"Milan" - "Atletiko" uchrashuvini boshqargan hakamlar jazolanadi

Turkiyalik hakam Juneyt Chakir maʻlum muddat o'yinlarni boshqarmaydi. La Gazzetta dello Sport nashri xabariga ko'ra, 44 yoshli hakam va uning video assistenti Abdulqodir Bitigen UEFA Chempionlar ligasi guruh bosqichining 2-turidan o'rin olgan "Milan"-"Atletiko" o'yini paytida qoniqarsiz o'yin ko'rsatgani uchun jazolanadi.

Hakamlar guruhi qanday xatolarga yo'l qo'ygani ochiqlanmagan. Taxminlarga ko'ra, 29–daqiqada "rossonerilar" futbolchisi Frank Kessyening maydondan chetlatishi va qo'shimcha daqiqalarda "matraschilar" foydasiga penalti belgilanishi borasida savollar tug'ilgan.

Natijada, "Atletiko" penaltini golga aylantirib, "San Siro"da irodali g'alabaga erishdi.