Oʻzbekiston Prezidenti Dohaga keldi

Foto: Prezident Matbuot xizmati

Oʻzbekiston Respublikasi Prezidenti Shavkat Mirziyoyev Qatar Davlati Amiri shayx Tamim bin Hamad Ol Soniyning taklifiga binoan davlat tashrifi bilan Doha shahriga keldi.

Shayx Hamad nomidagi xalqaro aeroportida oliy martabali mehmon sharafiga faxriy qorovul saf tortdi.

Davlatimiz rahbarini Qatar Bosh vaziri – tashqi ishlar vaziri shayx Muhammad bin Abdurahmon Ol Soniy va boshqa rasmiy shaxslar kutib oldi.

Davlat tashrifi dasturiga muvofiq, ertaga oliy darajadagi uchrashuvlar boʻlib oʻtadi, yetakchilar Oʻzbekiston-Qatar munosabatlarini yanada mustahkamlash hamda koʻp qirrali hamkorlikni, eng avvalo, siyosiy, savdo-iqtisodiy, investitsiyaviy va madaniy-gumanitar sohalarda rivojlantirish masalalarini muhokama qiladilar.

Prezidentimiz Qatar ishbilarmon doiralari vakillari bilan uchrashuvlar oʻtkazishi ham koʻzda tutilgan.