“Tottenhem” sobiq bosh murabbiyi Harri Rednapp “shporlar” safida ijara asosida harakat qilayotgan hujumchi Garet Beyl haqidagi fikrlari bilan o‘rtoqlashdi.

Agar “Tottenhem”da bo‘lmasa, u yana qayerda o‘ynamoqchi? Balki, oson variantni tanlash yaxshidir — Amerika yoki Xitoy?

Beyl o‘z o‘yini bilan Mourinyoni ishontira olmayotgani yaqqol ko‘rinib turibdi. Hurmatsizlik qilmoqchi emasman, ammo shunday tasavvur borki, u hatto butsalari ipini bog‘lashga ham qodir emasdek. Beyl jamoadoshlari bilan solishtirgan “Tottenhem”ga xuddi o‘zga sayyoradan kelib qolganga o‘xshaydi.

Uni olib kelish Mourinyoning fikrimi yoki yo‘q, bilmayman. Ko‘rinishidan, Beyl Jozega yoqadi deb bo‘lmaydi. Katta ehtimol bilan uni Daniel Levi (“Tottenhem” prezidenti — izoh “Daryo”) qaytargan.

Harri Rednapp, “Tottenhem” sobiq bosh murabbiyi

Beyl 2020-yilning yozida “Real”dan ijara asosida “Tottenhem” safiga kelib qo‘shildi. Uelslik futbolchi londonliklar safida joriy mavsum 14 o‘yin o‘tkazib, 4 ta gol urishga erishdi.