Foto: Xalq so‘zi

Bu yilgi Yoshlar kuni bayrami xotiramda unutilmas taassurotlar bir umrga muhrlanib qoladigan boʻldi.

Xabaringiz bor, Prezidentimiz Yoshlar kuni munosabati bilan “Yangi Oʻzbekiston” bogʻida tashkil etilgan tadbirlarda ishtirok etib, “Besh tashabbus” yoʻnalishlari boʻyicha tashkil etilgan pavilyonlar faoliyati bilan tanishdi, yoshlar bilan yuzma-yuz muloqot qildi. Davlatimiz rahbari men bilan ham samimiy suhbatlashib, orzu-maqsadlarim bilan qiziqdi, ishlarimga omad tiladi. Marrani yanada kattaroq olishga undadi.

Suhbat davomida Prezidentimiz yosh tadbikor sifatida olib borayotgan ishlarimdan xursand ekanligini taʼkidlab, Rishton kulolchiligini yangi bosqichga olib chiqish boʻyicha maslahatlar berdi.

Hozirda yuzlab tengdoshlarim men bilan yonma-yon mehnat qilmoqda. Kulolchilik klasterida tayyorlanayotgan mahsulotlarimiz qoʻshni respublikalar, MDH davlatlariga ekport qilinmoqda. Italiya, Buyuk Britaniya, Turkiya singari mamlakatlardagi hamkorlar bilan oʻzaro aloqalarni yoʻlga qoʻyish uchun dastlabki qadamlar tashlandi. Yaqin istiqbolda AQSH, Yaponiyada kulolchilik mahsulotlari koʻrgazmalarini tashkil etish, savdo uylarini ochishni rejalashtirganmiz.

Shunisi aniqki, Prezidentimizning biz, yosh tadbirkorlarga katta ishonch bildirib, eʼtibor va ragʻbat koʻrsatishi, gʻayrat-shijoatga undashi elu yurtga sidqidildan xizmat qilishda yanada kuch, motivatsiya beradi.

Shokir AHMADJONOV,  Rishton tumanidagi “Mingboshi Keramik” kulolchilik klasteri rahbari.