Oʻzbekiston 7 oyda qancha meva va sabzavot eksport qilgan?

Illustrativ foto

Davlat statistika qoʻmitasi dastlabki maʼlumotlariga koʻra, 2022-yilning yanvar-iyul oylarida Oʻzbekiston qiymati qariyb 550 mln. AQSH dollariga teng boʻlgan 968 ming tonna meva va sabzavotlar eksport qilgan.

Bu koʻrsatkich oʻtgan yilning mos davri bilan solishtirilganda 127 ming tonnaga oshgan.

2022-yilning 7 oyida eksport qilingan meva va sabzavotlar hajmi:

meva va rezavorlar – 186 ming tonna;

quritilgan meva va rezavorlar – 22,3 ming tonna;

sabzavotlar – 607 ming tonna;

karam – 130 ming tonna;

pomidor – 57,6 ming tonna;

uzum – 23,2 ming tonna;

mayiz – 41,4 ming tonna;

yeryongʻoq – 12,3 ming tonna;

tarvuz-qovun – 98,1 ming tonna.