Angliyaning "Liverpul" klubi APLning 20-turidan o'rin olgan bahsda "Tottenhem"ni 3:1 hisobida mag'lub etdi. Ushbu uchrashuvda "mersisaydliklar" forvardi Sadio Mane jamoasining uchinchi goliga mualliflik qildi. 

Shu tariqa senegallik futbolchi "Liverpul" safida APL doirasidagi 70-golini urib, hisobida 69 ta gol bo'lgan Luis Suaresni ortda qoldirib, beshinchi o'ringa chiqib oldi.

Ayni vaqtda "Liverpul" tarixidagi TOP-5 to'purarlar ro'yxati qo'yidagicha ko'rinishda:

1-o'rinda Robbi Fauler – 128 ta gol; 

2-o'rinda Stiven Jyerrard – 120 ta gol; 

3-o'rinda Maykl Ouen – 118 ta gol; 

4-o'rinda Muhammad Saloh – 86 ta gol;

5-o'rinda Sadio Mane – 70 gol.