Oʻzbekiston shaxmat terma jamoasi jahon chempionatida Ukrainani magʻlub etib, yarimfinalga yoʻl oldi

Isroilning Quddus shahrida shaxmat boʻyicha milliy jamoalar oʻrtasida FIDE jahon chempionati davom etmoqda.

Oʻzbekiston terma jamoasi chorakfinalda Ukrainaga qarshi bahs olib borib, 2 ta raund (3:1 va 2,5:1,5) yakuniga koʻra gʻalabani oʻz tomoniga ogʻdirdi.

Yarimfinalda terma jamoa bugun, 24-noyabr kuni Hindiston — Fransiya juftligi gʻolibi bilan kurashadi. Yana bir yarimfinalda esa Xitoy va Ispaniya shaxmatchilari oʻzaro kurashga kiradi.