Buxoro shahridagi “Garden plaza” mehmonxonasining konferensiyalar zalida sportning futbol turi bo‘yicha Ichki ishlar organlari xodimlari o‘rtasida “Ichki ishlar vazir kubogi” turniriga qur’a tashlash marosimi o‘tkazildi. Mazkur musobaqada Farg‘ona viloyati IIB, Surxondaryo viloyati IIB, Transport va turizm obyektlarida xavfsizlikni ta’minlash departamenti xodimlari hamda Buxoro viloyati IIB terma jamoalari a‘zolari ishtirok etdi. Shundan so‘ng, viloyat futbol akademiyasi maydonida turnirning guruh bosqichi 1-tur o‘yinlari boshlandi. Musobaqa startidan oldin viloyat IIB boshlig‘i o‘rinbosari, podpolkovnik A.Inomov so‘zga chiqib, ishtirokchilarga muvaffaqiyat va yorqin g‘alabalar tiladi.

  Turnirning birinchi kunida Buxoro viloyati IIB terma jamoasi bilan Farg‘ona viloyati IIB terma jamoasi bellashdi. Bellashuvda 2:0 hisobida Buxoro viloyati IIB terma jamoasi g‘olib bo‘ldi. Surxondaryo viloyati IIB terma jamoasi hamdaTransport va turizm obyektlarida xavfsizlikni ta’minlash departamenti terma jamoasi o‘rtasidagi bahs esa 2:2 hisobiga durang qayd etildi.

                 R.RAJABOV,

podpolkovnik.

Buxoro viloyati.