Toshkent viloyatida 'Qadriyatlaring boqiy boʻlsin, Navroʻz!' degan bosh gʻoya asosida umumxalq sayli shaklida tashkil etilgan Navroʻz umumxalq bayram tantanalari koʻtarinki ruhda boʻlib oʻtdi.

​

​

Bayram doirasida katta sayl, maydon tomoshalari oʻtkazildi. Shuningdek, milliy taomlar festivali, pavilyonlar oʻrtasida turli qiziqarli bellashuvlar tashkil qilindi.

​

​

​

​

​

Navroʻz umumxalq bayramiga bagʻishlangan tantanali bayram dasturi doirasida viloyat hokimi Zoyir Mirzayev barcha vatandoshlarimizni tabriklab, nutq soʻzladi.

​

'Ona diyorimizga oʻzining fayzli qadamlari bilan xalqimizning eng qadimiy, asl milliy bayrami ' Navroʻzi olam kirib kelmoqda. Ana shu ulugʻ ayyom ' sharqona yangi yilning boshlanishi bilan avvalo, Siz azizlarni, Sizning timsolingizda viloyatimiz ahlini chin qalbimdan, samimiy muborakbod etaman!

Hazrat Mir Alisher Navoiy bobomiz 'Har tuning qadr oʻlubon, har kuning boʻlsin Navroʻz!' deb yozganlarida Navroʻzning obodlik, tinchlik-totuvlik, ahillik, bagʻrikenglik ramzi, qalblarimizda yaratuvchanlik va bunyodkorlik ishtiyoqini uygʻotadigan eng goʻzal va jozibador bayram ekanini nazarda tutgan boʻlsalar, ajabmas.

Bu yilgi bayram 'Qadriyatlaring boqiy boʻlsin, Navroʻz!' shiori ostida boshlanib, barcha shahar va qishloqlarimizda koʻtarinki ruhda davom etmoqda, uning muborak Ramazon oyi bilan birga kelishi esa fayzi va tarovati, mazmun va mohiyatini yanada boyitmoqda', deydi viloyat rahbari.

​

​

​

​

​

​

​

​

​

​

Bayram shukuhi viloyatning barcha shahar va tumanlari, qishloq va mahallalarida davom etadi.