabali mehmonni samimiy kutib oldi va shohsupaga taklif qildi. Harbiy orkestr ikki mamlakat davlat madhiyalarini ijro etdi. Yetakch

24 Jun 19:22
 
49
0
qalampir.uz

Mirziyoyev va Putin telefon orqali muloqot qildi

Bugun, 24 iyun kuni O‘zbekiston Respublikasi Prezidenti Shavkat Mirziyoyev va Rossiya Federatsiyasi Prezidenti Vladimir Putinning telefon orqali muloqoti bo‘lib o‘tdi. Bu haqda Prezident matbuot xizmati xabar berdi. Mirziyoyev Dog‘istonda sodir etilgan terrorchilik harakatlari munosabati bilan chuqur hamdardlik bildirdi, halok bo‘lganlarning oilalariga ta’ziya va dalda so‘zlarini bildirdi. “O‘zbekiston Prezidenti bu g‘ayriinsoniy zo‘ravonlikni qat’iy qoraladi

17 Jul 17:35
 
54
0
xs.uz

Yangi tegirmon bloki ishga tushirildi

'Kokpatas va Dovgistov oltin konlarida maʼdan qazib olish (III navbati)' investitsion loyihasi ishlab chiqarish hajmini oshirishda katta ahamiyatga ega. Uning umumiy qiymati 281 million dollarni tashkil etadi. Ushbu loyihani amalga oshirishda Shimoliy kon boshqarmasiga qarashli 3-gidrometallurgiya zavodida yiliga 1million tonna oltin tarkibli maʼdanni qayta ishlash quvvatiga ega yangi tegirmon bloki ishga tushirildi.' Mazkur loyiha doirasida flotatsiya, biooksidlash, filtrlash, quritish va kuy