calendar 11 Apr 04:20
eye 464
comments 0
comments Manba: zamin

Hamma gap tabiiylikda: Arab qizlari jozibasining siri nimada?

image
Foto: Getty Images
Arab qizlarining naqadar go'zalligi tillarda doston. Sochlarining qalin va qora ekani, kiprik hamda qoshlari bilan o'ziga jalb qiladigan husn egalarining go'zalligi ularning tabiiy vositalardan muntazam ravishda foydalanishi va zamonaviy kosmetikalarga mukkasidan ketmaganida.

Soch parvarishi
Arab qizlarining yaltirab turadigan qalin sochlarining siri muntazam ravishda tabiiy niqoblardan foydalanishida. Sharq go'zallari sochlarini yuvishdan avval bosh terisiga qatiq yoki nordon sut surtib qo'yadi. Nordon sut mahsulotlari sochlarni tezda qayta tiklab, qalin va yaltiroq qilib ko'rsatadi.

Soch bo'yoqlari
Zamonaviy bo'yoqlarni tan olmaydigan arab ayollari sochlarini tabiiy xinada bo'yashni afzal biladi. Unga basma qo'shilganda esa soch tim qora bo'ladi. Rangsiz xina esa sochni mustahkamlovchi niqob o'rnini bosadi.

Qora ko'zlar
Abaya kiyganda faqat ko'zlar ko'rinib turgani uchun ham arabistonlik xotin-qizlar bo'yoqlar bilan unga urg'u berishni maʻqul biladi. Qora strelkalar surtish uchun surmadan foydalanadi. Bezashdan tashqari surma, qosh va kipriklarni mustahkamlab, ularni yorqinroq ko'rsatadi.

Qosh va kipriklar
Arab qizlari bolaligidanoq tabiiy o'sma yog'ini qosh va kipriklariga surtgani sabab ham chiroyli ko'rinadi. O'sma qosh va kipriklarni o'stirib, qalin va o'ziga xos ko'rsatadi.

Yuz parvarishi
Yuz terisini tozalash uchun tabiiy tonik — pushti suvdan foydalaniladi. Mitselyar suv o'rnini bosishi mumkin bo'lgan vosita teridagi yallig'lanish va qizarishlarni oldini oladi. Qolaversa, yevropaliklardan farqli o'laroq, arab qizlari terisini oqartirishni afzal biladi va buning uchun tabiiy oqartiruvchi limon kislotasidan foydalanadi. Po'stlog'ini esa skrab sifatida ishlatadi. Yuz niqoblarini ham tabiiy mahsulotlardan tayyorlanganini maʻqul biladi. Zarchavadan tayyorlangan niqob eng yaxshi hisoblanadi. Buning uchun zarchava, un, sut va pushti suv 2 osh qoshiqdan qo'shib aralashtiriladi. Bo'tqa holiga kelgan aralashma yuzga surtilganidan 20 daqiqa o'tib yuvib tashlanadi.

Teri parvarishi
Hammomdagi bug'lar salomatlik uchun muhim ekanini arab ayollari yaxshi biladi. Bug' taʻsirida poralardan kirlar chiqib ketgani hisobiga teri tiniq va tarang bo'lib qoladi. Shu bilan birga ular qahvadan tayyorlangan skrablarni ham ishlatishni kanda qilmaydi.

Atir
Hatto Arabistondagi eng o'ziga to'q ayollar ham haligacha efir yog'idan tayyorlanadigan tabiiy iforlardan foydalanadi. Vanil, jasmin va atirgul eng yaxshi ifor manbalari hisoblanadi. Atirlarning barchasi yog' asosida spirt qo'shmasdan tayyorlangani sabab ham uzoq vaqtgacha ifori kelib turadi.

Doʻstlaringiz bilan ulashing

29 Jun 09:56
 
16
0
qalampir.uz

AQSH NATO sammitiga Isroil va arab davlatlarini ham taklif qildi

Qo‘shma Shtatlar Isroil va bir qancha arab davlatlari tashqi ishlar vazirlarini kelasi oy Vashingtonda o‘tadigan NATO sammitiga taklif qildi. bu haqda “Financial Times” xabar berdi. Nashrning yozishicha, sammit AQSH Prezidenti Jo Baydenga Vashingtonning xalqaro sheriklik va ittifoqchiliklarini mustahkamlash siyosatini namoyish etish imkoniyatini beradi. Ammo u ko‘plab diplomatlar Vashingtonning Ukrainadagi hamda Isroil va HAMAS o‘rtasidagi urush bo‘yicha pozitsiyala

10 Jun 22:16
 
25
0
qalampir.uz

Pavel Durov Markaziy Osiyoga keladi

Telegram asoschisi Pavel Durov yozni Markaziy Osiyoda o‘tkazadi. Bu haqda uning o‘zi ijtimoiy tarmoqdagi kanalida ma’lum qildi. "Dubayda havo isib bormoqda va mening do‘stlarim Fransiyaning janubi kabi ajoyib joylarga ketishmoqda. Fransiya fuqarosi sifatida men Fransiya eng yaxshi dam olish joyi ekanligiga qo‘shilaman. Telegram bosh direktori sifatida men ta’tilga chiqmayman. Buning o‘rniga men g‘ayrioddiy joylardan foydalanuvchilarimiz bilan uchrashishda, ish

15 Jul 12:02
 
10
0
qalampir.uz

Rossiya AQSHning uzoq masofali raketalarini Yevropaga joylashtirishiga javob qaytaradi – Peskov

AQSHning Yevropada uzoq masofali raketalarni joylashtirishiga Rossiya munosib javob qaytaradi. Bu haqda Kreml matbuot kotibi Dmitriy Peskov ma’lum qildi. Peskovning so‘zlariga ko‘ra, uzoq masofali raketalarini joylashtirishga javob berish uchun Rossiya yetarli imkoniyatlarga ega, ammo bu holatda potensial qurbonlar Yevropa mamlakatlari bo‘ladi. Germaniya kansleri Olaf Shols esa 2026 yildan boshlab Amerikaning uzoq masofaga uchuvchi qurollarining Germaniyada joylashtirilishini urush

18 Jul 14:44
 
34
0
xs.uz

Rossiya va Ukraina soʻnggi yetti hafta ichida uchinchi marta oʻzaro asir almashdi. Urush tafsilotlari

Ukraina poytaxti Kiyevda havo hujumidan mudofaa kuchlari Rossiyaning uchuvchisiz uchogʻini urib tushirgach, bir qancha portlashlar roʻy bergan.Ukraina janubidagi Rossiya tomonidan bosib olingan Xerson shahriga Ukraina tomonidan oʻqqa tutilishi va dron hujumi oqibatida kamida bir kishi halok boʻlib, sakkiz kishi yaralandi.Rossiyaning Ukraina bilan chegaradosh Belgorod viloyati rasmiylari Ukraina uchuvchisiz samolyoti yoʻlovchi mashinasiga zarba berib, yosh er-xotinni oʻldirganini maʼlum qi