Har qanday odam kundalik faoliyati bilan bog‘liq bo‘lmagan tarzda dam olish va stressdan xalos bo‘lish yo‘lini qidiradi, mashhurlar ham bundan mustasno emas.

Jennifer Garner saksofon chaladi

“13 dan 30 gacha” filmi yulduzi maktab yillaridan beri saksofon chaladi. Bir marta u orkestr formasini kiyib, Riz Uizerspunni tug‘ilgan kuni bilan tabriklash uchun “Happy Birthday” kuyini chalib bergan.

Pirs Brosnan rasm chizadi

Pirs Brosnan 16 yoshida rasm chizishga qiziqib qolgan, hatto grafik dizayner bo‘lishni xohlagan. Uning aytishicha, birinchi xotini vafot etganda aynan sevimli mashg‘uloti yordamida o‘zini qo‘lga olgan.

Kara Delevin to‘qiydi

Podiumga navbati kelguncha Kara Delevin bajonidil yangi mashg‘uloti bilan shug‘ullanadi. Model va aktrisa modalar ko‘rgazmasida sahna ortida to‘qiyotgan suratini ijtimoiy tarmoqlarda baham ko‘rdi.

Jonni Depp Barbi qo‘g‘irchoqlarini kolleksiya qiladi

Bu qiziqishning kelib chiqishi aktyorning qizi bilan Barbi o‘ynagan vaqtlari bilan bog‘liq. Ammo keyinchalik qizi qo‘g‘irchoqlarga qiziqmay qolganda Depp ulardan ajralishni xohlamadi: ular ajoyib xotiralar bilan bog‘liq edi. Hozirda uning Barbi’lari shunchalik ko‘pki, ularga alohida xona kerak.

Keti Perri boshqa mashhurlarning sochlarini yig‘adi

Keti Perri boshqa mashhurlarning sochlarini kolleksiya qilishini aytgan. Masalan, Teylor Svift va Mayli Sayrus kabi. Eng hayratlanarlisi shundaki, u mashg‘uloti g‘alati ekanini tushunadi, lekin baribir buni ajoyib deb hisoblaydi.

Teylor Svift qorli sharchalar yasaydi

Teylor Svift qorli sharchalar yasashni yaxshi ko‘radi. “Lover” klipidagi qorli sharchani ham o‘zi yasagan.

Mayk Tayson kaptar boqadi

Mayk Tayson bolaligidan kaptarlarni yaxshi ko‘rardi, hozir esa uning mingdan ortiq qushlari bor. Taysonning aytishicha, kabutarlar bizga ko‘p narsalarni o‘rgatadi.

Kendall Jenner qushlarning ovoziga taqlid qiladi

Bu shunchaki sevimli mashg‘ulot emas, balki haqiqiy iste’doddir: Kendall Jenner qushlarning tovushlariga shunchalik hayratlanarli tarzda taqlid qiladiki, atrofingizni qushlar galasi o‘rab olgan deb o‘ylashingiz mumkin.

Beyonse asalarichilik bilan shug‘ullanadi

Beyonse kuchli allergiyaga chalingan qiziga yordam berishi mumkin bo‘lgan asal uchun asalari boqishni boshladi. Ammo tez orada bu uning sevimli mashg‘ulotiga aylandi. Hozir uning 80 mingga yaqin asalarisi va 2 ta uyasi bor.

Tom Xenks eski yozuv mashinkalarini yig‘adi

Tom ularni mashhur bo‘lishidan oldin yig‘ishni boshlagan. Hozir uning kolleksiyasida 120 ga yaqin yozuv mashinkasi bor.

Klaudiya Shiffer hasharotlarni kolleksiya qiladi

Mashhur modelning kolleksiya qilishini eshitganimizda, sumkalar, kiyim-kechak, aksessuarlar va boshqalar deb o‘ylagan edik. Ammo bular Klaudiyaga taalluqli emas. U hasharotlarni, xususan, o‘rgimchaklarni kolleksiya qiladi.

Nikolas Keyj qasrlar va dinozavrlarning bosh suyaklarini yig‘adi

Keyj pulni o‘ylamay sarflashi oqibatida qasrlar va hatto dinozavrning bosh suyagini sotib olgan. U bu borada Leonardo Di Kaprioni ham ortda qoldirdi, biroq oxir-oqibat bosh suyakni Mo‘g‘ulistonga qaytarishga majbur bo‘ldi.

Mila Kunis videoo‘yinlar o‘ynaydi

Mila videoo‘yinlarni, ayniqsa Call of Duty va World of Warcraft o‘ynashni yaxshi ko‘radi. U hatto World of Warcraft’dagi bir nechta gildiyalarning a’zosi bo‘lgan. Muxlisi uning ovozidan tanib qolganida esa gildiyalardan birini tark etishga majbur bo‘lgan.